لو كلمت الصرصار هاتقله ايه

لو كلمت الصرصار هاتقله ايه

انا عارف ان الموضوع في بعض الهبل لكن الفكره جاتلي لما شوفت صرصار واقف عادي فسالته انت ميت و لا ايه و لما ماردش عليا قمت زقه لقيته ميت
( انا ما بشربش حاجه و لا حتي سجاير بس ممكن ده يكون تاثير البيبسي )

بصراحه عالم الحشرات و الحيوان غريب جدا بس انا باتكلم عن الحشرات اللي ممكن نشوفها في البيت

يعني مثلا الفار ( مش موجود في البيت عندنا ) لما بيشوف انسان بيخاف و يجري و الانسان لما يشوفه يخاف و يجري مش معني كده ان في تشابه بين الانسان و الفار
بس اعتقد دي حاجه ربنا ارادها علشان يحمي الفار من الانسان و العكس برضه

المهم سيبونا من اللي فات ده و قولولنا لو هتكلم حشره هتقولها ايه
و ممكن كمان تتخيل ردها ( للاسف الصرصار كان مات فاملحقش يرد عليا )

يعني هي الحشرات خلصت موش لاقي غير الصرصار
انا بقي بكرهم واكيد مش هكلمه
وشكرا علي مواضيعك كلها بجد جميله

بالنسبه للصرصار

هغنيله اغنيه سامو زين و اقوله

ابعد عن عينى .. بغض النظر عن باقى الاغنيه يعنى لانى مش هحب فى صرصار

ممكن أكلم نملة لأن بحس إني كل ما أشوفها تبعتلي رسالة
في الصبر لوشايلة قطعة سكر كبيرة ومستحمله وماشية
والتضحية لما قرصتني وضحت بحياتها عشان هجمت عليهم في وليمة والكل بيشيل على قدر إستطاعته
والإصرار لما فضلت أحجز عليها عشان متعديش وهي تصر إنها تعدي ومتغيرش الطريق
والحب لما تشيل جسم أختها إلي ضحت بحياتها في سبيل تجيب معلومة أو تعرف مكان الأكل .
والنظام لما يمشوا في طابور ومحدش بيخرج عنه .
وإحترام الكبير وتوقيره لما بيحوطوا على الملكة ويحموها في حالة إنتقالهم من مكان لآخر.
والذكاء لو رشيت في مكان بودرة بيعملوا مخرج تاني أأمن .
والتخطيط للمستقبل لما يخزنوا الأكل من الصيف للشتاء وميحصلش مجاعة أو يعرضوا نفسهم للخطر في الشتاء .
كل ده وغيره كتير من المشاهد إلي ممكن تعدي علينا وإحنا في البيت بكل بساطة وكل همنا نشيل السكر فين إلي كل مكان وصله فيه .
فرغم صغرها ولكن مليانة حكم وحكم
فلو هكلمها هخليها تديني دروس في الحياة وهكون تلميذة للحكيمة النملة.

ميرسي ياجماعلى المرور الجميل ده وشكرا ليكي يا هبه خالد
a_m11632000@yahoo.com

ميرسي ياجماعلى المرور الجميل ده وشكرا ليكي يا هبه خالد
a_m11632000@yahoo.com