]السلام عليكم ورحمة الله وبركاته
أزيكوا يا أحلى بنات؟ يارب تكونوا بخير وسعاده
وربنا يخليكوا أمهاتكم ويخليكم ليهم
وكل سنه وكل أمهاتنا بخير وصحه وسعاده
وربنا يخليهم لينا يارب .
إ النهاره بقا جايبالكم خاطرتين كده يارب يعجبوكم أهم حاجه
"إن شاء الله هايعجبوكم"
هي واحده عالأم
والتانيه عالأم والأب عشان الأب مايزعلش زي بعضه
هههههههههههههه
اناا قرتها وعجبتي فقلت أنزلها لاخواتي وحبيباتي
واترككم مع الخاطره الأولى "عن الأم"
هى مكتوب عليها العنوان بتاعها فوق :
(غـنـــــــــــــوة للأم)
يا رحمة عايشة ويانا
بكل الحب ضمانا
عليكي ربي وصانا
يا أطيب أم في الدنيا
صباحك ورد ومندي
وعيدك أحلى عيد عندي
يسلم لي قلبك الوردي
ياروحي وقلبي وعنيه
تقومي الصبح قبلينا
بكل حنان تصحينا
وع الأخلاق تربينا
يافرحة م السما جايه
يالمه الأهل والعيلة
وعامله علينا ضليله
يانسمة حب وخميلة
وقلبك نبع حنيه .
يارب تكون عجبتكم
وكل سنه وأمهاتنا طيبين وبخير وسعاده
وربنا يخليهم لينا يارب
واترككم مع الخاطره التانيه وهي بعنوان :
(الـــــوالـــــــــــديــــن)
أمك وأبوك لاتنين
بمحبتك اولى
وطاعة الوالدين
من طاعة المولى
عايشين على خيرهم
مالناش حبيب غيرهم
***
لو كانش أبوك وأمك
ماكانش ليك ذكرى
ولا حد شال همك
ولا كنت ع الفكره
يالاهي عن أهلك
أخاف عليك تهلك
***
الأم شالت وتعبت
والأب ربى وجاب
والدعوة م القلب طلعت
وكان دعاهم مجاب
ماتكونش جاحد عليهم
ده الخير تملي في إيديهم
***
مين اللي بالروح يضحوا
غير بس أمك وأبوك
من عز نومهم بيصحوا
لو قلت أه يفدوك
جازيهم برحمة ومحبة
دول هما أغلى الأحبة .
يارب تكون عجبتكم
وربنا يخليلنا أبائنا وأمهاتنا
ويعنا على برهم وطاعتهم .
موضوع: شعر عن الام والاب 
