ذكريات من الطفولة

يا ريت كل واحده تفضفض عن نفسها وتقولنا مواقف حصلت معاها من الطفولة وعمرها ما تتنسى
وهبدأ وأحكيلكم عن ذكريات من الطفولة بس هى مضحكه شويه

وأنا فى الحضانة
كانت الميس على طول تغنى معانا أغنية " رايح فين يا حماده رايح أجيب شيكولاته إنتى ومين يا حماده ....... "
وكنا بنسقف معاها
وفى يوم من الأيام كنت بسقف وتانيه الكفين على بعض زى الميس ما بتسقف وراحت زعقتلى كتير أوى
عشان بقلدها وبسقف زيها وقالتلى محدش يسقف زى الميس

الموقف التانى
فى المرحلة الإبتدائية وخاصة فى سنه خامسة
كنت فى يوم مش مذاكرة العلوم وجيه المدرس بيسألنى ومعرفتش أجاوب عليه
وكان فى الوقت ده الجزم الدبابه لسه طالعه جديد
وكان المدرس ضخم جدا وطويل جدا
وخلانا كل اللى مش مذاكر يخلع الكوتشى والشراب
وراح واقف بكل جسمه وقوته على القدم مما سبب ورم فى قدمى وتغيبت عن المدرسة لمدة إسبوع
وحتى الأن بشوف المدرس ده ومن يوميها لا يمكن كلمة إزيك حتى بتطلع له نهائى

يا ريت كل واحده فيكم تضحكنا شويه وتحكى شوية مواقف حصلت معاها وهى صغيرة فى الطفولة

لما كنت صغير ةكنت بحب اوى انى احط اخويا فى خزنة المكتب كانت كبيرة كنا بنحب نلعب اوى كده

ويقولى سيبينى جوة ومتقوليش لماما وانا موافقة ماما تطلعه وتضربنى وتقولى ده ممككن يموت جوة

موقف تانى اختى اصغر منى ب 8 سنين فتقريبا كانت طول وقتها معايا وماما بره او فى الشغل

لغاية مبقت تقولى يا ماما كنت بتضايق اوى لما تقولى قدامى صحابى يا ماما

كنت لسه فى خمسة ابتدائى وبقيت اعيط لما عشان كده بقت تقولى دى اختك

المهم دلوقتى هبوس ايدها عشان تقولى يا ماما تقولى ابداااااااااااااااااااا


يلا هيا مواقف مش مشوقة بس مفتكرتش غيرها

اول مفتكر حاجة تانى هكتبها على طووووووووووووول

حلو اووووووووووووى الموضوع ده

انا وانا صغيرة كنت ديما بحب اشوف الحاجة واجربهاواحب اقلد معظم الحاجات اللى اشوفها

مرة كان عندنا ماكينة خياطة انا عملت ايه حطيت صبعى تحت ابرة الماكينة واعدت اخيط عليه

مش ناسية شكل بابا ساعتها لمل شاف صبعى تحت الماكينة وكان طبعا بينزل دم كتير

حلو اوي الموضوع ده
وانا صغيره واعوذ بالله من كلمة انا كنا في وسط البلد انا وبابا وماما واخواتي بنشتري لبس العيد والدنيا كانت زحمه موت وتهت منهم وطبعا بابا قعد يدور عليا المهم لاقاني ولما انا شوفته قعدت اضرب فيه واعيط واقوله انت مشيت وسبتني ليه

لما كنت صغيرة في الابتدائي كانت الميس بتحب بنات معينة بمعني لما يغلطوووووووو ميدربوش ومش بتزعق لهم وبالافخر انا مكنتش منهم هههههه المهم كانت الميس دي دايما تزعق للفصل كله الا هما فمره لمارجعت البيت مسكت عصايه وقعدت اضرب الكراسي واسمي كل كرسي باسم البنات اللي الميس مبتضربهمش واقعدت اضرب فيهم كتير اووووووي

شكرا ليكم
هنوده
نور
أطفال الجنه
أيوت
بجد يا أيوت أنا عرفت دلوقتى بس أهمية الكلية دى فكرتنى بحاجات كتير درسناها فى الكلية
نورتم كلكم وبجد إحساس حلو أوى لما نشوف ذكريات الطفولة ونرجع لأيام زمان
ياريت كل اللى عنده ذكرى حلوه يطربنا بسماعها ويضحكنا شويه