مطلوب معلمة لحضانة اطفال

مساء الخير عليكوا

يا جماعة اولا احب اوضحلكوا ان الموضوع ده مش مجرد وظيفة ، الموضوع حلم و طموح

احنا انشاء الله بنعمل حضانة هي حاليا لسه فكرة بنشتغل عليها ، مش عاملينها علشان البيزنس بس لا عاملينها كمان علشان بجد نطلع مجموعة اطفال متميزين ، ولاني بدور عالتميز بدور عالناس المتخصصة .

الحضانة هتكون انشاء الله في مدينة نصر

بالنسبة للمرتب في اختيارين

1 ) مرتب ثابت 400 جنيه و يزيد بعد 6 شهور انشاء الله
2 ) المرتب يكون نسبة من الربح .

بمنتهى الوضوح ميزة الاختيار الاول ضمان مرتب ثابت صحيح مش كبير بس ثابت ، ميزة الثاني احتمال انك تاخدي مرتب اكبر بكتير من الثابت
و طبعا العيوب واضحة ، الاول مش كبير ، و الثاني لا قدر الله ممكن يكون قليل ، و ليكوا حرية الاختيار


ياريت اللي موافقة تكون معانا تبعت ال c.v على
Ahmed_psychologist@hotmail.com
و لو في اي تعليق او اقتراح ياريت تقولوه

و احب اوضحلكوا ان اللي يهمني مش الشهادات الكتير اد ما يهمني الفكر ، انا عاوز حد يحس انه بيشتغل في مكانه و تكون عندها افكار جديدة تفيد بيها المكان و طبعا تحسن وضعها هي كمان