مدرسة زوسر برنسز للغات بشبرا الخيمه

يا بنات يا خريجات مدرسة زوسر برنسز للغات بشبرا الخيمه طالبه مدرسات اللى تحب تروح تكتب ابلكيشن فى المدرسه بس علشان نبقا متفقين فى خانة المرتب الممتوقع تكتبى ما بين 450 الى 600 محدش يا جماعه يكتب اقل من كدا كلام بينى وبينكم يعنى.
وتليفون المدرسه اهوه 49101908
واى وحده عندها استفسار تكتبه وهرد عليها فى اقرب وقت

شكرا ليكى يا moro ،اولا من سكان شبرا الخيمة ، وعايزة اعرف منك:-

انتى اشتغلتى فى المدرسة دى قبل كده، ولو انتى لسه خريجة جديدة روحتى كتبتى الابلكيشن؟؟

وياترى المقابلة عاملة ازاى ،وهل نقدم عادى من غير شهادة التخرج؟ وهل اكدوا على كورسات اللغات (لانى بدات

فيها بعد الامتحانات علطول) ؟؟ وهل ناخد معانا بعض الوسائل اللى كنا بنعملها؟؟؟

ومعلش يا مورو بخصوص المرتب انا سمعت ان المرتب فى المدارس الخاصة لا يتعدى 150 وان المعاملة سيئة

ياريت تقوليلى ده صح ولا غلط لانى بجد خايفة لانى هشتغل لاول مرة.....

انا آسفة على كلامى واسئلتى الكتيرة ، وارجو الرد لو سمحتى...

اولا مافيش اى ازعاج ولا اى حاجة
ثانيا انا شغاله دلوقتى فعلا فى المدرسه ديه انا خريجة 2009 اصلا
والمرتب دلوقتى بتاعى 320 جنيه بس انا كتبت موضوع المرتب ده لان هما لو لو كل الجديد اللى جاى طالب مرتبات فى الرنج ده هيطروا يقبلوا وبالتالى يزودونا احنا بقا
المدرسة مش وحشه بل هيا بشهادة الناس اللى اشتغلوا فى مدارس قبل كدا هى احسن الوحشين لان مافيش حلوين اصلا
انا رحت مليت ابلكيشن عادى خالص السنه اللى فاتت طبعا
المقابله عاديه جدا انا المدير سئلنى يعنى ايه رياض اطفال جوبت عادى بشرح مستفيض ولانى عرفت بعد كدا ان المقابله ديه اهم حاجه عند المدير عندنا مش الجانب العلمى لا دا بيشوف شكلك عامل ازاى طريقة كلامك اسلوبك صوتك مش بيشوف انتى شاطره ولا لا يهمه يعنى الجانب الاخلاقى اكتر
ماتجبيش معاكى وسائل ولا حاجه
اللغه عادى اصل انتى هتشتغلى مدرسة عربى ونشاط يعنى مش شرط اللغة اوى بس برضه لازم تبقى عندك خلفية عنها كمان لان هما بيجيبوا ناس تخصص انجليزى اصلا للانجليزى و الماس
مدام انتى ضامنه النجاح ان شاء الله تعالى وطبعا هتبقى معرفهم انك لسه النتيجه مش طلعت
بس اوعى يضحكوا عليكى ويقلولك انزلى فترة تدريب ارفضى علطول وقولى انا ممكن احضر يوم دراسى عادى و تشوفوا شرحى عامل ازاى واسلوبى وبالتالى يتحدد المرتب علطول لان ممكن ينزلوكى فترة وبعدين يحددوا مرتب مش اللى انتى عاوزاه هيبقوا كدا هما اللى كسبوا
وعلى فكره موضوع المدارس اموا 150 جنيه ديه موجوده فعلا وانا اتعرضت للموقف ده بس المدرسه اللى بيبقا مرتبها كدا بتبقا مردومه دروس يعنى من اول يوم هتلاقى جايلك دروس كتير جدا زى مدرسة الاسماعلية كدا اللى فى شارع شبرا

متشكرة يا moro على الرد .. جزاكى الله كل خير..

وان شاء الله اتشجع واجى اكتب الابلكيشن...

مرسى جدااااا ليكى يا مورو
بس كنت عايزة اسالك سؤالهو فى المدارس الخاصة فى ذى المدارس الحكومة مكافئة امتحانات و حاجات الايضافية دى مع المرتب ولا لا
وايه الفرق بين الشغل فى الحكومة والخاصة ؟
وانهى احسن فى الشغل وليه ؟ معلش انا لسة متخرجة السنادى ومش عارفة

فى الخاص غالبا بيبقا مافيش مكأفاة
بس لو حسبتى الفلوس بتاعت السنة كلها هتلاقيها هيا هيا يعنى الحكومة مرتب قليل وفيه مكافاة فى الاخر هيا اللى بتسند وفى الخاص بيزودوكى شوية عن الحكومة قال يعنى بيعوضوكى عن المكافاة
شغل الخاص متعب جدا لان هما لو يطولوا يشغلوكى من غير فلوس خالص هيعملوها وفى الحكومة بقا انتى ليكى مواعيد شغل محددة و ملتزمة بشغل الوزارة بس اما فى الخاص شغل الوزارة مع الشغل الاضافى بتاع المدرسة نفسها وبيزيد طبعا لو كانت المدرسة لغات
يعنى انا ليا وحدة زميلتى شغاله فى الحكومة طبعا بالاجر مش بتابض غير كل 3 شهور وايه بتاع 300 جنيه انا عن نفسى مقدرش على كدا مش معقول خلصنا الكلية بمصاريفها علشان نقول هات يا بابا تانى يعنى