اول اسبوع شغل مع K.G

السلام عليكم ورحمه الله وبركاته

ازيكو يا بنات .. كان القسم بتاعنا السنه اللى فاتت قسم الفرقه الرابعه

بقينا دلوقتى فى قسم الخريجين

وبما ان معظمنا اشتغل

ف حابه اسألكو عملتو ايه فى اول اسبوع شغل مع الكى جى

عملتوا ايه مع بكاء الاطفال الدائم طوال النهار وخصوصا اول يوم

مستمتعين بالمسئولية ولا ايه ؟!

مستنيه ردودكم

الموقع : من امام الجهاز تاريخ التسجيل : 24/02/2009

احكيلنا انت بقى يا بيوتى

تاريخ التسجيل : 20/02/2009

كل حاجه فى اولها صعب بس بجد لما اولادكم ياخدوا عليكم هتحسوا بمتعه مش طبيعيه وربنا يوفقك الجميع يارب

ماشى يا نانا .. اعتبرها تدبيسه ديه

بس ماشى انا حابه احكى بس اسمعينى انتى بس للاخر .. و اعمليلك كوبايه شاى كدا قبل ما تقري

هوا طبعا زى ما قالت نديم كل شئ فى اوله صعب

بس بينى وبينكم انا محستش انه صعب بمعنى الكلمه لكنه فعلا مش سهل

بمعنى ان اول اسبوع انتى بتبقى تحت الميكرسكوب .. الكل عايز يعرف مين ديه

اد المسئوليه ولا هنمشيكى و ندور علي غيرك .. ده غير ان كل ده بيتقال فى وشك

ف هل عندك قدره لاستحمال كل الاحباطات ديه و الصبر الكافى انك تعدى اول شهر بالمنظر ده

ده غير اولياء الامور و الشكاوى بان المدرسه معينه مُدرسه معندهاش خبره و لسه متخرجه

و انك تثبتى وجوده فى خلال شهر بس و تلاقى ده فى عيون كل المدرسين و الاداره من اكبر واحد فيهم لاصغر واحد فيهم ..

ده مش سهل لكن مش صعب ولا مستحيل

انا بصراحه كنت حابه المدرسه اللى بشتغل فيها و اللى مازلت بحبها جداااا .. من اسم المدرسه لسمعتها اللى كانت وصلانى

لان اخويا فى رابعه ابتدائى فيها و يعتبر بقالو سنتين فيها و بصراحه اد ايه ناس محترمين

وانا مكنتش طالبه اكتر من كدا .. بصراحه عجبنى فى المدرسه انهم بيوقفو الحصص علشان التلاميذ تروح تصلى جماعه

و ده اللى كان نفسى يحصل فى الكليه بتاعتنا بس للاسف محصلش بس انا حبيت ده جداااا فى مدرستى

بصراحه ده المكان اللى انا اخترت انى اتواجد فيه و ده المكان اللى انا عايزه و حابه اشتغل فيه

و ده المكان اللى بحبه و اللى مش هتشغل غير فيه و ده المكان اللى بلاقى نفسى فيه و اللى ببقى فى قمه سعادتى وانا فيه

و ببقى مستمتعه جداااااااااااا وانا مع اطفالى اللى بحبهم و بيحبونى

و بصراحه كل اللى حصل و اللى هيحصل فى مدرستى هوا توفيق من عند ربنا ليا

و الحمد لله بجد على اللى بشوفه دلوقتى من كل الناس فيها و فى المدة الصغيره جداا اللى اشتغلتها فيها

بس ادعولى انى اكمل على ده و ابقى احسن كمان

ده غير ان الكليه ليها الفضل بانى بعرف اتعامل مع الاطفال و علم النفس الكتير اللى مكنش بيفرقنا كل سنه

بجد استفدت كتير من الكليه فى مجال شغلى دلوقتى و بجد مبسوطه انى كنت خريجه رياض اطفال

بس بصراحه متمناش ابدااا انى اعيد التجربه ديه تانى و ارجعها

هوا الحمد لله على كدا و كفايه اوووى عليها كدا

و كمان الفضل يرجع لاستاذتى فى التدريب الميدانى أ- أسماء إسماعيل بصراحه اتعلمت منها حاجات كتير

اتعلمت الالتزام و الحضور المستمر و التحضير .. المدرسة عندى شافت كشكول تحضيرى و عجبهم اوى

و كلمه اشكرك اللى كنت بموووووت فيها و بزعل جدااا لو مكتبتيهاش .. بيسألونى عنك و بيقولولى مين المعيده ديه

و اكيد حضرتك عارفه انك من احلى المعيدات اللى شوفتهم فى حياتى .. نفسى اشوفك بجد و اعد معاكى لانك وحشانى جامد

معلش بقى طولت عليكو .. انا حاسه انى يا اما ببعت جواب طويل يا اما بكتب مذكراتى

بس ربنا يوفقكو كلكو يارب و يعدى عليكم ايام الكليه بخير بحلوها و بمرها