محتاجه مساعدة

ياجماعه انا لسه شغاله فى مدرسه اول الاسبوع ومكان مدرسه تانى
واكتشفت انها كانت شغاله فى الجوده وانا دلوقتى مكانها قلت كويس عشان احاول اظهر شغلى
بس لقيتها كانت واخده مجال فى القيادة المؤسسيه يعنى نظام المدرسه وادارتها
انا بجد محتاجه اعرف اكتر عن الجوده وعن مجالاتها
لانى مش عاوزه احس باحباط اكتر ونفسى احس انى مش لوحدى وان فى حد جنبى وبيساعدنى
والناس فى المدرسه ماشاء الله ولا بيحلو ولا بيربطوا
فمحتاجه بجد صحابى واساتذتى الى كانو دايما واقفين جنبنا

بصى يا مى

انا هقولك معلوماتى عن موضوع الجوده اللى بتحصل فى المدارس

بس على فكره معتقدش انها هتفيدك اوى

انتى المفروض انك قائده لمجال القياده المؤسسيه .. المفروض ان فى ملف بتخلصوه علشان يتقدم فى معاد محدد و حوارات كدا تبع الاداره ملناش دعوه بيها دلوقتى

لكن اللى يعنيلنا دلوقتى الملف ده يحتوى على ايه ؟؟

الملف ده المفروض ان فيه مؤشرات .. و تحت كل مؤشر فى ممارسات .. الممارسات ديه لازم تقريها كويس

و تفهميها و تحاولي تنفيذيها و توثيقى اللى نفذتيه بالتاريخ و الصور و ده ما يسمى بالشواهد و الادله

النظام ده قوريب من اللى اخدناه فى الكليه بس تقريبا هوا على توسع اكتر فى المدرسه

اللى اعرفه كمان ان فى لجنه بتيجى من بره تشوف الملف بتاع المجال بتاعك و تسال فيه و تسال باقى اعضاء الفريق بتاعك

و من خلال المقابله ديه بيتحدد هل المدرسه ديه تاخد الجوده ولا لأ

بس .. ده اللى فاكراه دلوقتى و اذا افتكرت حاجه تانيه هبقى اضيفها

بس انتى عارفه ده ولا هما مش قالولك اى حاجه فى المدرسه عن نظام الجوده عندهم ؟

السلام عليكم
عاملة ايه يابيوتى واللهى وحشتينى موت
يارب تكونى كويسة

انا هحاول اساعدك يامى وقولك ال اعرفة
بصى ياقمر انا فى المدرسة شغالة فى الجوده بس معايا مجال المتعلم
بس ال بيطبق عل مجال بيطبق على الباقى

اولا انت بتكونى مع المدرسه بأستمرار ولو مفيش مساعدة منهم يبقى متتعبيش نفسك لانها تهمهم اكتر منك ولازم مشاركة الكل

ثانيا:انتى بتاخدى وروق بالمجال بتاعك وفيه عدد من المعايير وكل معيار فيه عدد من الممارسات

المفروض انك بتبدأى تحققى كل ممارسه فى المدرسه

اول حاجه بتكتبى كل ممارسة بطريقة الكود على ورقة لوحدها

وبعدها تمسكى الممارسه دى تشوفيها هتتحقق بأى شكل يعنى أيه الادله والشواهد عليه ياترى وثيقة ولا مقابله ولا استبيان
وده هتعرفية من ورق تانى هما برضه بيسلموه مع ورق المجال عشان تشوفى كل ممارسه عايزه ايه وتنفيذة

وكل ممارسه بتجمعى الدلأئل بتعتها فى دوسه ولما تخلصيها تشوفى ال وراها لحد متخلصيها وكمان فى مشرف ومراقب على الجوده لازم يجتمع ويفهمكوا ويراقب على شغلكوا

اطلبى انه يبدأ معاكى من الاول لانك متعرفيش حاجة وجايه بدل ال مشيت
ولو المدرسه مكبره يبقى متتعبيش نفسك لأن لو مجال سقط هيسقط الباقى

يعنى لو هما مكبرين وانت مهتمة لوحدك يبقى ملهوش لزمه
انا مش بقولك متشتغليش لكن لازم كلة يشتغل معاكى

اصل انا كنت فى نفس المشكله واول سنة اشتغل وهما بيستغلونا شوية
والمجال بتاعى اصعب مجال اكيد انت عارفة لكن الحمد لله خلاص اوشكت على الانتهاء منه

لو محتاجه حاجة بلغينى
ربنا يعينك ويباركلك فى شغلك

واستحملى شوية عشان انا عرفة انه شغل متعب جدا

اسفة على الاطالة

و عليكم السلام

ازيك يا ريرى .. انتى وحشانى اكتر يا جميل

بصراحه كلامك مفيد جدااا .. و ده اللى فهمتو بعد تلات شهور شغل

و ما خفى كان اعظم .. بس اللى فهمته من كلام مى ان المدرسين مش متعاونين معها

و على فكره اعتقد ان ده حال معظم المدارس ..

لان الجوده بضاعف متاعب اليوم الدارسى ف بيبقى شغل الجوده تقيل عليهم

و مفيش حد بيهتم بالموضوع الا المخلص فى شغله و اللى عايز يخلص

و اللى عايز يثبت جدارته فى شغله و ده اللى احنا بندور عليه لاننا لسه بدأين حياتنا المهنيه مبقلناش سنه .

كل كلامك صح ياقمر واللهى احنابنشتغل طول اليوم الدراسى
وبعده عشان الجودة
الحمد لله وربنا يعنا جميعا

ربنا يوفقك فى حياتك العملية والمعيشية ويوفقنا جميعا

ربنا يخليكى ليا يا ريرى

ميرسى ليكى كتير

و ربنا معاكى