قيمة الحياة..

( قيمة الحياة )

نفس الحياة نفس اللي فيها
نفس الحكاية نفس الرواية
وايه الجديد
أنا عايزه حاجه أحس بيها
تكون جديده
أنا عايزه ناس أحس بيهم
أنا عايزه ناس في الدنيا ديَّه
يكونو ظهري يكونوا ليَّه
أحس بيهم ويحسو بيَّه


في ناس كتير... لأ مش كتير
همَّا بصراحة قليلين
بحس بيهم قريِّبين
بيقفوا جنبي بحب وحنين
بيكونوا جنبي وحنيِّنين
بس الكتير متغربين
احساسي بيهم متغرَّبين
هيَّ دي دنيتنا ديَّه
دي دنيا فعلا


هشارك واحسن
هغير وبيِّن
عيوبنا ديَّه
وأهد فيها
وأبني عليها
أخلاق جديدة

هيَّ دي قيمة الحياه
نجدد فيها بقيمتنا فيها
لازم نعلِّي راية بلدنا
نعلِّي فيها بأخلاق ِولدها
ويبقى فينا خير بيلاحقنا

أنا نفسي أشوف بكره بيوتنا
مليانه ناس بأخلاق جدودها
عايزه الأصاله عايزه النزاهه
عايزه الأمان عايزه الأمانه
عايزه الأخوه عايزه الكرامه
ساعتها هكون عايشه الحياه
حياه بمعنى قيمة الحياه

جميلة جدا

جميلة جدا