كيف أعد نفسى للمقابلة؟

السلام عليكم ورحمه الله
انا خريجه هذه الكليه التىافتخر بها والله بكل ما فيها
وعشمى فى ربنا وفيكو كبييير انكم تسعدونى
انا قدمت فى مدارس كتير ومستنيه تحديد معاد المقابلة فأنا عايزه اعد نفسى كويس علشان ابقى واثقه من نفسى فى المقابله
فياريت اللى عنده فكره عن اسالت الامتحان اللى ممكن امتحن فيها او الاسئله الشفوى اللى هيسألوها كده يعنى يا ريت يقلى ضرورى الله يبارك فيكو
ولو فى اى توصيات يبقى جزاكم الله خيرا

انا كمان محتاجة نفس طلبك ياريت نلاقى حد يساعدنا ولولقيت حاجة اقولك

يا ريت حد يرد علينا وجزاكى الله خيرا دوللى

السلام عليكم ورحمة الله وبركاته
اولا اختي امة الملك الموضوع عايز هدوء وثقة بالنفس لانه يكفي انك خريجة رياض اطفال وبالتالي اي مدرسة هترحب بيكي
ثانيا الاسئلة اللي بتتعرضي ليها اغلبها شخصية عن عنوانك والحالة الاجتماعية واكيد هتتسالي عن سنوات خبرتك اذا كنت اشتغلتي قبل كدا وهتسالك عن طريقة شغل السابقة كانت ازاي
ثالثا وده لجزء الاهم في المقابلة انها هتطلب انك تعملي ديمو قدام المدرسين والديمو هو عبارة عن انك هتختاري حرف وتشرحيه بالتفصيل ولو كان في امكانك انك تتكلمي عن موضوع من الموضوعا اللي كنا بنعملها في الكلية زي الفواكه او فصول السنة ويكون معاكي وسائل الموضوع طبعا وبعد ما تعرضي الموضوع تتطلعي حرف كان مستخدم كتير في الموضوع وتشرحيه لان اللي بيهمهم طريقة شرحك للحروف اكتر من الموضوع
ويارب اكون قدرت افيديك

جزاكى الله خيرا شيماء بشكرك يا حببتى على ردك

انا خريجه السنه اللى فاتت ومشتغلتش لظروف وزى ما قلتى انهم بيهمهم شرح الحروف والمشكله عندى هى ازاى اشرح الحرف لكن لو على انى اقدم موضوع من الموضوعات اللى كنا بنعملها فى الكليه طبعا ده مفهوش مشكله وكمان سمعت ان فى مدارس بيعملوا امتحان تحريرى فعايزه اعرف بيبقى فى ايه غالبا علشان اعد نفسى لو تعرفى ربنا يخليكى قوليلى
ويارب يجعله فى ميزان حسناتك

بصراحة انا معرفش حاجة عن الاختبار التحريري لانه محصليش قبل كدا

متقلقووووووووووووووووووش يا بنات الموضوع بسيط خالص وكفايه انك معلمه رياض اطفال متخصصه ...والاسئله غالبا بتكون شفوي لان التحريري مالوش اي اهميه ....لان المطلوب من الامتحان معرفه مدي لباقت ...وتخطيكي للمشاكل والمواقف المختلفه
والاسئله هتكون مثلا :1-لو عندك طفل شقي مش بتعرفي تشرحي بسببه هتتصرفي ازاي مع المشكله دي ؟
2- ايه رايك في مسلسل الكرتون توم اند جيري ؟
لو جالك ولي امر يشتكي منك واشتكي لمديرك هتتصرفي ازاي ورد فعلك هيكون ايه لاي مشكله ما ؟
انا هستني ردودكم ونناقشها سوااااااااااااااااااا؟

ميرسى كتير والله يا مانجه يا جميلة

لوعندي طفل شقي مش بعرف اشرح بسببه اقدمله الوسائل ال تجذبه وتشد انتباهه واحذره كذا مره ولو فضل ع حاله يبقا الجأ للعقاب وطبعا مش الضرب العقاب ال درسنااااااه
الكارتون توم اند جيري غير مناس للطفل لانه مبيحتويش ع اي هدف ومعظمه مشاهد عنف طبعا
وبالنسبه لولي الامر من المفروض طبعا اعرف بيشتكي مني ف اي وافهم منه الموقف بالظبط وابدأ في مناقشته بأسلوب يليق بمعلمه رياض اطفال
بس قوليلي بقا كويس كده ولا اييييييييييييييييييييييييه

المقابلات بتبقا حاجه عاديه جدا طبعا لازم تلبسى الحته اللى على الحبل لان فيه ناس كتير بتاخد بالمظهر اكتر
ثانيا من الاسئله اللى ممكن تتعرضى ليها بقا
*يعنى ايه رياض اطفال.
*ارسمى عشر رسوم مختلفه.
*اكتبى سورة قرانيه بالتشكيل.
*اكتبى الحروف عربى و انجليزى.
*ايه هيا سمات المعلمه الناجحه.
*ماذا تفعلى مع طفل كراسته شكلها قبيح.
*ماذا تفعلى مع طفل بيقول كلام قبيح.
*ايه هيا وسائل الثواب و العقاب المناسبه للطفل.
*مشروع التخرج بتاعك كان ايه.
*قولى امثله لبعض الوسائل التعليميه.
ممكن كام ناس تدخلك الفصل و تخليكى تشرحى للاطفال وهيا اعده تشوف اسلوبك وشرحك عامل ايه؛ كمان بتسيبلك الحريه فى هتديهم ايه فا طبعا ما تتدخليش فى اااالجد علطول زى ما احنا عارفين مثلا فى الاول تعرفى الاطفال بنفسك و بعدين تحكيلهم حدوته و بعدين غنى اغنيه و بعدين اشرحى حرف مثلا كدا هيقدروا يتعرفوا على اسلوبك اكتر.

وبالتوفيق ان شاء الله

السلام عليكم
الموضوع باذن الله بيبقى ابسط من كده انا عملت مقابله فى كذا مدرسه وبصراحه رحبوا بيه وكل المدارس اللى قدمت فيها اكتر حاجه اهتمت بيها وسايلى اللى كنت عملاها فحضرى احلى الوسائل عندك .
واتسالت اسئله عامه زى اللى اتقالت قبل كده عن مشاكل سلوكيه عند الاطفال والحل هيبقى ايه .
أهم حاجه خليكى واثقه من نفسك واتكلمى بثقه .
ربنا يوفقك الكل بمدارس كويسه

ماهى المقابله الشخصيه عند التقدم الى الكليه برجاء الرد سريعا لاننى اريد الالتحاق بهذه الكليه