ثقافة الاختلاف

نحتاجها وبشدة!
كثيرا ماقرأت وشاهدت اختلاف فى وجهات النظر بين شخصان او اكثر وكنت دائما استمتع بهذا الاختلاف (ليس من باب الوقيعه بينهما) فالاختلاف فى الرأى
ثقافة وعلم يجب ان يدرس، فمن وجهة نظرى طالما ان هناك اختلاف بين اثنان او اكثر حول موضوع مهم فهذا فى صالح الموضوع أو القضية نفسها فكل منهما
سيعرض وجهة نظره وسيكون حتما هناك مزيج من الآراء التى تفيد الموضوع او القضية0 وهناك من لا يقبل الاختلاف لعدة اسباب منها:-
1- ان هذا الشخص لا يقبل الاختلاف بشكل قاطع فهو لا يقبل المعارضة تحت اى صورة ويرى دائماً ان قراراته دائما صائبة وان اى رأى يخالفه معناه اختلاف شخصى معه وكائنه فى حرب مع هذا الشخص0
2- هناك من يكون على استعداد لتقبل الاختلاف فى الرأى ولكن الطرف الاخر يختلف معه بشكل لا يليق وغير قائم على الاحترام المتبادل فبالتالى يرفضه الشخص
المختلف معه لاسلوبه المتدنى فى الحوار وبالتالى يخسر قضيته ولا يستطيع ان ينقل وجهة نظره حتى ولو كانت صحيحة (وهذه ماشاهدناه كثيراً على هذا المنتدى) فهناك بعض اعضاء المنتدى يعبرون عن وجهة نظرها ولكن بطريقة لا تليق مما يجعل الطرف الاخر فى حالة سخط خصوصا ان المنتدى مكان عام الكل
يقرأ ما يكتب عليه
3- النوع الثالث هو من يقبل الاختلاف ولكن اذا لم يتعارض مع وجهة نظره او ان يكون يقبل الاختلاف من داخله ولكن التكبر او الغرور يمنعه من تقبل هذا الاختلاف وهذا شخص بغيض يبغضه الناس ولا يتحدثون مع الناس
4- هناك اشخاص - وهؤلاء كثيرون- يخافون ان يدلون بارائهم اما من باب الخوف من العقاب واما من باب عدم قدرتهم على التحدث امام الناس
كذلك هناك بعض الانواع من البشر الذين ليس لديهم افكار ولا آراء ويؤيدون من هم لديهم السلطة على طول الخط ويرون رؤسائهم دائما على حق حتى ولو كانو على غير ذلك، وهناك من ليس ليه أراء فى اى شئ فهو يعيش فقط ليس له هدف ولا رؤى لاى شئ 0
كل هذا بعض من امثله ونماذج لاشخاص يتفقون او يختلفون فى حرية الرأى والتعبير، ولكن المهم ان نقول اراؤنا بما لا يخرج عن الآداب العامة والقواعد والاسس التى تجعلنا نحترم من نختلف معه مهما كان حدة الاختلاف بينك وبين الطرف الاخر فثقافة الاختلاف يجب ان تدرس منذ الصغر لاطفالنا من اول ماتستطيع مداركهم ان تفهم وتعى0
وانتن ياطالبات ومعلمات رياض الاطفال وخريجاتها لديكم مسؤلية كاملة فى هذا الموضوع لأنكم مؤتمنين على اطفال مصر كلها فيجب عليكم ان تزرعوا داخلهم فى
بداية ادراكهم للحياة ثقافة الاختلاف وآداب الاختلاف والتعبير عن الرأى مهما كان حتى يستطيعوا أن ينهضوا بهذه الامة وترجع لنا ريادتنا مرة أخرى0
محمد عيد
سكرتير قسم العلوم النفسية

الموضوع رائع بصراحه

بس انت نسيت نوع خامس اللى هوا بعض الناس اللذين يقبلون الاختلاف فى الرأى تحت سياسه الاقناع بوجهه النظر الاخرى ( يا تقنعنى يا اقنعك ) و ده بالادله و البراهين

بس فى المجمل الموضوع هادف و احيك عليه

ميرسى ليك على طرح الموضوع

اشكرك على تعليقك وكلامك

مرسى الموضوع فعلا جميل وفعلا مهم بالنسبة لينا اولا لانفسنا علينا ان نتقبل نحن هذه الثقافه وندركها ثم ننقلها بوعى لاطفالنا
احيييك على هذا الموضوع

اشكرك على تعليقك وكلامك

احنا عندنا فى بلدنا الديمقراطية وابداء الرأى يعنى اتكلم بصراحة بس فى الحدود بس لو اتكلمت فى السياسة بحرية اروح ورا الشمس ودة بشوفه ان احنا مابقاش عندنا راى بسبب السلطة الموجودة علينا يعنى اقول وانا مالى خلينى فى حالى على العموم شكرا لك على هذا الموضوع المثير للغاية والذى ارى فيه انه اكثرمن هام وجزاك الله كل الخير.

اشكر فى البداية على تعليقك
وانا اختلف معكى ولو قليلا فسقف الحرية اصبح اوسع اكثر من ذى قبل
وقابل للتمدد وانا اعرف ان كثيربن جدا سيختلفون معى فى هذا الرأى
ولكن هنك نشاط كبير على مختلف المستويات وان كان ليس على مستوى الطموح ولكن فهو موجود

موجود بس قليل جدا وفى رأيى ان الحرية اصبحت غير موجودة فى التعبير عن راينا فى هذه البلد هل هى بلد متخلفة لتجاهلها الراى ام بلد قابلة للتقدم ؟

اسمحيلى يا ساندى انى اختلف معاكى

احنا بنتمتع بحريه رأى كبيره بمعنى انك لو بحثتى على النت هتلاقى الالاف المواضيع اللى نازله بتتكلم عن البلد

و ناس كتير بتقول رايها و محدش بيعمل معاها حاجه

احنا بس لما بنيجى نهزر مع بعض بنقول ( بس لحسن الحيطان ليها ودان ) بس موضوع اننا نروح ورا الشمس ديه بتحصل للناس اللى غايه شغب زياده

بمعنى ان الحكومه مش هتسمح بالخراب و الضرب و المظاهرات العدوانيه كتعبير عن الراى

لكن لو تسمعى عن الوقفه الصامته اللى كانت من فتره صغيره ( فى امتحاناتنا ) محدش عمل فيهم حاجه بل بالعكس سابوهم يعبروا عن رايهم و الكورنيش كان مليان بطريقه غريبه

و بالنسبه لكلمه ( وانا مالى ) ف دول اللى بيقولو اللى ملهمش فى السياسه و مش بيحبو يدخلو بس مش خوف
هوا بس منعا لوجع الدماغ

و بلدنا قابله للتقدم و بتنمو مع الزمن بس بايدينا احنا مش بايد كام واحد ماسكنها !

وعلى فكره انا بموت فى مصر لانها بلدى و وطنى و مسقط رأسى

رايك ايه فى كلامى ؟!

انا معاكى فى الكلام دة جدا ومقتنعة به تماما بس هل العيب فينا ولا العيب فى الحكومة بسبب التغير اللى ممكن نعمله اكيد فينا احنا اللى بنعمل واحنا اللى بنقول واحنا اللى بنشاغب بس فيه حاجة لو اجتمعنا كلنا على راى اكيد هنعمل حاجة ودة اللى عاوزة اوصله ليكوا واكيد ممكن نلاقى اختلاف للاراء فى حاجات كتيرة مش فى الدولة وبس بل فى حياتنا وثقافة الاختلاف ديه موجودة فى انحاء العالم بس بتقدمهم عرفوا يحققوا واحنا لسة زى مااحنا معتمدين على ثقافتنا القديمة ومفيش تغيير وعل العموم اقدملكم حاجة كدة سياسية من تاليفى وهى:
مسؤلين مش سألين عن مصالح ناس متعطلين بالمظاهرات معتصمين مسؤلين مش مهتمين عن ناس مهمومين وناس مش لاقين وناس يائسنين علي مر السنين وناس بالحق مقتولين وناس وناس وناس وفي الأخر بحمد الرحمن راضين.

اهلا بيكم مرة ثانية واشكرمك على الحوار الجميل ده
بس خلينى اقولك ياساندى انا لما كتبت موضوعى مكنش هدفى نه انى اتكلم فى ساسية او اوضاع البلد ولكن كان الهدف اننا نلقى الضوء على شئ مهم وحيوى وهوى الاختلاف فى الرأى بين الناس على كافة المستويات وازاى احنا نتقبل الاختلاف فى كل شئ وليس فى السياسة فقط خصوصا ان فى بعد الطالبات كانت بتنتقد باسلوب غير مقبول وكانت بتنتقد بعض الدكاترة بصورة غير مقبولة
فكان الهدف ان نقدم نقدنا ولكن بصورة تليق بالمكان الذى ننتمى له
فاسمحيلى اقولك انك خرجتى عن اطار الموضوع
وتقبلوا تحياتى

وانا قولت انه ممكن مايكنش فى السياسة بس ممكن يكون فى حياتنا وعلى العموم الموضوع اكثر من رائع اشكرك علية .

الموضوع رائع بس محتاج تنفيذ على أرض الواقع

بشكركم على تعلقاتكم الجميلة

ثقافة الاختلاف
كنت قد كتبت مقالا عن ثقافة الاختلاف وكيف اننا نحتاج الاختلف ولكن بضوابط هذه الضوابط تضمن لنا جميعا ولكل الاطراف
الخروج باكثر من مكسب وهذا ما نحن فيه الان
فلو نحن الان استمعنا للاختلافات بعقل وعمق من دون شغب او تطاول لكنا خرجنا من هذه الازمة الطاحنة بسلام
محمد عيد

ربنا يسر من جمعة الاستقرار وجمعة الرحيل

وداعا لكلمة وانا مالى خلينى فى حالى وداعا للخوف وداعا لاى حاجة وحشة فى البلد وداعا للخوف
ونعم للحرية وتقبل الراى الاخر