أنا (صفحة خاصة من مذكراتى الشخصية)

تاريخ التسجيل : 17/08/2010

مجرد تفكيرى فى ذاتى يصيبنى الأرق من كونى أنا فما أنا
دعنى لاأخوض معك عزيزتى أو عزيزى القارىء فى تلك المناقشة الفلسفية فى كونى أنا
فالجميع يضعنى أنا فى أدوار لا تتناسب مع شخصيتى أنا
دعنى أحكى لك عن شخصيتى أنا التى تعانى من هذه الكمية الكبيرة من العقد

كنت قد قرأت منذ دقائق قليلة أن البنات واخدين حقوقهم أكتر من الرجالة وهذه هى النظرة الأنانية الذكورية المعروفه
فجميع الرجال يرون أنهم الملائكة ونحن الشياطين هم المظلومين الأبرياء ونحن أخذى الحقوق ولاننى أرى عكس ذالك
فدعونى أحدثكم عن مأساتى أنا

**********************

"أنتى مكوتيليش القميص ليه"

بهذه الصيحة أستيقظ من نومى على صوت أخى وهو يشخط وينطر وكل ده بسبب أنى مكويتلوش القميص فأخويا الكبير يعاملنى كأنى خدامة فلبينية أو ماليزية وتبدأ السيفونية من الصوت العالى فوالدتى ترى أننى أخطأت خطأ جسيم
لاننى لم أكوى القميص لاأخى الغزيز وعندما أحاول الدفاع عن نفسى بأنى فعلا نسيت بعد ماشطبت المطبخ وبعد ماأنهد حيلى فى شغل الشقة أجد والدتى تتهمنى بأنى قليلة الأدب لانى تجرأت وعليت صوتى
عندها أجد أبى يدخل فى المشكلة المثارة ويبدأ فى السؤال عن سبب هذه الخناقة فتكون الأجابة من أخى العزيز أنى لم أكوى له القميص وبعلى صوتى عليه لانى قليلة الأدب
وعندما أحاول التوضيح أننى كنت بعمل شغل الشقة وهو قاعد مابيعملش حاجه مايعمل لنفسه يقول لى أبى بلهجه آمره
قومى أكوى "البنطلون" لاأخوكى بلاش قلة آدب أمسك البخاخه وأنا أتمنى أن تكون
مليئه بالجاز حتى أحرق
هذه القميص
الذى تسبب فيما حدث لى ولكن مايشفى غليلى هو أننى ببخ عليه ماية وكما قالو قديما رش المياة عداوة وأنا حاليا بكرهه وأعادى جميع القمصان الموجودة فى العالم و أنا من موقعى هذا أندد وأرفض آى عريس هيجيلى بقميص اللهم بلغت اللهم فاشهد.

*************

فى رمضان يحلو لجميع الرجال أن يأكلو حتى تملاء بطونهم ولا يستطيعون القيام أو الجلوس وكل راجل يبقى كرشه قدامه متر لذا فيجب على كل أمرأه أن تجيد فن الطهى ويجب أن نجلس نحضر فى أكل اليوم التالى بعد الأفطار مباشرة
ولان تقاليد رمضان تقول أنه يجب على كل أسره أن تعزم الأحباء والأقارب فى هذا الشهر المفترج فقررت أختى الحبيبة أن تعزم أسره زوجها وأسرتها اللى أنا عضوة رئيسيه فيها ولان العزومة كبيرة فجلسنا يوم كامل نحضر فى الطعام والشراب حتى جاء موعد الأفطار
واذا بالجميع ينزل على الطعام ولكن عندما بدأ زوجها بالأكل قال زوجها وهو مقروف :الأكل ماله عامل كده ليه؟
قالت له أختى المسكينة:ماله ياحبيبى. قال لها متأففا:الرز السمنة بتاعته ذايدة والمكرونه ذايدة مالح
وترك المكان وذهب وهو غاضبا قال ايه راح يصلى ذهبت امه ورائه وبدأ الجميع فى الأكل وأختى تؤكد أنه على طول كده مش بيرضى بآى حاجه تعملها
وأنها مش عاملة الحجات دى ....دى حمتها وأن جوزها المصون عمره ماقلها كلمة حلوة على اللى بتعمله.

ذكرتنى أختى بأخى الحبيب عندما كنت أصنع له العشاء ديما ينتقدنى البيض ناقصه ملح لأ الجبنة قديمة
(ده على أساس انى أنا اللى بعملها) ....أو يقول البسطرمة متسويتش قووى ومش حلوة
أتمنى أن يقف كل راجل فى المطبخ يغسل ويكنس ويمسح ويحضر الغداء ويبقى كده زى الخدامة وفى الأخر واحدة تيجى تقوله تصدق مش عاجبنى اكلك زايد ملح ....أو الأكل شكله مش مريحنى نفسيا لانى مش بحب الغوامق مكنش لازم تعملى ملوخية.
وحسبى الله ونعم الوكيل فى كل ظالم ومفترى.

************************

"إيه اللى أنتى لابساه ده روحى اقلعية "

الكلمة الشهيرة اللى ديما أخويا يمارس سلطاته بيها عليا ده لانه الراجل الفاهم العالم ببواطن الأمور
أحاول أن أتناقش معه وأفهم وجهه نظره يبدأ ينظر لى ويقول روحى يلا اقلعية والبسى حاجه تانية
أقول بكل هدوء حينها:طيب افهم ليه.
يرد بكل جحود:هو كده
ويبدأ ينادى على والدتى العزيزة:ياماما خلى بنتك تغير اللبس اللى لابساه.
تأتى امى من المطبخ مسرعه حتى ترى ماهى المشكلة
ويترانى وتنظر الى اخى الحبيب وتقول :فيه ايه حصل ايه.
يقول لها أخى:شايفة بنتك لابسه ايه.
تنظر لى امى وتقول لى:فعلا ياحبيبتى روحى غيرى اللبس ده لانك تخينتى وحتى شكله مش لايق عليكى.

مع العلم ان وزنى بيكون ناقص أربع كيلو لانى بوزن نفسى اسبوعيا بس جايز هما شايفين حاجه تانية أنا مش شايفاها.

*****************

إالى حبيب ترك حياتى ورحل بدون وداع وهو بالمناسبة رجل مثله مثل باقى الرجال

أتقنت أدوار البطولة..واخترت أدوارك ببراعة..
لعبت دور العاشق الولهان..ولعبت دور محبة بجنون..
أنهيت دورك وانسحبت بهدوء..تقمصني دوري ورفض الانسحاب..
===

لاأنام هذه هى الحقيقة المؤكدة التى لايعرفها أقرب المقربين منى أننى لاأنام أجلس أتطلع الى سقف غرفتى باستغراب
وأنا أراى مشاهد حياتى تعرض أمامى على سقف غرفتى الخاليه من الحياة
وبعد التفكير أبدأ فى البكاء وأنام ودموعى على خدى فلا أجد من يمسحها

بقلمى ليليان أحمد مدونة سابقة

تاريخ التسجيل : 17/08/2010

ههههههههه الله يكون ف عونك وف عونا اللى عامل كده مجتمعنا الشرقى بس فى تغير عن زمان الحمد لله

الموقع : حديقة قلبى تاريخ التسجيل : 30/06/2010

لقد أفصحتى عن خصوصياتك
لذلك ارجو من بنات المنتدى إحترام الخصوصيات
أنت لسة تتطلعى إللى سقف الغرفة
تفائلى حبيبتى
شكرا على الدخلة الجامدة دى
أول موضوع
موضوع ملتهب جدا
إن شاء الله ربنا هايرزقك بإللى يريحك ويقدرك زى كدا وانت عارفة يا لولى

تاريخ التسجيل : 21/03/2009

اختى الغاليه
كل منا يعانى من شئ فى حياته
مع اختلاف السبب لكنها فى الاخر معاناه
لكن الحمد لله على نعم تانيه كتير
وبالنسبه للسلطه الاخويه ان شاء الله ربنا يرزقك بالزوج الصالح
ال تعيشى فى بيته سلطانه وملكه

اما عن الجرح فكل الجروح تخف ولكن دموع القلب لا تجف
انا مقدره ال انت فيه لكن صدقينى حاولى تخرجى نفسك بنفسك من حزنك
والانسان ال ميقدركيش يبقى اصلا ميستحقش حبك

وكلنا تحت امرك اى خدمه ياقمر

الموقع : فى قلب حبيبي M تاريخ التسجيل : 05/03/2009

اولا نورتى المنتدى

وبصراحة الموضوع حلو اووووووووووووووووى

ودى ثقة منك كبيرة اوووووى انك تتكلمى عن خصوصياتك

وطبعا احنا نحترمها جدااااااااااااااااااااا

وتفائلى وعيشي حياتك اليوم الى بيعدى من العمر مش بيرجع تانى

حاولى تعيشى حياتك ومتضيعهاش فى التفكير والزعل

وان شاء الله ربنا يرزقك بالى يريحك وميكونش من الرجالة المتسلطين

لان شكلك متعقدة من الرجالة

تاريخ التسجيل : 01/08/2009

انا معاكى ياليليان أحمد

مره اخويا وقف فى المطبخ يغسل الاطباق ...طلعها كل مش نظيفه

ولما اعمل اكل يقرف اوى لدرجه انو بيسيب الطبق فاضى

الموقع : من امام الجهاز تاريخ التسجيل : 24/02/2009

حبيبتى
لا اقول لكى سوى : تذكرى الله دائما وان كل ما تفعليه من اعمال احتسيبيها عند الله فمعاونتك لامك فى شئون المنزل عبادة ولكن افعليها برضاء وتذكرى انك تفعليها لارضاء الله وليس لارضاء احد اخر
اما عن اخوك فما بوسعك الا الدعاء له بالهدايه والدعاء ايضا لنفسك دائما بان يرزقك الله زوجا صالحا سعوضك عما عانيتيه من قبل
واخير احب ان اقول لكى

ليس وحدك فى هذه الحالة فهناك 1000000000 بنت مثلك فى هذا المجتمع

تاريخ التسجيل : 17/03/2009

هههههههههههههههه

ابدعتى فى التعبير يا ليليان

و على فكره كلنا شاربين من نفس الكاس

الله معك يا قمر

تاريخ التسجيل : 19/05/2010

موضوع جميل
على رايى بيوتى كلنا شاربين من نفس الكاس بس اكيد ربنا بيجزينا على كل ده
ربنا يقويكى

تاريخ التسجيل : 11/07/2009

موضوع جميل
تسلم ايدك

» صفحة الغرام ,,,,,,,,,,,خاص بملكي الغالي
» لنبدأ صفحة جديدة مع الله
» بطاقاتك الشخصية لو سمحتى
» تهنئة خاصة جدااااااااااااااااااااااااااااااااااااا
» ايهما اجمل في البنت الانوثة ام قوة الشخصية ؟؟