حد يرد علينا

ممكن حد من الدكاتره الافاضل يرد علينا ويفهمنا الوضع اللى حصل فى سنه رابعه بالله عليكوا لو فى اى حل ياريت بس واحنا نعمله
مستقبلنا بجد ضاع ..ياريت حد يتصرف يعمل حاجه
احنا مسئولين منكم ..هل النتيجه بالوضع ده طبيعيه
عمرها ما حصلت قبل كده ..واشمعنى السنه دى
وبالذات فى الماده دى
ارجو من دكتور خالد او كتور محمد يرد عليا بجد انا هتجنن خلاص ...يارب

ربنا يستر يا بنتى علينا

اللهم اجرنى فى مصبيتى واخلفلى خيرا منها

السلام عليكم ورحمة الله وبركاته وبعد

ليس عندي كلام اقوله او تفسير او حتى تبرير لأن المناخ الذي نعيش فيه معظمه فاسد والإفساد في زمن التخلف يكون هدف ورسالة يسعد بها الكثيرين فقط أذكرك وأذكر نفسي بحديث الرسول الكريم أن الناس نيام فإذا ماتوا انتبهوا...........انتبهوا ......صدق رسول الله

سلام عليكم...يا جماعة هو اللى حصل فى سنة رابعة بالظبط ومادة ايه دى؟؟بقالى فترة شايفة شكاوى كتير!!!!!بس واضح انها مشكلة كبيرة اوى وواضح انها مش حصلت قبل كده فى الكلية...ربنا يعينكم ويعوضكم خير ان شاء الله واللى اجتهد ربنا لا يضيع جهده ابدا واحسنوا الظن باللــــــه

اذن لا يبقى لنا الا الدعاء

اكيد الدعاء حل بنرجع فيه لربنا ليساعدنا
ولكن هناك حلول في رئيس الجامعة ويريت لو 10 من الدفعة راحوا طلبوا المقبالة معاه
مش هيوافق علي الوضع الحالي والكلية هتتقلب لان بجد الفساد بقي سمة بعض الشخصيات في الكلية
وعرفوه ان نفس الدكتوره معاكوا تاني في الترم التاني وهو هيلاقي حل ان شاء الله
وايضا في الحل القضائي ورفع قضية ضد الدكتوره دي لان ده ممكن يخرج البنات الاوائل عن التعين
وتفتكروا انها محتاجة تضر البنات دول علشان ليها حد عايزه تعينة؟؟؟؟؟؟؟!!!!!!!!!!!!!!

يا بنات متخفوش والله اتحركوا واوعي تسيبوا حقوكوا لان اكيد الي حصل ده ميرديش ربنا طول عمر نتيجة سنة رابعة مبتقلش عن 90% واكتر الا الي مش عايزة تنجح زي ما تكادتره المحترمين بيقولوا
لكن ان الاوائل كمان يشيلوا المادة في امتحان صح وخطأ دي كارثة بكل المقايس

حسبي الله ونعم الوكيل في الظالم

متشكره على الردود يا جماعه ولكن من فضلك يا دكتور خالد حط حضرتك مكانى
ومكان كل بنت مستقبلها بيضيع قدام عينيها
اعمل ايه يا دكتور انا بجد فى كابوس
واجب الدكاتره انهم مش يسبونا لوحدنا
اعتقد ده دوركم ..كاباء قبل ما تكونوا معلمين
يارب ..........