طرق تكتشفين بها حقيقة خطيبك علشان ما ترجعيش تشتكى

الموقع : غربتى المؤلمة تاريخ التسجيل : 29/06/2009

الحماة

أحلام وسامر نزلوا مع أسرتيهما لإختيار

الشبكة

أحلام :الطقم ده حلو قوى ياسامر

سامر:ها ياماما إيه رأيك فيه

أحلام بنظرة ضيق لسامر وترقب

منتظرة رد حماتها

أم سامر :لا ياسامر ده مش شيك

خالص وكمان شكله غالى

سامر:خلاص يا احلام إختارى طقم

تانى وإختارى إنتى كمان ياماما إنتى

ليكى خبرة فى المواضيع دى

كل ما تختار أحلام حاجة ما تعجبش

حماتها المصونة وسامر مؤيد لوالدته

على طول الخط

وإختارت الحمى طقم عجبها والاهم

مش غالى أوى

أحلام :بس ده مش عاجبنى ياسامر

ذوق ماما على عينى وعلى رأسى

بس

انا بأحب الحاجات الرقيقة وفى نفس

الوقت فيها فصوص لكن ده سادة

وضخم

أم سامر :إيه يا أحلام الذوق ده وبعدين

اللى إنتى عايزة تشتريه ده لما تيجى

تبيعيه يخسرك أوى

سامر خلاص ياماما هنشترى اللى

حضرتك قلتى عليه

أحلام :ساكتة بغيظ والم وحسرة

نفس اليوم بالليل

أحلام تتحدث مع سامر فى التليفون

سامر :مبروك عليكى الشبكة يا أحلام

أحلام بضيق:سامر هو والدك ووالدتك ساعدوك فى شراء الشبكة

سامر لأ طبعا ياحبيبتى أنا اللى دفعت

ثمنها من فلوسى

أحلام بضيق اكثر :طب الشبكة

دى إنت شاريها لوالدتك

سامر بعدم فهم لكلام احلام الغير

واضح:لا طبعا ياحبيبتى دى هديتك

إنتى

أحلام تنفجر :طب لما هى هديتى انا

وانا اللى هالبسها وهتبقى حاجتى أنا

ليه كنت مهتم برأى والدتك فيها وغير

مهتم برأيى تماما فى الحاجة اللى

هتبقى ملكى لوحدى

وليه إشتريتها على ذوق والدتك

سامر بدأ يظهر غضبه:علشان امى

عندها خبرة اكتر منك فى المواضيع دى

يعنى هى إختارت لك حاجة كويسة

ولما تبيعيها ما تخسريش فيها

أحلام :انا مش زعلانة من شراء الذهب

زى ما انا زعلانة من موقفك نفسه

والدتك على عينى ورأسى ورأيها

يهمنى لكن مش فى المقابل

تمسحنى تماما علشان ترضيها وخاصة

عندما يتعلق الأمر بشىء يخصنى

وحدى

سامر:أحلام أنا مش هأسمح لك

تنتقدى والدتى فى شىء وإيه رأيك

بقى من هنا ورايح كلمة ماما هى

اللى

هتمشى عاجبك عاجبك مش عاجبك

إخبطى راسك فى الحيط

المشكلة

سامر وزيه للاسف كتير بيفهموا بر

الوالدين بشكل خاطىء

بر والدته واجب ولكن عليه مراعاة

زوجته أو خطيبته أيضا

عليه ان يتعلم الدبلوماسية فى التعامل

مع الطرفين

ويتعلم متى ينصر والدته ومتى ينصر

زوجته

ليس فى جميع الأحوال الأم أو الأب

يكونون على صواب

فى مثل هذا الموقف سامر لم يأبه

لأحلام ورغباتها رغم أنه من حقها

إختيار ذهبها لأنها هى من ستتزين به

ولكن سامر منصاع تماما لوالدته ورفض

ان يأخذ بالإعتبار رأى أحلام أو

حتى يوفق بين رايها ورأى والدته

هنا نقطة خطر

هذا الرجل بعد الزواج وخاصة لو تم

الزواج فى نفس بيت العائلة

قد يظلم زوجته كثيرا وربما دائما ولا

ينصرها حتى ولو بينهما

وهذا الحال يصيب المرأة بدمار نفسى

شامل

لأنها تفتقد الأمان الذى يجب ان تشعر

به مع زوجها

فالمصيبة هو لا يشعر بظلمه من

الأساس بل يعتقد أنه هو على صواب

وان زوجته عندما تشعر بالضيق

او تشتكى فهى الظالمة لأنها تحرضه

على عصيان والدته

الخلاصة

عندما ترين تدخل حماتك فى شئون

زواجك بشكل كبير وسلبية خطيبك

امام ذلك أو حتى أضعف الإيمان

لا يواسيكى بينكما فإحذرى وفكرى

جيدا لأن هذا مؤشر على عدم

إستقلاليتك بعد الزواج وانك ستتزوجين

حماتك قبل زوجك وأن كلمتها هى

التى ستطاع مهما كانت رغباتك انتى

فإن كان عندك إستعداد ان تكونى تابعة

طوال عمرك لأخرى لا تربطك بها صلة

سوى رغبتك فى إرضاء زوجك وتتحلين

بالصبر والدهاء فتوكلى على الله

وأتمى زواجك بهذا الشخص

أما إذا كنتى كغالب النساء لا

تستطيعين أخذ حقك وتلجأين للبكاء

عند المشاكل فأنصحك بفك خطبتك

بذلك الشخص وإنتظرى أن يعوضك الله

من هو خير منه

الموقع : فى قلب حبيبي M تاريخ التسجيل : 05/03/2009

يلا يا طيفة

استمري

وكل سنه و انتي طيبه

الموقع : فى قلب حبيبي M تاريخ التسجيل : 05/03/2009

جميل اوى يا اطياف

ربنا يجعله فى ميزان حسناتك

كملى احنا معاكى

الموقع : غربتى المؤلمة تاريخ التسجيل : 29/06/2009

هنودة وبيوتى
أشكركم حبيباتى على المتابعة
وكل عام وأنتم بخير

الموقع : غربتى المؤلمة تاريخ التسجيل : 29/06/2009

البخيل

والد احلام ميسور الحال جدا ولا يبخل على أولاده

بشىء ابدا لذا تعودت احلام على الاسراف والبذخ

فى حياتها

وجاءها عريس ايضا حالته ميسورة ويعمل فى

وظيفة دخلها ممتاز

سامر:إزيك يا أحلام عاملة إيه النهاردة

أحلام :كويسة الحمد لله ياسامر

سامر :مارنتيش ليه عليه النهاردة زي عادتك ؟؟

أحلام اصل رصيدى خلص ومانزلتش خالص علشان

اشحن

سامر:خلاص انا هأشحن لك

احلام لا ياسامر شكرا بابا لسه معطينى المصروف

ومعايا فلوس بس انزل بس وإن شاء الله أشحن

سامر لا ماتقوليش كده دى حاجة بسيطة يابنتى

هو أنا عندى اغلى منك

مستنية الرصيد اللى هيشحنه لها خطيبها

جت الرسالة

تم شحن رصيدك بعشرة جنيهات

هو ده الرصيد اللى شحنه ليا

سامر:ها ياحلام الرصيد وصلك ياحبيبتى

أحلام:أيوة ياسامر بس الظاهر فى غلطة الرصيد

ماوصلش كله

سامر :معقولة وصلك كام

أحلام عشرة جنيه بس

سامر :طب ماهو وصل كله يابنتى كده

أحلام::هو إنت شحنت لى بعشرة جنيه بس

سامر: ايوة ياحبيبتى هو إنتى محتاجة اكتر من كده

مش كفاية عليكى العشرة جنيه

أحلام بسخرية:ماشى ياسامر كفاية أوى ويقضوا الشهر

موقف آخر

سامر يريد النزول لشراء ملابس له وطلب من احلام

ان تنزل معه

سامر :مارايك فى هذا الحذاء؟

أحلام:ايوا ياسامر بس شكله اى كلام يعنى مش

خامة نضيفة

سامر:ايوا بس تمنه حلو أوى

احلام: لا ياسامر ده مش شيك خالص تعالى

نشوف حاجة احسن

بص ده شيك اوى

سامر بصدمة :إيه ده ...ده غالى قوى ده ب120

جنيه:

احلام:بس ده مش غالى ياسامر وبعدين خامته

كويسة وشكله شيك اوى

سامر: لا ياستى تعالى نشوف مكان تانى شكل

المحل هنا غالى أوى:

اشترى سامر حذاء ب40 جنيه وطبعا دخل فى

جدال شديد مع احلام من اجل شراء القمصان

والبنطلونات وإنتهى فى النهاية إلى شراء قميصان

رخيصان رغم انه محتاج إلى أكثر من ذلك وبنطلون

واحد يليق بالقميصان

أحلام : مش هتشترى لى حاجة أنا كمان

سامر :هو انا مش لسه جايب لك طقم خروج فى

العيد اللى فات

أحلام بضجر: أولا ده كان من 6 شهور ثانيا الطقم

لأنه رخيص جدا داب من لبستين بس

سامر:ماهو اصلك مش بتعرفى تحافظى على

حاجتك

أحلام: وبعدين من الآخر هتجيب ولا لا

سامر :ماعلينا خلاص هاجيب

بصى بصى ده محل فيه فى ملابس لقطة بعشرة

جنيه

يلا ياستى أدخلى وعيشى حياتك جوة يلا هاتى

لك طقمين وإفرحى بيهم

أحلام:..............

فين المشكلة????

المشكلة استاذ سامر بخيل جلدة

على نفسه وعلى غيره

بس هنا لازم نوضح شوية امور ونفرق بينها

1:الفرق بين البخيل والمقتصد

البخيل سواء ربنا فاتحها عليه زى سامر او حالتة

المادية صعبة

على طول مضيقها عليه وعلى من حوله

لكن المقتصد بيدبر اموره ويمشى على ادها

طول ماهى حالته المادية صعبة لكن كل ما حالته

المادية تفتح بيفتحها هو كمان على نفسه وعلى

من حوله

وبعدين ممكن يكون مضيقها لأنه عنده هدف

بيسعى لتحقيقه مثلا يشترى شقة أو عربية

فبيوفر علشان الهدف ده وبعد كده يرجع لحالته

الطبيعية

2:طبيعة الشخص المقابل

قد يكون الشخص طبيعى ليس بخيل ولكن ظروفه

صعبة فى حين ان الطرف الآخر مبذر جدا لدرجة أنه

قد يتداين من اجل ان يقوم بعزومة

فى هذه الحالة قد يتهم المبذر الطرف الآخر بانه

بخيل

لأنه من وجهة نظره تصرفاته تدل على البخل فى

حين أن العقل يرى أنها ليست بخل ولكنها تصرف

بعقل

وقد يكون الطرف الآخر طبيعى جدا وأيضا قد يكون

من النوع المقتصد ولكن البخيل قد يتهمه مع ذلك

بالإسراف لأن البخيل تكاد تطلع روحه مع كل جنيه

يصرفه

إذا اوضحنا بعض الامور

ويبقى ان البخيل من اصعب الشخصيات التى يمكن

ان نحيا معها

لأن المال يتحكم فى أمور كثيرة فى حياتنا

وعندما يكون المال متوفر ولكن يمنعه عنك البخيل

تشعرين بضيق شديد وهم كبير نتيجة حرمانك من

امور كثيرة وليس الامر لأنه هذا رزقك ولكن لسوء

طبع ذلك الشخص

الخلاصة

ركزى جيدا فى تصرفات خطيبك قبل الزواج فلا

البخل تستطيعين العيش معه ولا التبذير يصلح فكلا

الأمرين مؤلم ويهدم بيوت كثيرة

فالبخيل يعيشك فى حرمان شديد

والمبذر لا يتحمل مسئوليات كثيرة وربما يأتى اليوم

الذى لا تجدى فيه لقمة تاكليها نتيجة التبذير

أى لا تشعر بالامان معه لأن إيده كما نقول عندنا

فى مصر مخرومة

التبذير ربما يمكن إصلاحه ولكن البخل صعب جدا

جدا إصلاحه

وإن كنتى من المبذرين او ذوى الحالة الميسورة

وتعودتى على الإنفاق بيسر وسهولة وجاءك من

هو مقتصد أو بخيل فراجعى نفسك لأنك فى الغالب

لن تستطيعى التكيف طويلا معهما

الموقع : فى قلب حبيبي M تاريخ التسجيل : 05/03/2009

جميييييييييييييييييل

استمررررررررى

تاريخ التسجيل : 15/10/2009

حلو اووووووووووووووى استمرى يا طيفة يا قمر.

الموقع : غربتى المؤلمة تاريخ التسجيل : 29/06/2009

حااضر هكمل
معذرة ياحبايبى سامحونى
أنا عارفة إنى المفروض أنزل المواقف أسرع من كده
بس إحنا فى العشر الأواخر وأنا بقدر أنزل موقف كل يوم
لا تنسونى من دعائكم فى الأيام الجميلة دى
وربنا يتقبل منا ومنكم
ويارب تستفيدوا من الموضوع

الموقع : غربتى المؤلمة تاريخ التسجيل : 29/06/2009

الخائن وزير النساء

أحلام بدأت التحدث مع خطيبها سامر عبر

النت وفجأة رن تليفونه فقال لها:

سامر:أحلام انا هاقفل دلوقتى أصل فى تليفون

مهم وعايز أرد عليه

أحلام:طب ما ترد عليه وانا هأستناك لغاية ما تخلص

سامر :اسمعى كلامى أنا ممكن أطول فى

المكالمة لما أخلص هأتصل بيكى

أحلام: طب هأستناك مش هأنام قبل ما تتصل

وتنتظر أحلام المسكينة ساعة ساعتين ثلاث أربع

النوم غلبها ونامت استيقظت الفجر وفوجئت فسامر

لم يتصل بها كما وعدها حزنت واستاءت من تصرفه

كلمته وأنبته وإعتذر لها بأنه نسى أن يتصل بها

وأخبرها انه سياتى اليوم ليصالحها بنفسه

تجهزت أحلام وجاء سامر وصالحها وجلسا معا

حتى أراد الدخول للحمام ونسى ان يأخذ موبايله

معه

تيت تيت تيت

جاءت رسالة لسامر

إنتاب احلام الفضول لترى الرسالة التى جاءت

لسامر

وكانت الصدمة

إنها من فتاة ليس لها اسم مسجل على الموبايل

تقول له:

لماذا تاخرت ياسامر على موعدنا إنى أنتظرك

وشوقى يلهبنى من طول الإنتظار

أحبك يا أغلى من فى حياتى

إنهارت أحلام ولكنها تماسكت نفسها

وبدأت فى تفتيش الموبايل لعلها تكون رسالة

معاكسة عابرة

وكانت الصدمة الثانية

إنها ليست واحدة بل هن

خمس فتيات

موبايله ملىء بالرسائل المرسلة منهن ورسائله

هو إليهن

ياإلهى أهذا هو سامر الذى يعشقنى ويحبنى

ويسمعنى جميع انواع الغزل

إن كل واحدة منهن يقول لها الكلام نفسه ويشعرها

بأنها الوحيدة فى قلبه

جلست تبكى وتبكى

خرج سامر وذهل من شكل أحلام

بتوتر:مالك يا احلام فى إيه اللى حصل:

نظر ووجدها تمسك فى يدها موبايله زاد قلقه

وتوتره

ولكن أحلام لم تمهله حتى يفهم ماذا حدث :

أحلام: ايها الخائن القذر لماذا ؟؟؟؟

ماذا فعلت لك إذا لم

اكن أعجبك لما استمريت معى لماذا أوهمتنى

بأنى حبك الاول والأخير :16: أنا أكرهك أكرهك

سامر صامت ولا يتكلم:

أحلام: لا اريد ان أرى وجهك مرة أخرى أخرج من

حياتى

خرج سامر وترك احلام حتى تهدأ

طبعا حال أحلام غنى عن الوصف

حاول سامر الأتصال بها كثيرا ولكنها كانت ترفض

ورفض طلبها فى الطلاق فهما مملكين او مكتوب

كتابهم

استمرا هكذا حتى هدأت حال أحلام قليلا

وقبلت التحدث مع سامر

واقسم لها بأغلظ الأيمان أنها كانت غلطة ولن تتكرر

وسامحينى ولن أكررها وأنا حقا لن أجد مثلك وكلام

كثير لا يسمن ولا يغنى من جوع

هدأت أحلام وقبلت إعتذار سامر

ولكن اخذت منه وعود وعهود على الا يعود لذلك

وإلا فإنها لن تسامحه ابدا

أين المشكلة

الخيانة

كثيرات يكتشفن قبل الزواج خيانة الخطيب

ولكنها للاسف تسامحه لأسباب عدة وتقبل

الإستمرار معه

اولا دعونا قبل المضى فى شرح الموقف نفرق بين

نوعين من الخونة

أولا الذى يقيم علاقة مع واحدة فقط :هذا فى

الغالب مرتبط عاطفيا بتلك الواحدة ومن الصعب جدا

أن يتركها وحتى لو أقسم لكى فهو سيعود مرة

أخرى لها لأنها تملك عليه قلبه حتى ولو

كانت سافلة

النوع الثانى زير النساء:وهو الذى يقيم علاقات

متعددة ويخرج من علاقة لأخرى وعلاقاته لا تدوم

كثيرا وربما يكون من الذين يكثرون الزواج والطلاق

المهم هو يبحث عن الصورة المثالية فى ذهنه

للمرأة التى يريدها وعندما يظهر شىء من تلك

التى يقيم معها علاقة تهدم تلك الصورة يتركها

ويذهب لغيرها وهكذا

وكلا النوعين من الخطر الإستمرار معه

النوع الأول يسبب لكى الدمار النفسى لأنك فى

حال خيرتيه بينك وبين الأخرى فهو فى

الغالب سيختار الأخرى إلا إذا كان هو أساسا كان

ينوى تركها

والنوع الثانى سيدمرك ويحطم ثقتك فى

نفسك بكثرة علاقاته المحرمة وبإهماله لكى وعدم

شعوره بكى فى حياته فهو قد يكون فى البداية

كان منجذبا لكى لكن ربما رأى منك ما نفى صورتك

المثالية فى رأسه حتى انه ربما يكون ذلك الشىء

الذى نفره منكى أن رأى بقعة أوساخ على

ملابسك يعنى أنكى إن اردتى الإستمرار معه

عليكى أن تعيشى دور المثالية فى كل شىء دائما

وابدا فهو إنسان أنانى بكل ما تحمله الكلمة من

معنى

الذى يخون هو إنسان لا يخاف ربه فهو قبل أن

يخونك قد خان ميثاق ربه معه فإذا كان ربه الذى

هو ربه لم يخف منه فكيف سيخاف على زعلك

وغضبك

وايضا هناك من تقول ربما هذه نزوة شباب وستمر

وبمجرد زواجنا سأنسيه كل هؤلاء الساقطات

أقول لكى كان غيرك اشطر

من تلك التى ستنسيه

تعالى نتكلم بالعقل قليلا

الجميع يتفق على أن اشد مراحل العلاقة

العاطفية بين اى شريكين هى فترة الخطوبة

فالشهوة الجنسية تزيد من لهيب العاطفة بينهما

وكل مجهول وممنوع فهو مرغوب وبشدة

فكيف وهو فى تلك المرحلة التى هى عاطفته فيها

قوية وقد خانك فماذا سيفعل بعد الزواج هل

سيأتى بساقطاته إلى البيت امام ناظريكى

إن العاطفة بعد الزواج تهدا وتسكن

فكرى بعقلك لا بقلبك

هناك من ستقول ولكنه حلف لى بأنها غلطة ولن

يكررها ومن يدريكى بصدقه قالوا للحرامى إحلف

قال جالى الفرج

حبيبتى اتعتقدين أنه لو كان حقا يملك معزة لكى

فى قلبه وحب شديد كان فكر فى خيانتك وأنتما

مازلتما على البر بعد لم يرى منك حتى الآن ما

يسوءه منكى بل يرى كل ما يشوقه فيكى

أفقن من غيبوبتكن ايتها الغافلات

الخلاصة :

إن اسعدك الحظ واكتشفتى خيانة خطيبك قبل

الزواج فاهربى بجلدك من شباك التعاسة والألم

التى لن تتركك فى حالك مهما فعلتى من مجهود

وراجعى شكاوى زوجات الخائنين واعرفى قدر

ألمهن

هذا الشخص حتى لو تاب حقا فأنتى سيظل الشك

يعصر قلبك إتجاهه وينغص عليكى حياتك معه فأنتى

لدغتى منه وتخافين أن تتكرر لدغته مرة أخرى

فتظلين طوال حياتك معه تتقمصين دور المفتش

كورومبو تفتشين وراءه وإن تأخر او أغلق موبايله

بمفتاح سرى أو اى شىء يثير الريبة تفتعلين معه

المشاجرات وتصبح حياتك جحيم

إذا ما الذى يجبرك على كل هذا أختى

لا تقولى الحب

فكل هذه الامور بلا ريب ستقتل حبكما من

اول يوم

راجعى نفسك جيدا وصلى استخارة فى شان

إستمرارك معه وإستشيرى أهلك ولا تقولى لن

ادخل أحد بيننا فى مشاكلنا هذا لو هى مشكلة

صغيرة لكن هذه مشكلة كبيرة وكبيرة تهدد كامل

حياتك المقبلة ولابد من إستشارة أحد كبير عاقل

إنتهى موقف اليوم اخواتى الكريمات وأتمنى أن

تستفدن منه وتفكرن به جيدا وتحذرن من هذا النوع

الموقع : المعادى تاريخ التسجيل : 11/02/2009

كملى يا قمرية

موضوعك جميل

انت وحشانى اكتر

احنا مستنيين الباقى

الموقع : فى قلب حبيبي M تاريخ التسجيل : 05/03/2009

جميل اوى يا طيفة

حلوة اوى المواقف دى

ربنا يجازيكى عننا خيييييييييييييييييييييييير

طمنينى عليكى

الموقع : غربتى المؤلمة تاريخ التسجيل : 29/06/2009

اقتباس :: ="نوووور"]كملى يا قمرية

موضوعك جميل

انت وحشانى اكتر

احنا مستنيين الباقى

حااااااااااااضر حالااااااااااااااااا ياقمر

الموقع : غربتى المؤلمة تاريخ التسجيل : 29/06/2009

اقتباس :

هنودة27 كتب:: جميل اوى يا طيفة

حلوة اوى المواقف دى

ربنا يجازيكى عننا خيييييييييييييييييييييييير

طمنينى عليكى

جزانا وإياكم إن شاء الله
أنا بخير الحمد لله ياقمر

الموقع : غربتى المؤلمة تاريخ التسجيل : 29/06/2009

أسعدنى تفاعلكن مع الموضوع

ولكل من انارت صفحتى بردها الرقيق

أقدم لها جزيل الشكر والتقدير

ونكمل معا الآن مع موقف جديد

أترككم مع موقف اليوم

الموقع : غربتى المؤلمة تاريخ التسجيل : 29/06/2009

الشكاك

أحلام تتصل بسامر بعد إستيقاظها من النوم بعد أن

اخبرتها أختها بانه اتصل بها كثيرا

أحلام :السلام عليكم

سامر :كنتى فين ياست الهانم

أحلام: طب رد السلام الأول

سامر بغضب شديد:ردى إنتى عليا كنتى فين؟؟؟

أحلام :مالك ياسامر فى إيه يأخى كنت نايمة

سامر:ياسلام ياكذابة:a ومين اللى كان شاغل

موبايلك وشوية اتصل وما حدش يرد ؟؟؟

أحلام :ما أعرفش أنا كنت نايمة ولسه صاحية

دلوقتى:

سامر: إنتى فاكرانى عيل هتضحكى عليه بالكلمات

الهبلة دى:

أحلام :فى إيه ياسامر :ss:؟؟؟انا مش عاجبانى

تصرفاتك بقى لك فترة:بتتكلم معايا دايما بصيغة

التحقيق

فى إيه هو إنت بتشك فى ؟؟؟

سامر: أيوة بأشك فيكى لأنك كذابة

أحلام :أنا ما اسمحش لك إنك تتهمنى الإتهام ده

أنا مش بأكذب عليك فى اى حاجة لكن إنت عايز

تكون مطلع على كل تصرف اتصرفه فى حياتى

مسبقا إمتى أكل وإمتى اشرب وناقص تقولى إمتى

أدخل الحمام ولو ما قلت لك قبله وخدت إذنك يبقى

انا كده كفرت وعملت كبيرة من الكبائر

سامر: ايوة ده حقى عليكى أعرف كل حاجة فى

حياتك وأوافق تعمليها أو ما اوافقش ده برضه حقى

وبعدين انا مش باثق فى حد فى الدنيا دى خااالص

أحلام: حتى أنا مش بتثق فى ياسامر :

معلهش هى مش غلطتك هى غلطتى أنا اللى

كنت بأطاوعك وأقول يابنتى ريحيه مادام

ماشية عدل ماتخافيش من حاجة لكن واضح إنه

مش فارق معاك

خلاص ياسامر ما تكلمنيش تانى خالص وإعتبر اللى

بينا انتهى

وأغلقت أحلام الهاتف فى وجه سامر

وسألت اختها عن الموبايل هل اخذه أحد فى اثناء

نومها فاخبرتها أختها انها هى من أخذت الموبايل

اثناء نومها فقد كانت تريد أن تلعب باللعب التى

عليه وأختها نائمة ثم كلمت صديقتها منه ثم إتصلت

صديقتها بها على تليفون أحلام

جاء سامر لمصالحة أحلام

وبالعافية بدأت تتجاوب معه واعتذر بحجة أنه منذ

فترة قصيرة سمع قصة صديقه المؤلمة فقد كان

خاطبا لابنة خالته وبعد فترة إكتشف انها تخونه(6)

وانها على علاقة بآخر وأنها كانت تستغفل ابن

خالتها فالقصة أثرت على تفكيره كثيرا

وإنه بيثق فيها لكن مش بيثق فى الناس وبيخاف

عليها لأنه بيحبها

المهم قبلت أحلام إعتذاره وفى اثناء جلوسهما

جاءتها رسالة على موبايلها فأسرع سامر بدون

إستئذان وفتح الرسالة الخاصة بأحلام ثم بعد إن

إستراح وإطمأن ممن هى أعطاها لها

أحلام

فين المشكلة

المشكلة واضحة

أستاذ سامر شكاك لأبعد حد يسمع كلمة من هنا

يشك فى أحلام

يسمع قصة من هنا يشك فى احلام

يفسر أى تصرف من تصرفاتها بسوء ظن دون أى

دليل واحد

وياريته لما بيتأكد من عدم صدق شكوكه ينتهى

عن سلوك الشك لأ بيفضل يشك فيها مهما إعتذر

ووعد بعدم الشك لها تانى لأن الشك ده مرض

وصعب يشفى منه إلا إذا هو نفسه سعى لعلاج

مرض الشك ده عنده

واضعها هى وتصرفاتها تحت المنظار

وعامل حجر على حياتها

مافيش خروج إلا بإذنه

مافيش مقابلة لصحابها إلا بإذنه

مافيش مقابلة لأقاربها إلا بإذنه وعادة بيرفض كل

طلباتها بحجة أصلى خايف عليكى وحجج اخرى

كثيرة

النوع ده الحياة معاه عذاب

لو إنتى إنسانة إجتماعية

لأنه بيقفل على زوجته بالضبة والمفتاح

بيمنعها من الخروج ومقابلة الناس إلا فى اضيق

الحدود يعنى بيعيشها فى سجن وياريته كمان

عايش معاها فى السجن ده لأ حضرته قافل عليها

وبيسرح على حل شعره بالخارج

تعرفوا شخصيته شبه شخصية مين

شبه شخصية سى السيد

فاكرين كان بيعامل زوجته إزاى

وهو كان عايش حياته خارج البيت إزاى

وهى رغم طاعتها المستمرة له

كان مصيرها فى اول غلطة عملتها الطرد من البيت

الخلاصة

الشخص ده مستحيل تشعرى بالامان معه

لأنه غدار وغير مأمون الجانب ابددددددددددددددا

لأن كلمة تجيبه وكلمة توديه

ولو إكتشفتى إن خطيبك من النوع ده إوعى

تفتكرى إنه هيتحسن بعد الزواج

بالعكس ده هيزيد سوءا وبشاعة وتحكم

فإحذرى وفكرى جيدا قبل إتمام زواجك به

الموقع : فى قلب حبيبي M تاريخ التسجيل : 05/03/2009

فعلا اوحش حاجة الراجل الشكاك

ربنا يعافينا

الموقع : غربتى المؤلمة تاريخ التسجيل : 29/06/2009

يارب ياهنوووودى
بنات أتمنى مشاركتكم بآرائكم فى كل موقف
ونقول استفادنا منه إيه
ولو فى حد عنده اعتراض مع أى موقف يقول طبعا
وأنا هتكلم معاكوا لأن فى حاجات أنا كمان مش مقتنعة بيها
منتظراكوا ياحلوين

الموقع : فى قلب حبيبي M تاريخ التسجيل : 05/03/2009

كملي انتى فين

مكملتيش ليييييييييه

مواقف مفيده بجد

تسلمي يا قمر

بس ايه اللي انتي مش مقتنعه بيه ؟

تاريخ التسجيل : 29/05/2009

تسلملي الايادي و عيون احبابي
و يا رب يكون قلبك صافي
و بالك هادي
بجد موضوع ف غاية الروعه و الجمال
و اكتر حاجه بقي عجبتني الموقف التالت قعد اضحك لما كنت هموت ده انا لو مكانه كنت خلصت عليه و استريحت

تاريخ التسجيل : 29/05/2009

انا مستنيه باقي المواقف مش تتاخري علينا يا اطياف

waiting with u loly

الموقع : غربتى المؤلمة تاريخ التسجيل : 29/06/2009

اقتباس :

لولي كتب:: تسلملي الايادي و عيون احبابي
و يا رب يكون قلبك صافي
و بالك هادي
بجد موضوع ف غاية الروعه و الجمال
و اكتر حاجه بقي عجبتني الموقف التالت قعد اضحك لما كنت هموت ده انا لو مكانه كنت خلصت عليه و استريحت

تسلميلى يالولو ياقمر
انتظرى المزيد

الموقع : غربتى المؤلمة تاريخ التسجيل : 29/06/2009

اقتباس :

beauty كتب:: waiting with u loly

i will complet in shaa allah

» يلا ادخلى علشان تكسبى
» كيف تجذبين زوجك أو خطيبك ؟؟؟؟
» 10نصائح قبل الخروج مع خطيبك لاول مره
» علشان هي بلادي‏
» تعلمى ازاى تدوخى خطيبك بالتليفون اجرى بسرعه