القوائم البيضاء والسوداء

طالباتي الأعزاء
السلام عليكم ورحمة الله وبركاته وبعد...

ازعجني جدا فكرة عمل قوائم بيضاء وقوائم سوداء فهذا التصنيف لا عائد له سوى تدمير العلاقات بين الطالب والاستاذ بل بين الاساتذة بينهم وبين بعض وسندخل جميعا في نفق مظلم يعتمد على تصنيف لا يدعم الرقي بالعملية التعليمية لذلك اقول لكم أن القائمة الوحيدة التي لابد من السعي وراء تحديدها هي القائمة البيضاء التي تقوم على العمل والبناء والتنمية ودعم الاستقرار ورأب الصدع الموجود حاليا في مصر والقائمة السوداء تضم الرافضين للتغيير والداعين للهدم والباعثين للفتنة والمأجورين والذين نهبوا البلاد واقاموا دولة الفساد هؤلاء هم فقط اصحاب القائمة السوداء في بلادنا.
طالباتي
اتمنى أن يكون بيننا اليوم والان اتفاق على بداية عهد جديد للكلية ونتعاهد على الالتزام وحضور جميع المحاضرات اعتبارا من يوم الاحد القادم وتكون مطالبنا بالتغيير هي رسالة حوارية يشارك فيها الجميع داخل قاعات المحاضرات وداخل أروقة الكلية....استنادا الى اتفاق ومبدأ يقوم على البناء والعمل والانتاج ودعم مكانة الكلية وريادتها
واخبركم ان عملية التغيير قد بدأت بالفعل ولا رجوع فيها

تحياتي وتقديري

طبعا يا دكتور الد كلامك بحترمه جدا وبقدره جدا لكن فى دكاترة كتير ظلمونننننننا فى حاجات كتير اوى قولنا لازم يعرفوا وبتحطوا فى قائمة سوداء لانهم ليس فى قلوبنا لانهم لم يعطونا اى حق بل ظلمونا وتعدوا علينا كثيرا بالقول والفعل فاعتقد انه من حقنا انا نقول لهم اننا قد وضعناهم فى قائمة سوداء لان هذا مكانهم ولانهم من جعلوا نفسم فى هذا المكان

استاذى القدير الدكتور خالد مثلما ان هناك قوائم لبلدنا مصر على المستوى القومى فيحق لنا ايضا عمل قوائم للتصنيف ليعرف كل دكتور موقف الطالبات منه بمنتهى الصراحة لا الوقاحة وخاصة انك تعرف جيدا ان من يتم ذكره فى القائمة السوداء لم يراعوا الله فينا و لم يراعوا دورهم كقدوة ومثل للعلم و المبادىء وقد حرصت ان اطلب من الطالبات ان يراعوا الله و ضمارهم عند ابداء ارائهم فى الثلاث قوائم وشكرا على متابعتك

شكرا لحضرتك يا دكتور خالد
انا متفقه جداااااااااااااا مع حضرتك يا دكتور خالد في ان القوائم البيضاء والسوداء قد تحدث فعلا رد فعل غير مرغوب فيه بين الدكاتره والطلبه او الدكاتره وبعضهم البعض ولا داعي اننا ننادي بعملها ونحن لابد ان نثبت للجميع اننا الافضل ونفكر في الاصلاح والتغير والتقدم لذلك لابد من بدايه عمليه الدراسه وحضور المحاضرات والسكاشن والاجتهاد في عمليه التعليم

المقولة دى فعلا جميلة يا راجية الجنة 0
رغم انى كنت مبسوطة اول ما شفت هذة القوائم ودة لان اعضاء القائمة السوداء كانوا ديما شايفين نفسهم افضل دكاترة فى الكلية و ان كل البنات بتحبهم و طبعا القوائم دى اثبتت العكس تماما لكنى اتفق الان مع رأى دكتور خالد لان خلاص كل دكتور عرف مكانة فى هذة القوائم و عرف مدى تقبل الطالبات لة 0

انا اعترض ع الكلام ده ياراجيه الجنه

لان زي مانتي قلتي كل انسان بداخله الخير والشر في نفس الوقت

ولكن هناك من يغلب خيرهم علي شرهم والعكس صحيح

ولكن احنا نحمد ربنا ان ربنا بيظهر المنافقين بدري

واللي كانو بيخدعونا وعاملين نفسهم معانا

شكرا لحضرتك يا دكتور خالد0 انا مع حضرتك 0 ان مش القوائم القوائم البيضاء والسوداء هى الى هتغير الدكاترة وان مش هى اللى هتجعل الدكتور يعرف اه موقف البنا ت منه 0ولكن كل دكتور عارف هو بيعمل ايه كويس 0 فالدكتور الكويس كان بيراعى ربنا اما الدكتور التانى كان بيظلم البنات وهو عارف انه بيظلمهم 0 مش القوائم هى اللى هتوضح يعنى 0

انا مع حضرتك يا دكتور خالد شكرا ليك كتير بس ياريت كل الدكاتره برضو يلتزموا زي ما احنا هنلتزم

انا بقد كل الشكر لحضرتك يادكتور خالد فحضرتك مثال للدكتور اللي بيعمل اللي عليه واللي بيحترم اللي قدامه
بس انا مع القلب الطائر ان الدكاترة اللي اتحطت في القائمة السودا دي ظلمونا بالفعل وجه الوقت اللي نعرفهم اننا ظلمنا لان بعد ثورة الشباب مبقاش حد يسكت عن الظلم وعن الحق فاعتقد ان من حقنا نقولهم راينا ونقولهم انتو ظلمتونا كتير