هام جدا وعاجل للطالبات بخصوص مؤتمر الكلية

كنت بتكلم مع د خالد النجار عن مؤتمر الكلية واقترحت عليه اقتراح قلتله يادكتور ليه منعملش ورشة عمل على هامش المؤتمر تحضره طالبات الكلية ويستفيدوا
من علم بعض المشاركين من اعلام رياض الاطفال والمهتمين بالطفولة فى مصر والحقيقية بعد نقاش طلب منى د خالد تصور او مقترح لورشة العمل
وانا الحقيقة شوفت ان اكثر ناس قادرين على تقديم تصور او مقترح لورشة العمل هما الطالبات اللى هايحضروا اذا ارادوا الحضور
ولكن عندى بعد النقاط اللى ممكن تساعدكم
يعنى مثلا تفضلوا الورشة يكون فيها عدد كبير من الطالبات ولا يكون عدد محدد
تقترحوا ممكن تكون الورشة بعنوان ايه ومين اللى يحاضر فيها
ايه الموضوعات اللى شايفين انها مممكن تقدم استفادة ليكم
ياريت تكون فى ردود كتير واقتراحات حتى استطيع ان انقلها لدكتور خالد فى اسرع وقت لتحديد مدى جدية الموضوع من عدمه وشكراً
محمد عيد
سكرتير قسم العلوم النفسية

طب الورشة ديه تبقا ازاى يعنى ولا فى اى مجال بالظبط انا عاوزة افهم كويس علشان اقول اقتراحات طيب

انا قصدت بورشة العمل ان يكون هناك ندوة او لقاء مع طالبات الكلية هايكون على هامش المؤتمر، يعنى لقاء مثلا بين بعض المحاضرين اللى هايحضروا المؤتمر وطالبات الكلية ليستفيد الطالبات من خبرات المحاضرين فى مجال الطفولة يعنى مثلا فى طالبة اقترحت ان يكون موضوع الندوة عن كيفية اعداد المعلمات0
عايز اعرف ايه الاقتراحات اللى تحبوها تكون فى هذا اللقاء، مثلا تحبوا اللقاء يكون خاص باى مجال من مجالات الطفولة
ومين اللى يحاضر او تفضلوا انه يكون من الضيوف وهل من داخل الكلية ولا من الخارج الموضوع بسيط دى شئ جديد وعايزكم انتوا اللى تقولوا اقتراحاتكم ومطالبكم عايزين نعرف ارائكم لانكم جزء اساسى فى الموضوع
ارجو ان تكون الصورة قد وضحت

اولا مرسى يا استاذ محمد على اهتمامك بمصلحة الطالبات
انا بقترح ان تكون ورشة العمل بتعدنا للوضع الواقعى الموجود بالمدارس ولس كلام على ورق ولما ننزل للمدارس نلاقى كلام غير اللى احنا عارفينة هو اللى بيطبق
يعنى عايزين فكرة حقيقية وواقعية لاعدادنا للعمل بدون عوائق ومشكلات
انا افضل المحاضرين اكيد يكونوا دكاترة من كليتنا وكمان ياريت ذوات الخبرة فى العمل لنقل خبرة مباشرة لينا
وياريت كمان عايزين محاضرات لتوسيع افقنا للعمل فى المجالات الاخرى مثل اعداد البرامج والبرمجيات وعمل ترانسليشن لبرامج المدارس اللغات .......................... الخ
متاسفة على الاطالة

رائع واشكرك على التعليق
هل من مزيد

ياريت بعد أذن حضرتك يكون في ندوات للخريجات من الكليه في الأمور ألي تفيدنا في حياتنا العمليه وياسلااااااا لو تبقى في وقت العصر عشان نقدر نحضرها بعد لمانخلص شغلنا
ولوممكن يكون الأعلان عن هذه الندوات في المنتدى
وبشكركم على تعبكم
1000000000000000000 شكر

انا ياجماعة منتظر ارائكم واقتراحتكم ولو كان فى اقتراحاتك كثيرة اقدر اعرض هذه الاقتراحات على المسئولين عن المؤتمر لو مكنش في اقتراحات للاسف هالغى الموضوع وهانساه

بليز يا استاذ محمد لو ممكن نستضيف حد من كلية مثلا التربية النوعية او التربية الفنية بحيث نعرف بعض الفنيات الدقيقة
فى شغل العملى بجانب الاقتراحات التى سبق ان اقترحتها

حلوة اوى الفكرة وعلشان نخليها اكثر فاعلية لازم كل البنات تشارك فى اختيار الموضوعات اللى ممكن تتناقش سواء كانت موضوعات حياتية او متعلقة بالمهنة
يعنى احنا مثلا عرفنا فى دراستنا بعض الملامح الخاصة بشخصية طفل ما قبل المدرسة عايزين بقى نعرف اكتر عن حلقة الوصل بين الروضة واعداده للمدرسة (مراحل التعليم الاساسى) اما ع المستوى الحياتى فياريت حد يكون ذو خبرة بالمجال يقدر يقولنا ايه هى القواعد الاساسية اللى ممكن تتبعها اى أم فى تربية اولادها على اساس انها بتربى نشئ لمجتمع وزمان غير اللى هى موجودة فيه
انا شخصيا ارشح د. خالد النجار يكلمنا فى الموضوع ده
لكم جزيل الشكر وتمنياتى دائما بمجتمع افضل

اولا بشكر حضرتك يااستاذ محمد على الموضوع ، والاهتمام بالتشاور وسماع ارائنا.

انا اتمنى ان تتناول ورش العمل موضوع التنمية البشرية لينا كمعلمات وازاى اقددر اتواصل كمعلمة مع مناخ العمل من اطفال ومديرين واولياء امور......

وازاى انا كمعلمة اطور من مهاراتى ومرونتى وابعد عن التقليدية والنمطية بحيث ابدا اطور الاطفال وانميهم.

بالاضافة الى مجال الابداع والابتكار بالنسبة للمعلمة وللطفل....

واتمنى ان تكون هذه الورش ليس مجرد كلام نظرى فقط لكن نظرى وتدريب وزيارات ومشاركة عملية...

شكرا واسفة اذا كنت طولت عليكوا...

اشكركم على التعليقات
هل من مزيد

ها ياترى فى حد عنده اضافة

[list=1][b]
انا بطلب ان الورشه تتحدث عن المجالات الاخرى لمعلمة رياض الاطفال كما سبق وقالت احدى البنات يعنى زى البرمجيات والصحافه
والعمل فى المؤسسات الخاصه بزوى الاعاقات وخاصه اعاقه التوحد ياريت لو تنال هذه الاعاقه حيز كبير فى التحدث عنها
واخر موضوع اطلبه هو التحدث عن تكنولوجيا التعليم فى الروضات وكيفيه تطبيق ذلك فعلايا فى المدارس وشكرا جزيلا للفكرة فهى رائعه

شكرا للفكرة ، وبالمناسبة سوف يؤقام فى المركز بالكلية يوم الخميس الموافق 18/3/ 2010 ندوة جحول جماليات ادب الاطفال ، الساعة الخامسة ، وهى تهم الطالبات وطلبات الدراسات العليا ، وهى بداية لنشر الوعى بمجالات العمل مع الاطفال بين الطالبات والمهتمين . والدعوة عامة ، للطابات .
واستكمالا للفكرة التى نشرت مبدئيا ياريت تقترح الطالبات افكار عن ورش عمل لرفع اداء الطالبات . ممكن تقام فى الصيف وتحديد المواعيد المناسبة .
اما بالنسبة للمؤتمر فمن المهم حضور الطالبات ومناقشة الابحاث
ثانيا : ممكن أن تطلاب الطالبات من ا. د خالد ان تعقد ندوة خاصة بهن يعرضن قيها اوراق بحثية مصغرة حول مشاكل الطالبة المعلمة ، او مشاكل الطفولة ، ويناقشها الحضور من الاساتذة
الفائدة هنا ان نربط بين الطالبات ومشاكل الواقع ، وتدريبهن على البحث العلمى
د. كمال حسين

بصراحة الفكرة جميلة جدااااااااااااااااااااااااااااااااااااا وياريت طبعا تكون ورشة العمل عن كيفية التعامل مع المواقف التي تحدث في الروضات وكيفية التفاعل الجيد بين المعلمات وبعضهم البعض أو بين المعلمة والاطفال دون الاحساس بالحرج والارشادات النفسية للتعامل السوي مع الاطفال وأكيد هنستفيد من دكاترة الكلية أفضل بكثيييييير وذلك لخبرتهم الجيدة والواسعة وشكرا لاهتمامكم بالموضوع

انهافكره جميله جدا ان تاخذ الاراء حول ورشه عمل فى المؤتمر وانا لى اقتراح بدعوه خريجى الكليه من اعوام سابقه والحديث معهم عن المشكلات التى قابلتهم اثناء العمل مع الاطفال وكيف قاموا بحلها وماهى افضل الطرق لحلها

لوسمحتو عايزه اعرف هو المؤتمر امتى وعادى ان حد من بره يحضر ولا لا

المؤتمر تقريبا هيبقى فى الفترة من27-29 من ابريل
بس بصراحه معرفش لذا كان ممكن حد يجى من برة ولالا

السلام عليكم ورحمة الله وبركاته وبعد

قرأت جميع المشاركات ووصلتني باليد من خلال الاستاذ محمد عيد واشكركم جميعا على هذه المشاركات والاقتراحات القيمة وأعدكم بأن يكون هناك جلسات وورش عمل خاصة بطالبات الكلية وخريجاتها من الدفعات السابقة وقريبا جدا سوف أعلن عن جميع التفاصيل الخاصة بمشاركة الطالبات.
واريد فقط ان اخبركم بأمرين:
الاول أم موعد المؤتمر سيكون في الفترة من 4-6 مايو 2010 وسيعقد بقاعة المؤتمرات بالمدينة الجامعة لجامعة القاهرة.
الثاني أن المؤتمر مفتوح للجميع للمشاركة في فاعلياته من جلسات بحوث ومحاضرات وندوات وحلقات نقاشية وورش عمل ومعارض ومسابقات فنية لذلك اقول ان الدعوة عامة ويكمن للجميع الحضور من داخل الكلية او خارجها.

تحياتي وتقديري

طيب ممكن سؤال يادكتور خالد هل الفترة بتاعت المؤتمر من 4_6 مايو فيها امتحانات لاى دفعة من الكلية؟

السلام عليكم ورحمة الله وبركاته وبعد

بالتأكيد لن يكون هناك امتحانات في ذلك التوقيت بل اعتقد ان جميع اعضاء هيئة التدريس بالكلية سيكونون جميعا مشاركين في فاعليات المؤتمر طوال الثلاثة ايام

اعتقد للطالبات والخريجات عدد من الانشطة المعدة خصيصا لهم

تحياتي وتقديري