الكلام من أخره

طالباتي الاعزاء
السلام عليكم ورحمة الله وبركاته وبعد
قرأت جميع المداخلات وامعنت فيها التفكير وحاولت ان استطلع الواقع الذي نعيش فيه ومدى امكانية التغيير المأمول وقد يدهشكم بعض مما ساقول
اولا: اني لا استطيع ان اصف لكم مقدار سعادتي بكل ما دار من حوارات بل ارحب بكل ما جاء فيها حتى من تلك الطالبات الذين استخدموا مفردات قاسية الى حد ما فأنا اؤمن بأن تحديد ورصد السلبيات والتعبير الصريح والمباشر عنها هو احد سبل الحل والعلاج....لذلك اقول الايجابيات لايجب ان نثني عليها لأنها من المفترض ان تكون قاعدة وليست الاستثناء.
ثانيا: اتمنى ان تتمادوا في التعبير عن السلبيات بل علينا ان نواجهها ونواجه اصحابها ونبذل اقصى الجهد لمنعها عملا بحديث الرسول الكريم انصر اخاك ظالما او مظلوما والمعنى ان نمنع الظالم عن ظلمه.
ثالثا: الوضع الحالى في الكلية ليس مستعدا لنقاش ماورد في حواراتكم وقد اطلب منكم وعبر هذا المنتدي بأن تطالبون بلقاء مع عميد الكلية اول ايام الدراسة وبحضور اعضاء هيئة التدريس بالكلية واتمنى ان هذا الطلب يكون مهذب وعدد غير قليل يؤيده.
رابعا: ان التغيير سيكون له ردة فعل تمثل مقاومة للتغيير وبالتالي فان التغيير سيتطلب مواجهة وقد يكون هناك ضرر يصيب البعض وهذه ضريبة طبيعية لأي تغيير
خامسا: التغيير يفرض لا يطلب

تحياتي وتقديري

السلام عليكم ورحمه الله وبركاته
بجد مش قادرة اوصف بايه كلام حضرتك بجد كل الشكر لحضرتك ولتقديرك لما عبرنا عنه واحترامك لنا جميعا

بس فى استفسار : هو احنا هنطلب هنا زى ما حضرتك ذكرت مقابله العميد طيب هو بيدخل المنتدى يعنى هيشوف طلبنا ده

دكتور خالد
اشكرك جداااااااااااااااااااااا على كلام حضرتك اوووووووووووووى وزى ما نانا سالت حضرتك العميد بيدخل ولا اية

شكرااااااااااااااااااا لحضرتك ولتشجيع حضرتك لينا وهذا هو المتوقع من حضرتك لان حضرتك وجميع الدكاتره الافاضل هم دائما من يريدوا الارتقاء بالكليه وبمستواها ويدفعونا للامام.
وفعلا احنا محتاجين ان السلبيات اللي في الكليه تتغير علشان نحس فعلالا اننا احدثنا تغير ليس في بلدنا فقط ولكن في كليتنا ولنحس ايضا ان اراءناواحلامنا تتحقق وتاخذ في عين الاعتبار
وانا اول من يطالب بأن يتم عقد اجتماع بين الطلبه والعميد ويحضره جميع اعضاء هيئه التدريس لنوضح فيه اراءنا بكل حريه واكيد في حدود الاحترام ونسمع اراء العميد وحضراتكم فيما سوف يقال وما الذي سوف يتحقق منه لاننا نحتاج ان يتم التغير دائما وباستمرار حتي لايصبح ما نفعله مجرد روتين
احنا كلنا متفقين ان الكليه كلها مش سلبيات واكيد فيها ايجابيات بس زي محضرتك يا دكتور خالد قلت لازم الايجابيات تكون قاعده وليس استثناء
الطلبات دي مش هتكون لينا بس ومش احنا كمان بس اللي هنفتخر بالكليه بعد التغير بالعكس كلنا هنفتخر بيها من طلبه ودكاتره حتي العاملين بها وتبدأ الناس تعرف كليه رياض اطفال لانها الي الان ممكن ان تكون مجهوله الي معظم الناس.

الكلام جميل يا دكتور بس نعمله بجد لا يكون شعارات بس وحضرتك من احسن الدكاترة معانا فى الكلية ميرسى

اولا: احب اشكر حضرتك على الاهتمام بمشكلاتنا .

ثانيا : انا بطلب اجتماع رسمى مع العميد و امينة الكلية و وكلاء الكلية و كل المسئولين و كل الاداريين و كل اعضاء هيئة التدرييس فى الكلية و كل الطالبات نناقش فى كل مطالبنا ---- المشروعة ----- بكل حرية و احترام و شفافية بالاضافة الى تحديد ------- مدة زمنية -------- لتنفيذ المطالب دى و كمان عمل ----------لجنة متابعة للتنفيذ -------- تضم كل فئات الكلية من طلبة و دكاترة و اداريين و مسئولين و عمال .

ثالثا : اريد من حضرتك توضيح اكتر بالمقصود من --- -----وقد يكون هناك ضرر يصيب البعض وهذه ضريبة طبيعية لأي تغيير-------------

ازاى و ليه يكون فى مقاومة او ضرر لمطالب بديهى انها تكون متوفرة فى اى مؤسسة تعليمية و كمان مش عيب اننا نصلح اى تقصير او اهمال من ادارة الكلية .

يا جماعة كلنا فى مركب واحد و لو فى ضرر هيصيبنا كلنا عشان سكتنا عليه

و زى ما بيقولوا --- النار تبدا من مستصغر الشرر ---

مع احترامى لراى حضرتك يا دكتور خالد --- احنا كلنا مش هنسمح لحد انه يقلل من مطالبنا المشروعة و مش هنتنازل عنها و مش هنسكت و لا نستسلم للواقع السلبى لاننا احنا اللى بنصنع الواقع و المستقبل و هنفضل نطالب بتنفيذها بكل الوسائل المشروعة .......

و شكرا.

اؤيد طلب هذا اللقاء للتواصل بين الطلبه وعميد الكليه وهيئة التدريس الموقرة وايضا العاملين بالكليه

اتمنى ان يتحقق ذلك يا دكتور خالد وكلنا ان شاء الله اول يوم دراسة هنطالب بذلك

طالباتي الاعزاء

تقرر عقد اجتماع لجميع طالبات الكلية من الفرقة الاولى حتى مرحلة الدكتوراه يوم الاحد القادم الساعة 11 صباحا بمدرج ............. زوجة الرئيس المخلوع وسيحضر الاجتماع العميد والوكلاء ورؤساء الاقسام وأمينة الكلية وعدد من اعضاء هيئة التدريس......اتمنى المشاركة الايجابية

تحياتي وتقديري

شكراااااا لحضرتك يا دكتور خالد
واكيد ان شاء الله هنحضر في مدرج زوجه الرئيس المخلوع
شكرااااااااا لحضرتك واكيد هتلاقي مشاركااااات ايجابيه كتير ان شاء الله

بشكر حضرتك جدا يا دكتور خالد بس ياريت يبقى في خطة في تناول الموضوعات عشان يأدي الحديث ثماره فلو كل استاذ تناول القائمة هيكون لديه صورة شبه كاملة عن التغيير المأمول واكرر شكري ثانيا على مجهود حضرتك الذي لا تأمل منه سوى جعل كلية رياض الأطفال في القمة .والله الموفق والمعين .

اولا السلام عليكم
والله يادكتور خالد ما قدرين نوصف لحضرتك اننا بنحبك ادقيه ايه حضرتك اخ لينا في الكليه وبنشكر حضرتك علي واقفتك بجانبنا واحنا بجد هنتغير برضو من جونا علشان مش بنفع الكليه تتغير واحنا لازم نتغير من انفسنا علشان التغير يكتمل بأذن الله الكليه بتعتنا هتبقي من احسن الكليات جامعة القاهره بأأن الله
ولازم نضع قواعد لتغير علشان نتقدر ننجزه في اقل وقت باذن الله
وكله لازم يلتزم بهذا القواعد علشان نقدر ننجز التغير في اقل وقت