استطلاع راى طالبات الفرقة الثالثة فى امتحان انتاج الوسائل التعليمية

بصراحة يا دكتور في البداية لازم نشكر حضرتك على اهتمامك بالطالبات و آراءهم و انك أطلعتنا على وضع الامتحان
يعني ناقشتنا و اهتميت اننا نفهم ليه الامتحان هيبقى بالشكل الفلاني
أما بقى عن الامتحان
فأنا شايفة إن الامتحان كمجمل مختلف و مميز عن الامتحانات التانية
أنا شايفة إن فيه أفكار
و لو السؤال الأول عندي طلعت إجابته صح أكيد هابقى معجبة بيه جداااا
^ـ^"
بس سمعت كلام عن سؤال تاني إن إجابته من شقين ررغم إن اللي يتفهم منه انها نقطة واحدة و أظن كتير سألوا عنه النهاردة بعد ما خرجنا من اللجان

بس أنا عن نفسي أياً كانت النتيجة
فأنا أؤيد نظام الامتحان ده
لأنه مختلف و أنا شايفاه متميز
بصراحة ده أول امتحان أسترجع معلوماتي براحتي من غير ضغط و لا رعب و لا كل شوية أبص على الساعة
و آخر ورقة منظرها ميعرش زي بقيت المواد
يعني حاجات من هذا القبيل - و انتو يا بنات ؟
^ـ^"
و أظن ده أفضل جو للامتحان و التقييم فعلا - على الأقل بنظري أنا

فى البداية بجد شكرا لاهتمام حضرتك بارائنا بس الامتحان بجد مش بيقيس الحفظ ومش عاوز كتابة كتير والسؤال الاول فكرتة ممتازة لانة مش جاى مقالى مباشر واسلوبة كويس وبالنسبة للاسئلة التانية تعتبر كويسة وانا شايفة ان دة الامتحان الوحيد اللى معتمدش على الحفظ ويعتبر امتحان مقالى بس مضمونة الفهم وليس الحفظ واننى من وجهة نظرى انة امتحان ممتاز وشكراااااا

سلام الله عليكم
بداية احب اشكر حضرتك د. محمد وكنت اتمنى ان الموضوع دا يحصل فى باقى المواد
بالنسبة للامتحان انا مش حقدر اقول حاجة عليه غير انه كان كويس بالمقارنة بامتحانات تانية كتير
بس انا لغاية دلوقتى مش عارفة اقول هو كان نوعة ايه
انا حاسة انه نص نص يعنى مش مقالى اوى لانه بيعتمد على الحفظ والفهم مع بعض
بصراحة الامتحان كا ن فيه حاجات محتاجة تركيز اوى
والواحد من كتر التوتر اللى بيعملوه اللى حواليه بس بيفقد كوووول تركيزه
لكن مستوى الامتحان عامة كويس جدآ جدآ

السلام عليكم ورحمه الله وبركاته فى الاول عايزه اشكر حضرتك يا دكتور محمد الامتحان بجد حلو جدا واكتر ميزه فيه هدوء الاعصاب مقارنه بالامتحانات التانيه اللى بنسابق فيها الزمن علشان نلحق نحل ونكتب جزء من اللى تعبنا فيه وذاكرناه اتمنى التوفيق لكل طالبات الكليه

بسم الله اوجه جزيل الشكر لحضرتك وجهدك المبذول لتطوير عملية التعليم الجامعى والاعتماد على المشاركة الفعالة بين الدكتور والطالبات اما بالنسبة للامتحان انا شايفة انه تتضمن فكرة جديدة وهىفكرة السؤال الاولوالتى لا تعتمد على اجابة واحدة بصراحة وبدون مجاملة انا معجبة جدا بهذه الفكرة اماعن باقى الاسئلة انا شايفة انها بتقيس حاجات كتير منها مستوى الفهم والتذكر وحضور المحاضرات بالتاكيد بجد حضور المحاضرة ساعدنى كتييييييييييييير فى فهم المادة

وشكرا

اولا احب اشكر د-محمد زى زميلاتى فى سنه تالته لتقديره لينا كطالبات ليها حق فى ابداء رايها

تانيا اتفق معاكم فى رايكم فى ان الامتحان فعلا كان حلو جداا وبصراحه الامتحان الوحيد اللى خرجت منه بجد مبسوطه

هوا كمان الامتحان كان بيقيس حاجات كتيرر ومتميز فعلا لانه بيقيس ذكاء الطالبه فى السؤال الاول و مدى استيعابها ومذاكرتها فى باقى الاسئله

بس اللى لاحظته ان الامتحان كان مركز على بعض الفصول بعينها ومش جايب فصول تانيه مع العلم ان الكتاب كان 12 فصل

بس عموما الامتحان كان فعلا متميز ..

السلام عليكم
اولا اود ان اشكرك على مساهتمتك والتعليق على هذا الاستطلاع فحقيقى بستفيد جدا من تعليقاتكم ولا يوجد اسف لكتابة التعليق لانى لوكنت حخاف من اى نقد مش كنت فتحت باب للحوار والتعليقات واستطلاع ارائكم والتى اخدت عينة منها فى المحاضرات ايضا
ولكن لدى بعض التعليقات
بالنسبة لان الامتحان مش شامل كل نقطة فى الكتاب فهذا طبيعى لان الامتحان مقالى وليس موضوعى بمعنى انه لايصح انى شمل كل نقطة فالكتاب والا كنت جبت فهرس الكتاب وحطيت منه الامتحان بحيث يشمل كل نقطة فى الكتاب واعتقد انتم عارفين نوعية هذه الامتحانات وانا عن نفسى لا افضلها لانى لا اود ان تعيد الطالبة سرد كل ما فى الكتاب فى ورقة الاجابة
النقطة الثانية انت ذكرتى ان هذا الامتحان تقريبا مكرر عن العام السابق وهذه النقطة توقفت عندها كيف يكون مكرر والعام الماضى كان الامتحان موضوعى اسئلة صح وخطأ واختيار من متعدد !!!!!!
اما النقطة الثالثة فان الامتحان يكون مرتبط بالنتائج المستهدفة التى ذكرتها لكم فى اول محاضرة والتى يجب ان يكون الامتحان يغطى عدد لا بأس به من هذه النتائج
اشكرك مره اخرى وارحب باى تعليقات اخرى
د. محمد عطا