مطلوب مجله للطفل

أزيكم يابنات رياض الأطفال يارررب تكونوا كلكم بخير

ياجماعه أنا بشتغل مدرسه ومطلوب مني 3 مجلات للأطفال المفروض أني أعملهم بس للأسف أنا عمري ماعملت مجله للطفل

كنت بعمل مجلات حائط للأطفال فامش عارفه أعمل إيه خصوصا أن المفروض أقدم الأفكار وأسكتشات مبدئيه على يوم الأحد

المجلات ديه موضوعها .... 1 __ عن عيد الطفوله
2 __ عن العيد القومي لمحافظت الجيزه

3 __ لم يتم تحيح الموضوع له

فلو ممكن أي حد يساعدني ضروري ضروري ضروري

أنشالا حتى بصوره للمجله أو طريقت عملها أي أي أي حاجه

و10000000000 شكر على تعاونكم

طلعى كتاب قصص وحكايات و قلبى فى المجلات و كيفيه عملها و شروطها

وخلينا نقلب فى النت على افكار و ان شاء الله على يوم الحد نبقى كذا الحاجه ويبقى كله تمام

و قوليلى توصلتى لايه علشان نبدأ سوا من النقطه اللى انتهيتى منها

و ربنا معاكى

بصى يا soso ياقمر ،1-زى مابيوتى افادت ان فى كتاب ادب الطفل عندنا فيه نموذج لمجلة ممكن تستعينى بيها وتشوفى الافكار اللى فيها وتحورى هذه الافكار حسب الموضوع اللى مفروض تعمليه، واسم المجلة على مااعتقد ياسين وياسمين...

2- لو ماقدرتيش تحصلى على الكتاب ده ممكن تعملى الاتى:-
جيبى اى مجلة مثل "مجلة فلة ، ماجد ، العربى الصغير" وشوفى مقدمين فيها افكار ايه ،وابدائى ترجمى الافكار دى لكى تناسب طفل من 4-6 س وهتلاقى نفسك كمان بتبتكرى افكار تضميها للمجلة...
بعد كده شوفى امسكى الموضوعات اللى هتعملى عليها المجلة وابحثى عنه على النت وفى المكتبة وشوفى هو بيتكلم عن ايه بالظبط وازاى بيحتفلوا بيه وادمجي ده كله بالابواب اللى عايزة تقدميها فى المجلة...

3- اما شكل المجلة هيكون ازاى فخلى الغلاف بتاع المجلة خير دليل ورمز لموضوع المجلة وابتكرى فيه بحيث يبعد عن الشكل التقليدى..

معلش ياجميل انا طولت عليكى اوى ويارب اكون افدتك وربنا يوفقك...

افكار رائعة

متشكره متشكره كتشكره جداجداجدا بجد مش عارفه أشكركم أزاي على تعبكم معايا وعلى أفكاركم ألي أفتوني بيها بجد

1000000000000 شكر ياbeauty وياالفارس النبيل بجد أفتوني كتييير قوي وإنشاء الله أول لما تخلص المجلات هعرضهالكم

يارب تخلص فى الميعاد المحدد يا سوسو

و انا معملتش حاجه لحد دلوقتى

بس ابقى طمنينا و اذا احتجتى حاجه قولى

لا شكر على واجب ، ويارب تخلصى المجلة وتكون اروع مجلة باذن الله...
وانا هانتظر عرضك للمجلة ان شاء الله ، اوعى تنسى تعرضيها.....