هاااااااااام لطالبات الفرقة الرابعة

بسم الله الرحمن الرحيم
السلام عليكم ورحمة الله وبركاته
اخواتي واصدقائي كل عام وانتم بخير بمناسبة المولد النبوي الشريف
والف مبروك لمصر لحصولها على الحرية
وبمناسبة الحرية وبعد اخذ اراء العديد من الطالبات من جميع الفرق الدراسية وبوجه الخصوص الفرقة الرابعة فقد اتضح ان العدد الاكبر من الطالباات يعاننّ من كثرة الشغل العملي ومصروفاته
فأرجو من جميع الدكاتره ان يخففوا لنا الشغل العملي وده بجانب ان التيرم بقي قصير جداااا وده بعد قرار الوزير ان الدراسة اتأجلت
فبجد ارحموووووونا من الشغل العملي خفوه علينا شويه
لان سيرة الكلية مبقتش عبارة عن مواد دراسية بناخدها لا بالعكس سيرة الكلية فلووووووس وشغل عملي وبس
فياريت كلامي يتاخد في الاعتبار وميبقاش مجرد كلام او موضوع يتمسح من قبل المشرفين !!

وعليكم السلام ورحمة الله وبركاتة
انا كماااان معاكوا احنا بجد بنعانى واهلنا قبلنا
وكمان احنا سنة رابعة يعنى فية مننا بنات هتجوز واهلها بيجهزوها هيجهزوها ولا هتعمل العملى دا بالمصاريف دى كلها
ولو حضرتكوا بتقول نعمل من خامات البيئة بتطلع وحشة وبناخد درجات وحشة عليها
ولو حضرتكوا بتقولوا عشان نكتسب مهارات فاحنا فى سنة رابعة غير كدا احنا والبنات بندفع فلوس ونلم عشان نعمل الحاجة عند نجار ولا حداد ولا كهربائى فمبتكنش بالنسبالنا اكتساب مهارات
وبعدين يابنات اللى انا بقولوا دا غلط ولا حاجة
وانااااااااا كمان معاكى بالثلث

ميرسي يا سمسمة لمشاركتك معايا
وكمان المصيبة الكبري اننا مش هنستفاد بأي من الحاجات دي لما نيجي نشتغل بعد كده
يالا يا بنات مين معانا تاني

ههههههههههههههههههه
والله عندك حق يابنتى
بس مين يسمعك؟؟
والترم شكله مش هيبقى قصير
ربنا يستر وننجح الأول
ونخلص على خير كده

يارب نعدى وننحج على خيررررررررررررررررررر

انا معاكو يا بنات ياريت الشغل يخف علينا شوية

احنا بنبقى فى ضغط عصبى ونفسى كتيرررررررررررر بجد

كلامكم بجد صح جدا يابنات
وفعلا الشغل العملي كتير ومالوش اي لازمه
ولا بنستفيد منه نهائي
ده غير ان في دكاتره كتير بتطلب حاجات ملهاش لازمه وغير منطقيه بالمره
بس من باب الطلبات وبس
ده غير ان بنات سنه رابعه اللي قابلينا شفناهم بعنينا
بيرمو الشغل اللي صرفو عليه بالالفات
فياريت كل واحد بقا يبدا يصحي حته الضمير اللي جواه
ويتقي الله فينا
لان ابهاتنا مش كفره وبيسرقو الفلوس اللي بيصرفو بيها علينا دي
ياريت كل دكتور ودكتوره يحطوا نفسهم مكان اهالينا
ويشوف احساسهم وهما بيدفعو اللافات في حاجهت في الاخر بتتكسر وبتترمي

ياااااااااااااااااااريت يااااااااابنات
اللى تدخل تدينا صوتها ماتخرجش كدا
عشان الدكاترة تسمع صوتنا ونقدر نوصله
ونقترح هنعرضه عليهم ازاى
لازم تكونوا ايجابيين

وانا كمان معاكم يابنات يارب يتسمع صوتنا دي وفعلا يقدروا

والله عندكوا حق يا بنات... ياريت الدكاتره تسمعناعشان في اساليب تعلم كتيره اوي مع الشغل العملي يعني مايبقاش هوالاساس!!!! ...ربنا معانا كلنا

يالا يا جماعة مين تاني معانا عاوزين نجمع اكبر قدر من اراء البنات عشان رأينا يتاخد في الاعتبار ويرحمونا بقي من اي شغل ملهوش لازمة

انا معاااااااااااااااااااااااااااكي بالثلث طبعا المصاريف كتيره جداااااااااااااااااااااا واحنا تعبنا وكمان احنا في رابعه ودخلين علي جواز ومصرارفنا كتير ومصاريف جهاز

وانا كمان معاكم

انا مبسوطه جدا ان ابتدينا نعبر عن راينا وانا عارفه ومتاكده ان كتيييييير مننا مش مقتنع بالشغل العملى اللى اساسا بنعمله وياريت بجد لو نترحم خصوصا بسب الظروف اللى اخرت الدراسه غصباعننا واكيد لازم الدكاتره مع احترامنا ليهم يقدروا ان الوقت قل فأكيد لازم الكم يقل بس المشكله ان صوتنا ده مش كفايه لان فى ناس كتيييييييييييير مش بتدخل على المنتدى واعتقد ان البلد كلها بقيت بتقول رايها من صغير لكبير ومن حقنا نعبر عن راينا كلنا فى الكليه ومع مناقشه الدكاتره وياريت مش تكون النتيجه انهم يسمعونا والاخر مش يقتنعوا براينا وبجد نفسنا نلاقى جزء تغييييييييير يخلينا نطلع وباعلى صوتنا نقوووووول ان كان هدفنا الاعلى الاستفاده من الكليه مش الصرف على الكليه زى ما زملائى بيقولوا ان اللى بيتسال دلوقتى بتقاله بالنص عندك صحه ومعاك فلوس ادخل ومعتقدش انى دى حاجه تسعدنا واتمنى الخير ولينا كلنا والله المعين باذن الله

كلامكم صح مليون فى المية لازم نترحم ويتقلل حجم الشغل الى علينا لان مش بايدينا التاخير الى حصل وبعدين بامانة وبصراحة لما بيكون علينا ضغط شغل كتير بنشتغل ايى حاجة وخلاص سد خانة يعنى فكدة حرام مجهود وفلوس على الفاضى .
ياريت حد من الدكاترة الافاضل يرد علينا ويقولنا عندنا حق فى الكلام دا ولا لا

تسلموا يا بنات رابعه احنا كده بقنا جامدين قوي ويبنعبر ومش خايفين لازم نقول علي كل الحاجات الي عيزين نغيرها واسلب التعامل ودي اهم نقطه لازم نقف عندها ولازم نتناقش فيها

خلاص احنا دلوقتي في عصر الحريه...ههههه
بس فعلا انا معاكي بجد كابوس الشغل العملي ياريت يبقى حلم جميل ويكون خفيف الترم ده

بجد احلى ايام اللى انتوا فيها الايام دى واحلى حاجه انها شغل عملى حاولوا تستمتعوا بكل دقيقه مع بعضكم اسمعوا كلام مجربه انا خريجه السنه اللى فاتت يعنى 2010 وبشتاق ليوم واحد من ايام الكليه بالرغم من ان كنت بقول امتى اخلص بقى وارتاح واخيرا سلام ليكوا كلكم وخاصه لالستاذه ولاءاحلى معيده

والله منورين كلكم يا بنات وبجد انا مبسوطة كتير على موافقتكم دي وماله احنا نشتغل اه بس حاجة في المعقول ونستفاد منها في الاخر مش مجرد فلوس بتتصرف وخلاص
ها مين معانا تاني فين باقي البنات
وياريت اي من الدكاتره اللي منورينا ع المنتدي يدخل يدينا رأيه في الموضوع ده

اكيد انا كمان معاكم
انا اعتقد دلوقتى ان خلاص كل دكتور فى الكلية عنده ايمان بقدراتنا واننا بنعرف مصلحتنا فين وايه اللى ينفعنا وايه اللى مش ينفعنا
بعد لما كانوا بيعاملونا على اننا (قاصرات) منعرفش مصلحتنا فين
وانا متفائلة جدا يابنات ان من الترم التانى انشاالله هيقى فى تغيير كبير اوى وكمان نظرة الدكاترة لينا هتكون مختلفة تماما
واكيد طبعا هيراعوا الضغط النفسى والعصبى اللى كنا فيه من اول الاجازة لغاية دلوقتى ، وكمان المصاريف اللى بنصرفها فى الكلية لان فى اليومين دول فى بطالة حتى للى بيشتغلوا
فأكيد كمان هيراعوا ان فى ناس كتير مكانتش بتقبض ولا كانت بتشتغل فى الفترة اللى فاتت دى

السلام عليكم ورحمة الله وبركاته
اذيكم جميعاً يا بنات
بنات هل تعتقدن أننا مش نفسنا كل حاجة فى الكلية ده تبقى حلوة أوى صدقونى إحنا أكتر منكم نفسنا تبقى كل حاجة جميلة
ده كليتنا وأهم حاجة نحب تكون حلوة إنتم وأكيد ده هيتحقق لما كلكم تبقوا مبسوطين وعلى فكرة إحنا منذ نجاح ثورة التغيير
واحنا أغلبنا منتظر مثلكم الأحسن والأحسن فى كل شئ فى الكلية ونتمنى مثلكم التغيير تغيير كل شئ سئ وإن شاء الله ربنا هيوفقنا
جميعاً لكده ، لكن أنا زعلانه فعلاً من بعضكن مش قاردة أعرف إيه اللى حصل هو مفيش أى حاجة حلوة خالص كل حاجة فى
الكلية وحشة أوى أوى أوى أوى أوى كده
إيه اللى حصل يا بنات خلاص دكاترة الكلية بقى الغلط فيهم علنى هل هذه هى الحريةْ
الحمد لله دكاتره كتير محترمين جداً وبيدخلوا على المنتدى وبيردوا على كل كلامك وكمان نشارككم فيما تقولون ألم تروا
استفتاء د خالد حول ما الذى يجب تغييره فى الكليه " موجود بعنوان الثورة وقوائم التغيير"
طياف قالت "بس مين يسمعك"
منه " ياريت كل دكتور يحط نفسه مكان أهالينا " ربنا الأعلم هناك من دكاترة الكلية الكثيرين ممن يعاملوكم مثل أولادهم واخواتهم الصغيرات
farfora( ياريت حد من الدكاتره الأفاضل يرد علينا)
باشا الزمان " مجرد كلام ويتمسح من قبل المشرفين" إمتى اتمسح لك كلام ولا محدش سأل فى كلامكم
على العموم ربنا يكرمكم ويوفقكم
السلام عليكم ورحمة الله وبركاته
السلام عليكم ورحمة الله وبركاته

معلش يا دكتورة هند لية تعليق على كلام حضرتك احنا مش بنقول ان الكلية كلها وحشة بس اعذرينى قليل قوى الى كويسين فيها من غير من نعدد الحلو مين والوحش مين حضرتك لواتعمل استفتاء بين الطالبات مش هقول الاربع فرق هقول بس الفرقة الرابعة على المشاكل الى تعباهم فى الكلية سواء من اشخاص بعينها او اى حاجات تانية هتلاقى ماسورة مشاكل واتفتحت من كتر الحاجات الى تعبانا احنا مش بنتكلم من فراغ دول اربع سنين قضناهم فى الكلية فعلا فى امثلة لدكاترة بدون ذكر اسماء فعلا يتشالوا على الراس وجوة العين وفى ناس تانية واكيد حضرتك عرفاهم من غير ذكر اسماء برضة كرهونا فى حياتنا وفى الكلية للاسف بيغطوا على اى حاجة حلوة هقول لحضرتك مثال للترم الاول ا للفرقة الرابعة كان عندنا كام مادة بجد مشس عايزة اقول لحضرتك قد اية فرقة باكملها بدون مبالغة بتدعى على الدكاترة بتوعها من كتر المهانة وقلة القيمة الى بنلاقيها منهم وعدم الاحساس بينا وبتعبنا عارفة يعنى اية يا دكتورة هند لما نقعد 3 ساعات ونص فى محاضرة مابنستفدش منها حاجة غير الحضور والغياب وكمان بنتعامل اسوء معاملة فيها واللة بنتعامل زى الاطفال واقل كمان ولو انا غلطانا فى كلامى دا اى حد من البنات يقول انى غلطانة محاضرة تانية معادها الساعة واحدة بنبتديها الساعة 2ونص ومفترض انها تنتهى 5 ومعروف ان فى بنات بتسافر وفى مواعيد قطارات ظبطوا حالهم عليها ولما يجى الوقت يخلص الساعة 5 بعد مابنكون احنا خلصنا من كتر الانتظار عقبال لما المحاضرة تبتدى وكمان من كتر المعلومات الى اغلب البنات ماكانوش فاهمين منها حاجة ومستنيين اننا نمشى بفارغ الصبر يتقال لنا لا انتوا مش هتمشوا دلوقتى احنا لسة مخلصناش يرضى مين دا بجد بيبقى تعب اعصاب علينا قوووى واللة كتير مننا بيروح لاهلة معيط من الى بيحصلنا ومن المهانة الى بنلاقيها من بعض الدكاترة مش كلهم تبعا بجد كل دا وفى حاجات كتيرة لو قعدنا نقولها من هنا لبكرة على الاربع سنين الى قضناهم مش هنخلص اعذرينا يا دكتورة هند احنا مقدرين حبك للكلية وحرصك على صورتها قدام كل الناس بس برضة احنا تعبانين قوووووى وبعدين انا لية عتاب على حضرتك صغير انا لما كتبت تعليقى الاول وقلت "حد من الكاترة الافاضل يرد عينا" ربنا يعلم انا ماكنش قصدى اهانة لحد انا كنت فعلا اقصد كلمة الافاضل ومش تريقة زى ما حضرتك اخدتيها بالمعنى دا على العموم انحنا كلنا بنحب حضرتك ومنقدرش على زعل حضرتك مننا بس برضة هرجع واقول اعذرينا احنا تعبانين
طبعا انا رغيت كتير بس معلش اذا ماكانتش دكتورة هند هتسمع لاخواتها الصغيرين مين تانى هيسمعنا
السلام عليكم ورحمة اللة وبركاتة

السلام عليكم ورحمة الله وبركاته

ازيك يا دكتورة /هند

وحشانا كلنا وبجد يا ريت كل الدكاترة يكونوا زي حضرتك

هناك سؤال. ليه اكثر بنات الكلية يريدوا ان يصبحوا مثل حضرتك؟

اقول لحضرتك الفرق بينك وبين الدكاترة انك بتقربلنا بتفهمينا بتحسي بينا

ويا ريت زي ما بتعملينا زي اخواتك تفهمينا زي اخواتك

والله يا دكتورة/هند الترم الاول كانت نفسيتنا تعبانا جدا

مفيش تشجيع كل الدكاترة بيقولوا سنة رابعة مش كويسين وللازم نمسك عليهم

فينا بعض العناصر مش كويسة بس مش كلنا يعاملونا كده ليه

هي الكلية غياب وحضور لو حضرتك اقنعتيني ان الكلية غياب وحضور انا هكون سعيدة جدا

وبجد يا ريت ما تزعليش مننا ومن زملائي مش حد يقصد الاهانه لاي دكتور

ياريت حضرتك توصلي صوتنا وتكوني معانا في موضوع تخفيف الشغل العملي

شكرا ليكى حبيبتى سومه على هرد ونسيت اكتب45


هههههههههههههههههههههههههههههههه

بس بجد تسلمى حبيبتى صاحبة الموضوع (باشا )

وياريت فعلا يتم تخفيف الشغل اتمنى ذلك اتمنى ان يحدث هذا ويكون فى شى اسمه الديمقرطية يعنى ....................................................................................................

السلام عليكم ورحمة الله وبركاته
عزيزاتي طالبات الفرقة الرابعة:
مبروك لثورة 25 يناير ولكل شعب مصر. نحن كما تعلمون جيداً نستمع اليكم وننصت لآرائكم بل يشهد هذا المنتدي دعواتنا لكم المستمرة للإشتراك والتفاعل المثمر والجيد لأقرانكم من الفرقة الرابعة والفرق الأخري وأيضاالعاملين في مجال الطفولة.
ولكن ماحدث هو عزوف الكثير من الطالبات عن استخدام المنتدي في التواصل المثمر المفيد الذي يحقق الفائدة لكل مرتاديه(وأنا شخصياًعانيت من ذلك وعدم وجود روح التعاون والحب وحزنت في نهاية التيرم الأول لهذه الروح الشريرة من حب إستئثار البعض بالمعلومات والمعرفة دون الآخرين ظناً منهم أن هذا هو دليل النجاح والتفوق).
كما ان هناك العديد من القدرات الجيدة التي شاهدتها لدي طالبات الفرقة الرابعة وأحسست بها! ولكن للأسف دون جدوي فكثير منكن يبخل بمجهوده وأحيانا رأيه في تحسين الأوضاع بالكلية.
فليست المشكلة الوسائل وقد حادثت البعض منكن في ذلك ولكن المشكلة في فهم المغزي والهدف مما تتلقيه بالكلية وتوظيفه في الحياة العملية ليحقق لك التميز والنجاح.
عزيزاتي حرية الرأي مكفولة للجميع وهناك آليات لها بالكلية ويتم النظر فيها ومحاولة علاج المشكلات. ولكني أعتب عليكن من مجرد الشكوي فقد سمعنا منذنشأة الكلية عن كثرة العملي والطلبات من الدكاترة ولكن لم نسمع منكن ماهي الحلول والاقتراحات المأمولة لتحقيق أهداف وغايات المقررات التي يتم دراستها.
أعذرونا في أن نثقل عليكم ببعض الطلبات التي نعتبرها ضرورية ويجب الإلمام بهافي هذا العصرز فكثير من أعضاء هيئة التدريس بالكلية علي درجة عالية من الوعي بمتطلبات سوق العمل والاتجاهات الحديثة في الدولة وسوق العمل. هذا يعتير جيد ونعمة ولكن في بعض الأحيان يعتبر نقمة لأنه يحتاج إلي المزيد من العمل (صدقوني هذا عبء علي عضو هيئة التدريس كما هو عبء عليكي).
فهيا معاً نعمل علي تطور كليتنا واعدادكم للمستقبل القريب ان شاء الله في ضوء متغيرات العصر والمجتمع التي تسمح لكم بالعديد من المهن المتميزة والقيادية.
دعونا نساعدكم علي اكتشاف مهاراتكم ونعدكم لمواجهة ماهو جديد. أعتذر عن الآطالة وأرجو التكرم بإبداء أراء وأفكار مثمرة يمكن تنفيذها بالكلية بصورة واقعية من خلال مشاركتكم الفعلية دون البكاء والشكوي.
فهل شاهدتهم طالبات وطلبة جامعة عين شمس!أين نحن من هؤلاء؟؟؟؟؟؟؟؟؟؟؟
في إنتظاركم بالقريب العاجل جدا...........لاتنسونا!!!
السلام عليكم ورحمة الله وبركاته
د.هبه حسين