اعلان عن ورش العمل خلال انعقاد فاعليات المؤتمر الدولي الثاني لكلية رياض الاطفال

طالبات وخريجات ومعلمات رياض الأطفال

السلام عليكم ورحمة الله وبركاته وبعد

تقرر عقد عدد من ورش العمل ضمن فاعليات المؤتمر الدولي الثاني لكلية رياض الأطفال 4-6 مايو 2010 وهي على النحو التالي:
1- رعاية النمو الاجتماعي والانفعالي لطفل الروضة ...ورشة عمل لتدريب معلمات رياض الأطفال ويقدمها الأستاذ الدكتور علاء الدين كفافي والدكتورة سهير سالم.
2- الرسوم المتحركة ورشة عمل باستخدام تفنيات وفنيات مبتكرة جديدة يقدمها الفنان التشكيلي الأسباني خافيير بويجمارتي
ورش عمل تقدم قبل انعقاد المؤتمر يومي 2و3/5/2010
1- تصميم العرائس
2- فن الاورجامي
3- الرسم على الوجه

قيمة الاشتراك في هذه الورش 30 جنيها

ملحوظة: يرجع الفضل في عقد هذه الورش إلى الجهد الكبير الذي بذله الاستاذ محمد عيد سكرتير قسم العلوم النفسية وكذلك الى التعاون الرائع الذي تقدمه الاستاذة الدكتورة نبيلة حسن رئيس المركز القومي لثقافة الطفل فشكرا لهم على هذا الجهد

فقط تذكروا ان نجاح المؤتمر رهين بمشاركتكم في جميع فاعلياته

تحياتي وتقديري

طب انا عندى بعض الاسئلة
*هل الخريجات ممكن يحضروا الورش ديه ولا للطلبة بس.
*كل ورشة ب 30 جنيه ولا كلهم.
*السعر هوا هوا للخريجات ولا اغلى.
*ورشة الرسوم المتحركة ديه عن طريق برامج كمبيوتر ولا عبارة عن ايه.
*ورشة تصميم العرايس اللى هيديها دكتور كمال او حد من الكلية ولا حد من بره.
* ورشة العرايس فيها تعليم انواع مختلفة من العرايس ولا نوع واحد وايه هوا.
*كل ورشة من دول ليها ميعاد مختلف عن باقى الورش ولا ممكن تكون المواعيد فيها مشكلة.
*هل ممكن الواحد ياخد اثبات من الكلية انو حضر ورشة زى كدا ولا ديه حاجة صعبة.
*فيه حجز مسبق ولا الواحد يجيى يوم 2\5 علطول.

ياريت يادكتور تجاوب بسرعه على الأسأله ألي سألتهها moro لأنها نفس الأسأله ألي كنت هسألها لحضرتك بس لو بعد أذنك ممكن أضيف أزاي الأشتراك وهتكون على الساعه كام
و100000000000 شكر لتعب حضرتك

السلام عليكم ورحمة الله وبركاته وبعد

ما كل هذه الاسئلة ماسورة اسئلة ضربت في المنتدى عموما سأحاول الاجابة
اولا: السعر موحد للجميع للطالبة والخريجة وحتى لمن هم من خارج الكلية كما ان هناك شهادة معتمدة من الكلية بحضور الورشة
ثانيا: جميع المدربين من خارج الكلية
ثالثا: ورشة الرسوم المتحركة مضمونها غير تقليدي وجديد جدا
رايعا" المواعيد ستعلن بشكل تفصيلي يوم الاثنين القادم ب\اذن الله
خامسا: الاشتراك عن طريق سداد الرسوم عند الاستاذة هدى عواد في رعاية الشباب يوميا وحتى يوم المؤتمر
سادسا: صدعتوني

سابعا: تحياتي وتقديري

طب ماسورة الاسئلة لسه فيها سؤالين مازنوقين وهما
*لازم الواحد يشترك فى كل الورش ديه ولا ممكن يختار ما بينهم.
يالاه كفاية سؤال واحد بقا علشان الصداع وباذن الله ممكن اجيب لحضرتك اى مضاد للصداع وانا جاية الكلية بقا ان شاء الله...ههههههههه
ومستانين مواعيد الورش
وبجد ميرسى كتير لسعة صدر حضرتك

النهاردة بقا يوم الاربع اهوه والمواعيد ما نزلتش ........
حضرتك فين يا دكتور خالد.........؟

السلام عليكم ورحمة الله وبركاته وبعد

مواعيد الورش كالتالي:
يوم الاحد والاثنين القادمين 2و3مايو ورش تصميم العرائس والرسم على الوجه وفن الاورجامي وتبدأ الساعة الثالثة عصرا
ورشة تنمية قدرات معلمة الروضة يوم 4 مايو الساعة الواحدة ظهرا بالقاعة هـ بمركز المؤتمرات بالمدينة الجامعية
ورشة الرسوم المتحركة يوم 5 مايو الساعة الرابعة عصرا بالقاهة هـ بمركز المؤتمرات بالمدينة الجامعية

رسوم الاشتراك في الورشة الواحدة 30 جنيها وتحصل الطالبة على شهادة معتمدة


تحياتي وتقديري

طب كدا تمام..... بس برضه فيه سؤال
*الاحد والاتنين هيبقا فى الكلية ولا برضه فى المدينة الجامعية.
*دفع الرسوم بقا برضه فى الكلية فى رعاية الشباب ولا ايه.

السلام عليكم ورحمة الله وبركاته وبعد

ورش العمل يومي الاحد والاثنين ستكون داخل الكلية ويسدد الاشتراك عند الاستاذة جميلة قي مكتب الشئون المالية بالكلية

ورشتي الرسوم المتحركة وتنمية مهارات المعلمة ستكون اول يوم وثاني يوم من ايام المؤتمر وستتم داخل مركز المؤتمرات وسداد الرسوم ايضا عند استاذة جميلة

تحياتي وتقديري

معليش يادكتور أنا أسفه أني بتقل على حضرتك بس أنا عارفه رحابت صدرك
أنا دلوقتي متخرجه بقالي 4 سنين والحمد لله يشتغل دلوقتي فهل ينفع أحجز وأدفع الفلوس في نفس يوم الورشه يعني لما أجي أحضر الورشه؟؟؟
وهل في خامات معينه لازم نجيبها معانا ؟
ومتشكره جدا جدا جدا جدا على حسن أهتمامك وتعبك معانا وبعتزر على أزعاج حضرتك

شكرااااااااااااا

ورش العمل متاحة للجميع طالبة او خريجة او معلمة او غير ذلك مفتوحة للجميع ويمكن الاشتراك والسداد في نفس يوم عقد الورشة

تحياتي وتقديري

10000000000 شكر ليك يادكتور
وأسفه جدااااا على تعبك وكترت الأسأله ألي بسألها
وبكرر شكري مره تانيه شكررااا

بجد ورشة تصميم العرائس كانت جامدة جدا .... بس كان نفسى احضر ورشة الرسوم المتحركة ..
ياريت تكرروا الورش ديه تانى
والف شكر على المجهود الرائع

يا جماعة محدش عنده اخبار عن الشهادة بتاعت الورشة.....
لو حد عنده اى اخبار ياريت يقولنا

انا رحت سالت قالولى اسالى الاسبوع اللى جاى مش عارفة بقا هناخدها امتى