بنات كلية رياض الأطفال ايد واحدة

يا بنات كلنا ايد واحدة من الفرقة الاولى حتى الفرقة الرابعة مش هنتنازل عن مطالبنا ولا حقوقنا واول مطلب يتحقق اقاله دكتورة ناهد حطيبة من الكلية نهائيا وهنعتصم من بداية يوم الاحد القادم الموافق 20/3/2011 لاجل غير مسمى حتى تمشى رموز الفساد اللى عملوا عدم استقرار فى الكلية عاوزين بقى نتعلم ونبتدى تعليم صح بعد ما دول يمشوا ارجوكم ايديكم فى ايد بعض عشان تكون كليتنا عظيمة ببناتها ومعيداتها ودكاترتها الافاضل اللى فعلا عاوزين الكلية تكون صح وكلنا هنقف على باب الكلية تحت شعار"بنات رياض الاطفال ايد واحدة" والله الموفق
مين هيبقى معانا فى الموضوع دة ؟
انتظر ردودكم جميعا وربنا يقوينا ومعانا يارب

انا معاكككككككككككى وكلنا ايد واحدة ضد الزلم والفساد اةدكتور محمد ودكتورة هند مش اتحولوا للتحقيق بس اتقال انه حرضونا وغير كدا ناهد لسة قاعدة يبقى نسكت لية

مساء الخيرات......
انا مبسوطة جدا بجد من اصراركم بأنكوا تاخدوا مطالبكم وانا معاكم طبعا من يوم الاحد بأذن اللي اذا كان ليا عمر وبجد انتوا بتاخدوا حقكم وبتاخدوا لناس كتيرة حقها فعلا اتظلمت من سنين واعرف ناس اتظلمت اقسم بالله ماهي عارفة تواجه الدنيا ومن ساعتها والدنيا وحشة في عنيهم بسبب الظلم وده اللي بيأكدلي ان دم الشهداء اللي في الثورة مارحش هدر واللي كمان حقهم علينا اننا نعيش بكرامة واللي تجيله فرصة انه يعيش بكرامة ويقول لا ويتخاذل ويرجع للوراء يبقي سوري جدا ميستاهلش يكون انسان
وانا عاوزة اقلكوا اني من الناس اللي بيتقال عليها كلام وكلام وحش برضه بس بجد كفايه سكوت واهانه اكتر من كده
وانا معاكم بأذن الله
والله الموفق

انا معاكم طبعا

واحنا كلنا ايد واحده من الفرقه الثانيه حتي الفرقه الرابع والدراسات العيا

واللي ذاقوا ظلم من الكليه دي

استاذه ساره حقك لن يضيع كلنا مع بعض

وهنرد الحق لاصحابه

واحنا كل طالبات سنه اولي دبلوم خاص معكم جميعا في هذا الاعتصام
واكيد كل بنات سنه تانيه دبلوم خاص برضه معانا بأذن الله
وهتبقي ان شاء الله الست فرق معا يد واحده
وربنا ييسر
ورجاء خاص لا تتركوا اي احد يفرق بيننا لان هناك الكثيرون اللذين جندوا لذلك
وحسبنا الله ونعم الوكيل في كل من ظلم وتجبر

هنبقى ايد واحده ان شاء الله

و مطالبنا هتتنفذ باذن الله

انا بجد مبسوطة جدا عشان ردودكم وفعلا كلنا كدة ايد واحدة وطالبة الدراسات العليا ودكاترتنا ومعيداتنا الافاضل معانا وهيسندونا لغاية ما ناخد حقنا وناخد حق الناس اللى اتكلموا عليهم بالغلط مش هنسكت عن حقنا تانى ويارب نفضل على مسيرتنا وحماسنا دة لغاية ما يظهر الحق ووداعا للباطل ياااااااااااااااااااااااااااااااااارب انصرنا على الظالمين.

ان شاء الله كلنا ايد واحد ة
و اكيد كل الفرقة التالتة معايا ان شاء الله
معا ضد الظلم و الفساد

كلنا معاكي يا سندي بس انا عندي طلب رزل شويه معلش
غيري العنوان خليه بنات كلية رباض الاطفال ايد واحده

شاكرة جدا على ردودكم جميعا
اغير العنوان ازاى يا لولى

ايون كده زي الفل
حسسينا ان احنا كلية مش كفايه اسمها اللي مش منطقي ده
تسلم ايدك يا ساندي يا قمر

نيابة عن نفسى من الفرقة الاولى للدراسات العليا انا معاكم اكيد
مش بس علشان اقالة دكتورة ناهد
لا
علشان اقالة كل الفساد اللى فى الكلية
واستعادة استقالة دكتور خالد والمطالب كلها
هتلاقوها هنا
ولو تحبوا تضيفوا مطالب واراء اتفضلوا ادخلوا هنا
https://kg-cu.ahlamontada.net/t7558-topic
وكلنا ايد واحدة من زمان
وبجد دية الكلية الوحيدة اللى بتحس ببعضها وكلمتها واحدة حتى من قبل الثورة
كل الفرق بتساعد بعض ومتعاونين
يا رب نفضل كده على طول ومحدش يقدر يفرق بينا

وانا معاكم يابنات ضد الظلم والفساد والاهمال و... وان شاء الله هتتحقق المطالب وهتكون كليتنا احسن...