التغيير الحقيقي مننا ولنا

[b]كل سنة وانتو طيبين يسعدني ان اهدى هذه العبارات لبناتي الطالبات والزملاء
لا شك اننا كلنا سعداء بما حدث ونريد ان نجني ثمار هذة الثورة ... لكن كيف دعوني اطرح بعض الافكار
1- كنت اتوقع في اول يوم للدراسة ان نكون مجموعات عمل لتظيف الكلية وترتيب الاماكن لكي ندرس فيها
2- ان ننظم انفسنا ونطلب مشاركة العاملين بالكلية من الموظفين واعضاء هيئة التدريس ان يساعدوننا في الحفاظ علي جمال الكلية وتنسيقها ثم نخرج لنضفي الجمال والنظافة خارج الكلية مقسمين انفسنا لمجموعات حسب وقت الفراغ بين المحاضرات وفي موعد السكاشن التي لن تبدا هذا الاسبوع والذى ضاع بدون جدوى علمية او تنظيمية
3- ان نطلب من العميد واعضاء هيئة التدريس ان نقف حداد علي الشهداء ونقسم باننا سنأخذ ثارهم من خلال العمل والعلم الذى يرفع شأن بلادنا لكي نصبح افضل معلمات وامهات لا بالصراخ والهتافات الرنانة التي لا تسمن ولا تغني من جوع .. اهتفوا بأيديكم التي تعمل واعينكم التي تقرأ وتذاكر
4- ان نكتب ما نشكو منه في صورة حضارية مثلما بدأت الثورة التي يحسدنا عليها العالم اجمع واكتسبت احترام العالم بالطريقة الحضارية للمطالبات
5- ان نطالب اعضاء هيئة التدريس ان يشرحوا لنا ويعوضونا عن الايام التي ضاعت من وقت العام الدراسي لان هذا كله يؤثر علي قوتنا العلمية
6- واهم من هذا كله دعونا نقف ونتأمل لمصلحة من الا نتعلم كما يجب ان يكون التعليم لمصلحة من ان تتخرجي وانتي لا تعرفي اشياء لابد ان تكون في صميم شخصيتك العلمية والمعرفية وموصفاتك كخريجة دعوني اسأل لمصلحة من ان تكوني في مستوي ضعيف ومتدني لانك تريدين تخفيف المناهج الم تعرفوا ان مستوى الكلية وخريجاته في انخفاض بعدما كانت خريجاتنا افضل خريجة علي مستوى الجمهورية والعالم العربي... لمصلحة من؟؟؟ ما اسهل علي الدكتور من تقليل المنهج لكن انتي الخاسرة صدقيني
7_ أعرف انكن قادرات علي معرفة ما يدور حول بلادنا ارجو ان تكونوا علي وعي ونقدر حجم المسئولية الملقاة ان نذاكر ان ننظف نفوسنا قبل بيوتنا وان نحث ابائنا وامهاتنا علي النزول للعمل والا نلتفت لمن يريد ان يجرنا لمعارك جانبية ومطالب فئوية لن ننالها ونخسر بلادنا ونخسر الثورة الجميلة حققوا اهداف الثورة ان نرتفع بمصر لا احد يعرف قيمة بلادنا الا نحن لذا اهيب بكم كونوا طالبات مجتهدات واعيات لما يحدث ولا تهتفوا بل اعملوا انتم املنا الذى نحلم به فأن الأنسان لا يحب احد اكثر من اولاده وانتم اولادنا واكبادنا التي تمشي علي الارض
معذرة اطلت عليكم والا تستاءوا مني فأنني احدكم كأم تحب بلدها وتحبكم والسلام عليكم ورحمة الله ( إن الله لا يغير ما بقوم حتي يغيروا ما بأنفسهم ) صدق الله العظيم

دكتور فاطمة مع احتلرامى لحضرتك احنا كنا نقصد تخفيف المناهج التى تتشابه اجزاء منها مع مواد اخرى سبق دراستها الى جانب تخفيف الجانب العملى لان مش المفروض علشان نتعلم ندفع دم قلبنا ومانمش ذى الناس الطبيعييين و ربنا شاهد على الايام اللى كنا بنطبق فيها و اهالينا يشيلونا لغاية الكلية نايمين كده ده مش تعليم ده انتحار و تربية للكره وخاصة عندما تكون هنال مطالب لا نتبين اهميتها و ايضا كيف نتعلم وكلنا يعرف ان الكلية بها دكاترة فاقدوا القبول ولا يمثلوا قدوة حقيقية للطالب بل هنال منهم من اتى امامى باشياء خارجة عن المبادئ الجامعية و الشرفي

بشكر حضرتك على الموضوع بس انا عاوزة اعلق على بعض النقاط اللى حضرتك طرحتيها
اولا موضوع اننا نذاكر ونجتهد ونجد ده كدة كدة احنا بنعمله من قبل الثورة ولكن الفرق بين دلوقتى وقبل الثورة
اننا الاول كنا بنجد ونتعب اوى ويا نخد حقنا فى الاخر يا نتظلم ومنفتحش بقنا بكلمة واطن اكيد حضرتك تعرفى اننا كان بيعدى علينا بالاربع ايام اللى منامش فيهم غير ساعتين ووقتنا كله ع العملى والشيتات ثم النظرى



تانى حاجة احنا على اتم استعداد لتنظيف كليتنا وده احنا طرحناه كذا مرة هنا بس مش معقول برده هنظم المظهر ونترك الجوهر اذا لابد من تنظيف الاثنين معا


ثالثا موضوع المناهجوانا هنا اقصد بيها النظرى مش العملى مناهج النظرى فى كليتنا سورى يعنى معظمها وليس كلها مناهج عقيمة بمعنى اننا بناخد كتاب كبيييييييير مطلوب نحفظه ونصمه فى يومين عشان نصبه فى ورقة الامتحان ولو اتسالنا فيه تانى يوم مش هنفتكر ومش عايزين نفتكر لانه كلام بالنسبة لنا ليس له قيمة
فانا اللى اقصده ان اهمية المادة فى الكيف وليس الكم
احنا عاوزين المناهج تتعدل بحيث تكون فى صميم التخصص يعنى ادرس مناهج افهمها واطبقها لانها هتفدنى فى تحصصى مش احفظ وصم كلام عمرى ما هحتاجه فى تخصصى ده اللى احنا نقصده وبعدين المادة لما تكون بكمية معقولة وفى صميم تخصصى هقدر اتقنها لكن لما تبقى كتييير وكلها دش يبقى انا بصم من اجل ورقة الامتحان فقط
مرة تانية بشكر حضرتك

السلام عليكم ورحمة الله وبركاته
بناتى العزيزات اسمحوا ان اعمل حلقة وصل بين هدف دمفاطة وبينكن بكل صدق واخلاص لله تعالى
والحل من وجهة نظرى ان نقرا ونجنهد لجمع كل ما يتاح لنا من علم حتى نكون اصحاب فكر ولدينا عمق فى مجال تخصصنا ولكن هناك الحق فى الايتكرر موضوعات يتم دراستها فى مقررات مختلفة وبصورة متضاربة مما يؤدى الى تشتت الطالبة ولكن تذكروا دائما ما كنا نتحدث عندما يحدث تشتيت فى اى موضوع تم تدريسه منى مثلا ومن احد الاعضاء الاخرين كنا دائما نقول ارجعى لمراجع وابحثى واطلعى لتبنى لنفسك فلسفة ونظرية اما بخصوص الاداء العملى ارجوك ان ترجعوا لمكا هو من البيئة وليس بشراء ما هو غالى لارضاء الاخرين وخاصة بعد ما نمر به كاسر من ظروف اقتصادية يعلم الله بها وحده ارجوكم ارجوكم كونوا رحماء بالاهل

د/ منال احنا كنا بنعمل من خامات البيئة زي ما حضرتك بتقولي بالضبط بس نتفاجئ بالمعيدات الفضليات والجمل اللي بيقولوها عادة
(( ايه القرف ده يتعاد من اول وجديد )) ورغم كل هذا اننا مش هنستفاد بيه بعد كده في الشغل فيما بعد البكالريوس

السلام عليكم ورحمة الله وبركاته
بناتى العزيزات انا لا اكذب ماتقوله من تصرف بعض الافراد قد تكون بحسن نية او عدم المعرفة التامة ولكن علينا من الان فصاعد ان نبدا صح واذا حدث مثلا كما تقولن (( ايه القرف ده يتعاد من اول وجديد ) علينا ان نسال اين الخطا ونعدل اكثر من مرة باصرار على اخراج اجود وافضل ماعندك دون ياس او احساس بالاحباط يلا نبتدى معنا

مع احترامى واتفاقى معكم فى الكثير من النقاط ولكن من وجهة نظرى
بما ان بالعلم ترتقى الامم والشعوب فاذا كانت كل المطالب فئوية فمطالب العلم فئة خاصة حساسة غير كل الفئات فإذا اردنا ان نساويها بباقى المطالب فهذا قمة الظلم لقيمتها وحساسيتها فإذا بدأنا بالتطهير فيجب ان تكون اول العناصر تطهيرا هى العلم
وكليتنا كأى مؤسسة لا تخلو من الفساد وهذا الفساد يستغل نفوذه و سلطته على طالبات العلم و إذا كان هذا العنصر هو القدوة والمربى بالدف ضارب ٌ فما شيمة باقى اهل الدار اذا اردتم ان يرتقى منتج الكلية من خريجات حاصلات على العلم بكفائه فلا حفظ للعلم مع كرامه مهانة
احنا بكل صراحة بنخرج معلمة مبتعرفش تقول لا مبتعرفش تقول حقى قمة الخجل راسمة الطاعة العمياء ادب شيمة منتج المعلمة دى ايه غير طفل بالقهر يعرف طبعا نعم اكيد ويرسم الطاعة العمياء ادب
احنا كطالبات محور الكلية اللى من غيرها مع كل احترامى للكلية بكل عناصرها ليس لها قيمة
نحن فى قيمة الطفل الذى تدافعون عنه وعن حقوقه نحن عندكم مثل هم عندنا هم محور وحجر الزاوية للعمليه التعليمية ونحن حجر الزاوية ومحور العملية التعليمية
مع كل احترامى بردوا
اى تعليم يشمل اسلوب غير محترم فى التعامل وصوت عالى ليس للتسميع بالمعلومة ولكن للتوبيخ واهدار كرامة
لا يأتى الا بكره اعمى وناتج سلبى ومنتج ( المعلمة ) عقيم ليس منه امل
لقد آن الآوان ان تمحى فكرة الطاعة العمياء كسمة للأدب
الأدب هو الاحترام المتبادل المناقشة البناءة واحترام الرأى الاخر
ليس ديكتاتورية ليس ما اراه هو الصح ثم الصمت
اما الايضاح والاقناع او الامتناع
مش عايزين علم مبهم العلم معرفة
نور العلم نور
يأما نتعلم صح وعلى نضافة يأما هنفضل زى ما احنا وهدور على كله
يا نشيل الفساد يأما هيرجع القهر تانى
فمن رأيى لو هنضحى فأكيد مش هنضحى بكرامتنا

السلام عليكم ورحمة الله وبركاته وبعد
زميلاتي الأعزاء وطالباتي

أردت فقط الدخول لكي اقول لكم باررك الله لكم جميعا فيما تطرحونه من افكار واراء والذي يؤكد على مدى احتياجنا للحوار والتواصل والتقارب بين وجهات النظر المختلفة ويؤكد ايضا اننا كنا نعمل في جزر منعزلة وندعي اننا نحقق هدف او مجموعة اهداف واحدة.
سعيد بالاختلاف اكثر من الاتفاق وسعيد باستخدام المنطق والحجة اكثر من الاثارة والتهليل
بارك الله فيكم

تحياتي وتقديري

اولا برحب بكل الدكاترة الى شاركوا فى الموضوع
بس بعد اذنكم ليا تعليقات عليه

مع احترامى لحضرتك يا دكتورة فاطمة بس اسمحى لى اعلق على كلامك

اقتباس :

- كنت اتوقع في اول يوم للدراسة ان نكون مجموعات عمل لتظيف الكلية وترتيب الاماكن لكي ندرس فيها

احنا لو كنا عملنا كده كانت الكلية رجعت لما قبل الثورة و يتصل العميد برئيس الجامعة و يقول احنا مش محتاجين معونات دى الطلبة بتنظف الكلية و كل حاجة ماشية ذى الفل ، احنا هنظف بس لما الكلية تنظف من الفساد الاول

اقتباس :

- ان نطلب من العميد واعضاء هيئة التدريس ان نقف حداد علي الشهداء ونقسم باننا سنأخذ ثارهم من خلال العمل والعلم الذى يرفع شأن بلادنا لكي نصبح افضل معلمات وامهات لا بالصراخ والهتافات الرنانة التي لا تسمن ولا تغني من جوع .. اهتفوا بأيديكم التي تعمل واعينكم التي تقرأ وتذاكر

احنا هناخد حق الشهداء بمعاقبة الفاسدين فاى مكان كانوا
و التضيق على كل اتباع النظام الفاسد السابق مهما كانت مكانته و تحكمه
و مين قال اننا مش هنذاكر ، احنا هنحضر محاضرات و نشتغل بس برضو هنطالب بحقوقنا ، علشان لما اذاكر و اتعب اجيب تقدير و مش هسمح لحد ياخد حقى او يدينى درجة على مذاجه سنة دفعة تسقط و سنة تنجح و انتوا عارفين انا قصدى مين

اقتباس :

- ان نكتب ما نشكو منه في صورة حضارية مثلما بدأت الثورة التي يحسدنا عليها العالم اجمع واكتسبت احترام العالم بالطريقة الحضارية للمطالبات

احنا مقلنش ادبنا على حد و حضرتك ممكن تسألى الدكاترة الى كانوا حاضرين احنا اتكلمنا ازاى

اقتباس :

- واهم من هذا كله دعونا نقف ونتأمل لمصلحة من الا نتعلم كما يجب ان يكون التعليم لمصلحة من ان تتخرجي وانتي لا تعرفي اشياء لابد ان تكون في صميم شخصيتك العلمية والمعرفية وموصفاتك كخريجة دعوني اسأل لمصلحة من ان تكوني في مستوي ضعيف ومتدني لانك تريدين تخفيف المناهج الم تعرفوا ان مستوى الكلية وخريجاته في انخفاض بعدما كانت خريجاتنا افضل خريجة علي مستوى الجمهورية والعالم العربي... لمصلحة من؟؟؟ ما اسهل علي الدكتور من تقليل المنهج لكن انتي الخاسرة صدقيني

حضرتك ده مش تعليم ده تلقين
يعنى ايه افضل اربع سنين اعمل وسائل و مستفدش منها بحاجة لما اتخرج
يعنى ايه نطبق ايام ورا بعض علشان نخلص الشغل و فى الاخر ميعجبش الدكتورة او الدكتور
يعنى ايه انى يبقى طالع عينى فى العملى طول السنة و يسيبولنا اسبوع اجازة قبل النظرى
يعنى ايه افضل اخد جزء متكرر فى النظرى و كل دكتور عايزنى احفظه بطريقته
.
.
.
.
دى منظومة كاملة عايزة تتعدل " لا رجوع للخلف "

د/ منال مع احترامى لرأى حضرتك و موافقتى معكى فى بعض الاشياء
اسمحى لى اعلق على نقطة معينة

اقتباس :

علينا ان نسال اين الخطا ونعدل اكثر من مرة باصرار على اخراج اجود وافضل ماعندك دون ياس او احساس بالاحباط يلا نبتدى معنا

يعنى بعد اذن حضرتك دى مثالية
انا لو هتكلم على نفسى ، ممرتش بالموقف ده
بس شوفت امامى ناس حصل معاها كده
اد ايه بتبقى محروقة من جوها و متنرفزة هى اكيد تعبت فى الشغل
ذوقها يختلف مع المعيدة او الدكتورة او الدكتور ده مش ذنبها
احنا المفروض بنعمل ابداعتنا يعنى الى احنا شايفينوا حلو و راضين عنه
مش هفضل اغير اسلوبى علشان يمشى مع كل دكتور و كل معيدة
دى مستحيل طبيعى هتعب

وفى نفس الوقت النظرى كل دكتور له اسلوبه و انا ليا اسلوب واحد انا فرد واحد مش هنقسم على عدد الدكاترة

من حقنا نطلب ان يوضع اساس لكل الدكاترة اوحد عليه اسلوبى

الله ينور عليكى اضافة بسيطة
ان فى بعض الدكاترة بتقيس معلومات الطالبة بمعلومات رئيس قسم
المفروض يبقى فى مقياس لاجابة الطالب
مينفعش نسيب اسئلة واجوبة ودكتور وهواه
خصوصا الاسئلة المقالية
عايزة اضيف حاجه يا ريت المطالب اللى بنات طالبت بيها تعلن على منتدى الكلية ونباشر تحقيقها

الله عليكى يا ( لا اله الا الله ) قولتى كل اللى كنت هاقوله بالضبط وجزاكى الله خيرا

السلام عليكم ورحمة الله وبركاته
اشكر كل زملائي وزميلاتي علي الاشتراك في مناقشة وحوار الطالبات وأخص بالشكر د. فاطمةهاشم علي اشتراكها معنا في المنتدي وارجو أن يستمر ذلك من خلال طرحها للعديد من المساهمات والمناقشات والأنشطة التي تفيد طالباتنا العزيزات.
كما أتوجه بالشكر للدكتور خالد علي أرائه السديدة وتشجيعه للطالبات بالتعبير عن أفكارهم وأرائهم والتفكير فيمايقدم لهم بل واتاحة فرص الاختلاف والاتفاق.
أما طالباتي الأعزاء فأنتن ثروة لمصرنا الحبيبة ولايمكن لأي فردأن يمثل أو يشابه كل الأفراد والعلماء الذين تعلم منهم أو قابلهم في حياته.
فالمطلوب منكم هو اتقان المهارات والمعارف التي تؤهلك للعمل مع الأطفال والمجتمع وكل من يتعامل في مجال الطفولةوفقا لقدراتكم وامكانياتكم. ولكن التعبير عما تم تعلمه يكون بأسلوبكم الذي يعبر عن فهمكم وتوظيفكم لما تم دراسته.
فمن المستحيل ان تكوني كل الدكاترة مجتمعين وان حدث هذا فانتي في ضياع. لذا ارجو منك ان تفكري دائما فيما تدرسيه بالكلية وتحاولين البحث عن اجابات لتساؤلاتك وتكوين وجهة نظرك وفقا لأسس علمية وعملية حقيقية ومن هنا تتكون شخصيتك المستقلةوالواثقة من نفسها ومعلوماتها وان تعرضت للمناقشة والاختلاف مع أحد الأشخاص يكون لديها الدلائل والمبررات علي ما تقوليه وليس الفراغ (هو كدة وخلاص).
ان التقدم الذي نسعي اليه لايأتي إلا بالعمل والبحث والقراءة والثقافة وتكوين الأطر التي تتناسب معنا ومع ظروفنا.
اسفة علي الاطالة
=.هبه حسين

فعلااااا انا معااااكى (لا الة الا الله )

ياااريت الدكاترة كلهم يقروا كلامها كويس عشان دة الى احنا عايزين نقولة


وبعدين احنا الى بندرسة فى الكلية ليس لة اى صلة بالى بندرسة للاطفال لما نتخررج

احنا لما بنتخرج بيكون معانا منهج بندرسة وكتب وولا بنعمل برنامج ولا بنتستخدم الى احنا عملناة

احنا لما بنروح المدرسة المعلمات الى هناك بقولوا للاطفال يالة عشان تلعبوا بالنسبلهم الى بنعملة دة لعب

احنا بندرس حاجة ولما نتخرج بنعمل حاجة تاانى خااااالص

انا مبسوطة جدا جدا فوق ما تتصوروا ان مساهمتي لاقت هذه التعليقات بالطبع تعليقات الطالبات ثم الزملاء الاعزاء
بالطبع استوقفني جدا تعليق د منال عندما ذكرت اننا يجب ان نعرف لية الوسيلة لا تحوز رضاء المعيدة وانا معها لان للاسف انا احيانا كثيرة وهذا بعد ما اشرح سواء في المحاضرة او في التدريب الميداني ارجع القي البنات لا تقرا او تسمع ما اقول مما يشعرني بالاحباط وهذا اجده لدى زميلاتي وستشاركني في هذا ايضا كل من د منال ود هبة
المسألة مش وسيلة معني الوسيلة فمن لفظها شئ نتوسل بية لنوصل هدفنا للطفل
هناك العديد من الوسائل التي تكلفوها وتضعوا بها اضافات كثيرة بدون داعي مما يضيع الوقت والجهد
انا مع د منال وهبة انك تدخلي المكتبة وتبحثي وتكوني رأيك الشخصي في المادة العلمية والوسائل واعتقد ان معظم الدكاترة سيحترموك ويقدرون مناقشتك
علي فكرة يا لا اله الا الله انا لم اقل انك تجاوزتوا لكن بعض التعليقات وسمعت عن قوائم كل هذا لا يرقي لمستوى الثورة وما هو مطلوب لا للمطالب الفئوية التي تعيق العملية التعليمية ومستقبلكم في الاول والاخر لان ده مستقبل مصر
اما بالنسبة للتكرار داخل المواد فهذا مرددعلية اننا في الجودة ناقشنا هذا الامر مرار وتم وضع توصيفات للمقررات وما زالنا وسنظل نجدد ونحدث طالما اننا في هذا المجال ونرغب في جودة التعليم لدينا المهم ان تساعدونا ليس بالحفظ لكن افهمي ثم احفظي احضرى وناقشي وادخلي المكتبة نحن نفخر بان مكتبتنا ضمينا لها كل ما كنا نطمح ان نجد عندما كنا طالبات مثلكم
الشئ اللي احب اكد علية انظورا لنصف الكوب الملئ ونرى مميزات معظم الدكاترة ونقف معهم ونساعدهم بمذاكرتنا وفهمنا لانكم امتداد لنا وامل مصر

انامعاكي يادكتورة بس سؤال واريد الرد علية ؟

لما سنة ثالثة ورابعة عملومعرض في المدارس معظم الدكاترة تقيم البنات من حيث كثرة الوسائل بدرجة كل البنات تستلف الشغل العملي من السنوات الاخرى ولما تساليها مش خيفة للدكتورة تعرف اني دا مش بتاعك يردو بكل اسف هي الدكتورة بتبص على العملي لالالالا ولاكن على العدد وذلك راي معظم البنات

هو دا التعليم الصحيح الي بتطبقة الكلية يخسااااارة بمعنى الكلمة

السلام عليكم ورحمة الله وبركاته
بناتى العزيزات
تناقشت اليوم مع زميلاتك فى المحاضرة واوضحنا سويا كيف نطور من انفسنا عندما يطلب منا الاعادة هل هناك نقاط محددة لنعدلها ليصبح العمل افضل واحسن ام هو التعديل لمجرد ذلك فقط دون توضيح الاسباب هنا نسال عن السبب لتستوضح حتى نكون افضل

بس يارب هما يتركوا لنا فرصة للحوار والنقاش معاهم
هما بيسمعوا كلامهم وبس باستثناء بعض الدكاترة

الاصرارررررررررررررررررررررر

بجد يادكتورة منال كل الطالبات في الكلية بتشكرك على وقفتكم معانا والدكاترة الاخرين

ممكن اللينك بتاع حضرتك يادكتوره فاطمه هاشم لو ممكن