***أنت مؤيد أم معارض***

انا معارضة الفساد المنتشر في البلاد ومؤيدة التغيير العقلاني وبالتالي معارضة الفتنة المنتشرة في الشارع المصري ومؤيدة للتغيير العقلاني بغض النظر عن شخص الرئيس حسن مبارك

أعتقد أن رأيك صائب يا براعم لابد من التفكير فى كل العواقب

كدا 2 مؤيد 0 معارض

نعم لمبارك

3 مؤيد 0 معارض

شكرا لتفاعلك شارلوك هولمز

معاااااااااااااااااااااارضة 100%
لأنى مش ضامنة أى حاجة
ومقهورة على الناس وإللى هيا فيه

انا مع التغيير العقلاني وكفايه ظلم وفسادورعب
علينا ان نوقر كبيرنا

انا مؤيدة لكفاية مظاهرات نستنى نشوف ايه الجديد فى التغيير اللى جى واحب اعرض وجهة نظرى هنا علشان لما حد يقول معارض او مؤيد لازم يكون عنده دافع قوى لده مقتنع بيه
مش حكاية فضل وعدل اهو ادانا حبة من اللى عايزينه
ولا حكاية مؤيد لحسنى مبارك
الحكاية بالنسبالى نخرج خطوة واحدة بره الدايرة ونشوف اللى بيحصل
مظاهرات ( مؤيد - معارض) لبقاء النظام حتى الفترة المحددة
هنمسك المعارض مع احترامى لآرائهم
لو حسنى مبارك تنحى الآن كما قال الشباب واوباما رئيس الولايات المتحدة
1- طبقا لنص الدستور هيمسك نائب الرئيس ولن يكون من صلاحياته التعديل فى الدستور طول فترة الحكومة الانتقالية المقررة بالتالى القادم على نفس شكيلة السابق

2- لن نستطيع كشعب حر تحديد مطالب او امال محددة للنهضة بمصروليس هناك فرصة للمرشحين الجدد والذين هم على شكيلة السابق لانه لم يتم تغيير الدستور على حصر مطالب الشعب وبالتالى ستكون كل البرامج الانتخابية فاقدة لاحد مطالب الشعب

بتهيقلى سببين محترمين لازم نعيد التفكير من اجلهم
نمسك المؤيد مع احترامى لارائهم مش علشان انا بس منهم ولكن لوجهة نظرهم الشاملة
1- منهم من من ايد من اجل احترام رمز مصر واحترام هيبتها المركز فى رمزها
2- منهم من قال من اجل لا ننفذ الخطط الخارجية التى تظهر يوما بعد يوم وخاصة بعد تأييد اوباما والآمر بتشكيل حكومة انتقالية
فقالوا رغم ان كان هذا مطلبنا لن ننفذه ولن نأيده حتى لا نكون نفذنا مطلبا خارجيا علينا كشعب حر له ارادة وان كنا السباقين بطلبه
3- منهم من يتمهل حتى يتعدل الدستور حتى نختار قائدا لاحلامنا واملنا فى تقدم ونهضة مصر وجعلها لقيمتها الاولى ام الشعوب والنهوض بشعبها اقتصاديا وسياسيا وثقافيا وتعليميا ومن هنا ننتظر حتى لا يكون التالى كالسابق
وتعود الدائرة للاحاطة بنا لأسقاط النظام وهلم جرة
واللى بيقول اللى هيناقش الدستور المزورين لا اتأجل المناقشة حتى تنظر فى الطعون واللى مزور هيخرج وحتى لو افترضنا ان فى مرزورين خلاص مبقاش ليهم مصالح واللى زوروا علشانه ماشى ماااااااااشى والله هيمشى بعد اقل من 200 يوم ياريت نخرج برة الدايرة ونفكر ومش نخلى حماسنا وغضبنا يعمينا عايزين نشوف اللى بيحصل حوالينا
تعليق صغير رغم كل الانقلابات اللى فى معظم الدول العربية الا ان الكثير من القنوات الفضائية تتركز على احداث مصر فقط واعطاء عناوين مبسطة جداااااااااا لباقى احداث الانقلابات فى البلدان الاخرى
انا هقول ياااااااااااااااااااااا رب ارنا الحق حقا والباطل باطل واهدى نفوسنا الى الحق وارحمنا واغفر لنا واهدى مصر وشعبها الكريم الى الصراط المستقيم

انا معارضة مليووووووووووووووووووووون فى الميه

علشان حرام نسكت دلوقتى ودم شهدائنا اللى استشهدوا فى المظاهرات يروح هدر

انا مؤيده للريس .. سبوه يورينا هيصلحها ازاى و اديلوه الفرصه

انا تعبت انتو متعبتوش من الكارثه اللى بتحصل ديه

التغيير حدث بالفعل فلتعطوا نفسكم الفرصة لقطف ثماره


حتى الأن 6 مؤيد 2 معارض


ويبدوا أننا أغلبية

سماء لو سمحتى غيرى اسم الموضوع من مقيد ل مؤيد

هناك فرق شاسع بين معنى الكلمتين

متخليش الغرب يشمت فينا اكتر

معلش يا بيوتى دا اثر التعليم المصرى
وأدينى صلحت الكلمة فى كل الموضوع

اود المشاركه فى هذا الموضوع
وراى هو انى معارض وبشده ومع فكره ومظاهرات التى تطالب بالتنحى فورااااااااااااااااااااا واما عن نقل السلطه فلها اكثر من حل لنقل السلطه بشكل سليم لانه حقنا للدماء يجب نقل السلطه فوراااااااااااااااااا

طبعا لقد تشرفنا بمشاركتك يا دكتور
ولكن أختلف مع حضرتك بأن البلد الأن فى فوضى لا ينقصنا فوضى أختيار رئيس جديد فأعتقد أن فترة 7 شهور ليست ببعيدة وتعطى فرصةلأستقرار البلد والبحث عن الرئيس المناسب

ولكن أود أن أعرف من حضرتك من الرئيس المناسب من وجهه نظرك

من رأيى الأنسب هو عمرو موسى

أنا كمان معاكى فى اختيار عمرو موسى ياسماء
بس الأزمة دى تعدى بس يارب

انا مؤيدة وبشدة انا طول عمرى بحب الريس مش بس بعد الخطاب

من رأيي ياريت مش نرشح حد للمناصب دية غير لما نشوف خططهم ايه للبلد وبرامجهم يا ريت شئ من التمهل والصبر نشوف احسن حد يقدم احسن حاجه لتقدم البلد نقول ايوة هوا ده
مش تزعلوا منى ده رأيى
والاختلاف فى الرأى لا يفسد للود قضية

بالذات عمرو موسى ياتوتا
كان مطرود أصلا بره مصر
وبعدين لما الحال يتظبط بس نبقى نشوف بقه

الله ينور عليكى
لما نشوووووووووووووف

طبعا منزعلش من رأيك يا بطوطة
بس خدى بالك أن ناس كثير هتحاول تحسن صورتها الفترة الجايه علشان كدا لازم تنظرى لهم قبل الأن وإلى تاريخهم
ثم أن عمرو موسى يا أطياف كان رئيس للخارجية وعندما وجدوا أن الناس يلتفوا حوله وتزيد شعبيته نقله إلى جامعة الدول العربية ليخفوه عن الأنظار

معارضة وربنا يصلح الحال في مصر

ماشى يا بطة ولكى بالطبع حرية التعبير

وأرجو من جميع المشاهدين للموضوع التصويت لمعرفة نسبة المؤيدين والمعارضين حتى ولم يقوموا بالمشاركة معنا برد

انا طبعا قلت راى قبل كده وقلت انى معارض على استكمال ولايته لنهاية المدة وكفايه بقى لحد كده
وحبيت اوضح شئ صغير بالنسبة لتغيير الدستور والكلام اللى بيتقال فان كل خبراء القانون والدستور قالو ان ده مش صحيح وفى مليون حل وطريقه للتغير حاليا وكمان فى راى محمد حسنين هيكل وهذا الرجل بمكانته وخبراته السياسية عندما يقول انه يخشى ان يكون عدم تنحى الرئيس حاليا هو لعبة من النظام فبصراحه كلامه يقلق جدااا وانا عن نفسى قلقت اوىىى وخايف لتكون الثورة اصبحت نصف ثورة ليضيع دماء الشهداء هباء واتمنى التغيير السريع جدا ليتضح الامور بشكل كامل

ولكن الذى فهمته ولا أعلم مدى صحته فأننى غير خبيرة بالطبع فى ذلك
أمران

الأول أنه لا يمكن تغيير الدستور بدول المجلس فلا يمكن الأن أقاله المجلس لو أننا نريد تغيير الدستور
كما أنه لا يمكن للمجلس هذا تغيير الدستور بسبب الطعون الموجهه إليه
فمن رأيى هو أجراء أنتخابات جديدة ثم بعد ذلك النظر إلى الدستور بعين صادقة

الثانى أنه لا يمكن أقاله الرئيس كما يطالبون لأنه من النظام حيث من سيتولى حينها نائب الرئيس فهو أيضا من النظام وحتى لو حدث ذلك وسيتم أختيار الرئيس الجديد فيتم الأنتخاب على الدستور القديم وبالتالى لن يتغير الوضع كثيرا