خدمات جديدة فى الكلية

السلام عليكم

فى 3 افكار جديدة هتوفر خدمات للطالبات و ده اولا وثانيا هتوفر دخل للكلية . و هى كالاتى :

1- ممكن تستغل المكان اللى فى مدخل الكلية - امام مكتب الجوده ( الباركنج ) - و نعمل فيه منفذ بيع باسعار مخفضة لكل الخامات و الادوات اللى بنحتاجها فى الشغل العملى .

2- ممكن نستفيد من مبنى الروضة النموذجية و هو دور واحد و نبنى فوقه دور تانى و يكون كافيتريا نضيفة و واسعة بكراسى و طرابيزات
عشان تبقى للاكل و الشرب و الجلوس و نخلى البرجولة للشغل العملى بس .

3- ممكن كمان نبنى دور تانى او نخصص مكان واسع يكون مخزن كبير للوسائل بايجار رمزى _ مثلا اليوم ب 1 جنيه او القطعة ب1 جنبه - و يكون زى المحلات الكبرى يسلم رقم للطالبه و ده رقم المكان اللى فى الوسائل .


يا ريت ياجماعة نحاول نساعد بعد و خصوصا فى الايام دى هنقدر نحقق كل اللى بنحلم بيه مش زى زمان .
منظرة ارائكم و ردردكم
و السلام عليكم .

عشره على عشره

انا مؤيده جدااا للافكار ديه

اولا انا بشكرك على هذه الافكار وعلى المبادرة بطرح الافكار اللى تعلى من شأن الكلية وتريح الطالبات كمان.
ثانيا انا شايفه ان الفكرة 3 فكرة رائعة وانا معاكى فيها لاننا كطالبات كنا بندوخ السبع دوخات بالوسائل وخصوصا وسائل المشروعات والشغل الجماعى وده لو اتحقق هيكون ليه نفع كبير للكلية وللطالبات ..
وانا من هنا بنادى ان يكون هناك من العاملين فى الكلية من يتابع هذه الافكار وتناقش وتدخل حيز التنفيذ..وانا متأكدة ان الكلية هتكون احسن واحسن...