في يوم 25 واحد
خرج عابد وكمان ناهد
مع بعضهم وبقلب ناهض
وبصوت عالى وبصوت واحد
تعبنا قوي من الوضع الفاسد
ناس كتير سمعتهم
واتفاجأوا ووقفوا قصادهم
بتقولوا ايه ؟ عايزين حرية ؟!!!!
عندكوا نت وكمان فيس بوك !!
معقوله بقي ليكم قضية؟!!!
مظاهرة شريفة ؟ بلاش خيبة
ومواجهة إيه ؟ دي أكبر عيبه
لكن وقفت عبير ومعاها أمير
وواجهوا الدنيا كتير وكتير
وخرجوا لميدان التحرير
وقف أمير وبصوته العالى
أنا جايلك جايلك يا بلادى
وهفضل أنادي وأنادي وأنادي
وهواجه كل الأعادى
صبرتي يا مصر سنين وسنين
ياه ده كله ألم وأنين
هكون عليكي يا مصر أمين
يا مصر .. يا سعدك يا هناكي
شبابنا كله بقلبه معاكي
واقف يغني تحت سماكي
علشانك اتحدت كل الأيادي
بلادى بلادي بلادي
لكي حبي وفؤادى
وفجأه ناس المفروض مننا
حتى هما من جنسنا
وبدل ما يحافظوا على أمننا
لأ قضوا على زهرة عمرنا
دول كانوا بيدافعوا عن حقنا !!!!!
أمال إيه ؟ كنتم فاكرين غير كده!!!
ما احنا قلنا كتير وبقلب مرير
تعبنا من الوضع الفاسد
وفجأه دخلوا بينا الأعادى
وحاولوا يفرقوا وقالوا علينا كلام غير عادي
مصروف عليهم وأكل وكنتاكي
لكن بفضلك يا مصر وبثناكي
هفضل واقف وهنادى
بلادي بلادي بلادي
لكي حبي وفؤادي
علشانك يا مصر هموت
وعلى ترابك حبي يفيض
قلبي يا أمي بجد سعيد
هتعيشي في فجر وعهد جديد
انتهي بقي واختفي يا عصر العبيد
عيشي يا مصر
واحصدي النصر
ده أجمل قصر
قصر الحرية
عيشي يا مصر هنية
وبإذن رب البرية
هتبقى عزيزة وغنية
بعقول ولادك قوية
عــيــشي يـــا مــــصــــــر
عــيــشي يـــا مــــصــــــر
امضـــاء : قلب فــخور
موضوع: عـيـشي يــا مـــــصـــــــر 
