بحبك يابلدى
برغم الجراح
برغم اللى فيه
واللى جاى
واللى راح
بحبك فى حبسى
بحبك فى جبسى
وحتى وانا
طليق السراح
بحبك يابلدى
غلطانه فيه
وحقك عليه
ودايسه كرامتى
واقولك سماح
بحبك يابلدى
قوى او ضعيف
وحتى وانا
مكسور الجناح
بحبك يابلدى
وعارف بانك
عمرك ماترضى
فقرى وجوعى
وخيرك ماليكى
سجودى وخضوعى
قدام عينيكى
وجرحى اللى دمه
مغرق ايديكى
وبرضه شاريكى
فى وسط الدموع
فى لحظه خضوع
بنادى عليكى
بحبك يابلدى
ببحبك وحبى
حقيقى عنيد
برغم اللى باع
لليهود الحديد
برغم اللى قتلوا
خالد سعيد
وعملوا ملوك
وساده وعبيد
يدوسوا وحبك
فينا يذيد
طب مش غريبه
علمك مهان
طردتيه بعيد
ويبقى حبيبك
خايب بليد
بحبك يابلدى
بحبك وعمرى
مايوم اشتكيت
ولا لاجل عطفك
فى مره بكيت
وعايش وراضى
مانا اصلى فاضى
لا طلبت شغله
وزوجه وبيت
عايش بدوقه
ولقمه وصميت
وتمنك بيغلى
وانا اللى اشتريت
بحبك يابلدى
فى بكره اللى جاى
خايف عليكى
تدوقى اللهيب
تتوه الخطاوى
ويبقى عدوك
اقرب حبيب
تدى اللى خاين
تعلى اللى ظالم
ويصبح ابنك
فيكى الغريب
خايف عليكى
تضيع المهابه
تكونى الضعيفه
فى وش الديابه
ولمين تروحى
غير للغلابه
اللى جاعوا وضاعوا
تقولى غيتونى
فتلقى الاجابه
يغيتك حبايبك
كفايه مجايبك
شوفى اللى ناهبك
وخيرك لمين
سايبانا يعنى
بقالك سنين
ودلوقتى راجعه
تقولى اسمعونى
عمرك سمعتى ؟
الصراخ والانين
ده غموا عينينا
وقطعوا الايدين
تقولى هاتولى
نقولك منين
تقولى تعالوا
نقولك لفين
ده ضاع الوفا
وتاه الحنين
يابلدى كفايه
ده مفيش كسوف
عاوزه الشجاعه
وزرعانا خوف
بحبك يابلدى
وهفضل احبك
قسيتى عليه
ف نهارك وليلك
ودوقت قساكى
وغضبك وويلك
راح افضل احبك
طردتينى منك
راح افضل احبك
ومحبوس فى سجنك
راح افضل احبك
تعيشى ياغاليه
لطول الزمن
ماانتى البدايه
وانتى النهايه
وجدى وعمى
مدفون فى ارضك
وانتى الوطن
--------------------
اللهم عاملنا بما انت اهله
ولا تعاملنا بما نحن اهله
فنحن اهل للضعف والهوان
وانت اهل التقوى واهل المغفره
موضوع: $$ بحبك يابلدى $$ 
......