احساس بالسعادة وشكر واجب

السلام عليكم ورحمة الله وبركاته وبعد

طالباتى الاعزاء
اعتبارا من يوم الاثنين وحتى الاربعاء كان هناك حدث هام للغاية كان لابد لى من الاشارة له ولدلالته الهامة وهو مشاركة الاستاذة الدكتورة ابتهاج طلبه في الاحداث والتفاعل معها بل والقيام بدور ايجابي في تحريك الموقف الراهن كما اسعدنى للغاية انضمام الاستاذ الدكتور كمال حسين ووقوفه الى جوار الطالبات ووعده لهم بالتدخل بنفسه ولا ادرى هل بانضمامهم سيكونوا ايضا من المحرضين واصحاب المصالح الشخصية كما يقال عنى وعن الدكتور محمد عطا والدكتورة هند امبابي .....هذه دعوة لكل الزملاء ان ينضموا الى قائمة المحرضين واصحاب المصالح الشخصية مثلنا والذين يلعبون دور ايجابي وفاعل لعودة الهدوء للكلية وانتظام الحياة الجامعية والتفرغ الكامل لرحلة البناء والتطوير التى نتمناها جميعا لكليتنا...

اكرر شكرى لمن تركوا مكاتبهم وحاولوا الانصات والاهتمام والاحتواء لبناتهم من طالبات الكلية

تحياتي وتقديري

سقط سهوا يا دكتور خالد من النعى الراس المدبر لقسمنا الموقر المغفور لها د/ منال بهنس وحسبنا الله ونعم الوكيل فيها وان لله وان اليه راجعون ارجو عندما تتذكرونى قرات الفاتحة

اتمنى انا كمان ان جميع الدكاتره يكونو من المحرضين و اصحاب الاجندات

ــــــــــــــــــ

و كلمه منى ليكى يا دكتوره منال .. حقيقى نفسى اشوفك
يمكن حضرتك متعرفنيش شخصيا بس اكيد انا اعرفك لانى كنت طالبه عندك فى يوم من الايام .. و اسمحيلى ان لما تيجى الفرصه و اكون فى الكليه اجيلك و اعرفك عليا
و اسلم عليكى .

السلام عليكم ورحمة الله وبركاته...بجد حاجه غريبه جدا هو كل من وقف مع الحق والكرامة وضد الظلم والأهانة يبقي محرض!!! ده لو كده يبقي يا أهلا وسهلا بالتحريض.

دكتور خالد بنعتذر على الغاء محاضره الفرقه الرابعه الاربعاء السابق لاننا بجد وعلى غير عاده بنحب الماده جداااااااااااااا وبنحرص على الاستفاده منها فعلا
دكتوره منال بجد ربنا يخليكى لينا انا فى الفرقه الرابعه وفعلا انا بشتغل فى التدريب الميدانى بالاساس اللى حضرتك زرعتيه فينا فى سنه اولى كلنا ولحد الان عارفين قدر حضرتك كويس جدا واما بالنسبه لقرأه الفاتحه ربنا يجعلها حصن لكل المسلمين من اى بطش او ظلم

بناتى العزيزات
انا حقيقى بيكم جدا جدا وبشكركم على حفظ ادميتكم حقيقى انا كنت متخيلة ان بعض الكلمات اللى كنا بنقولها اثناء المحاضرات مثل نحفظ ادميتنا وكرامتنا وان احنا معلمات وغيرها كنت متصورة انها بتحذف بمجرد خروجى من المحاضرة لكن الحمد لله تاكدت انها راسخة فى اذهانكم وتحرصوا كل الحرص عليها حفظكم الله من كل شر وجعلكم معلمات ومن قبل امهات صالحات
اما بخصوص ابنتى العزيزة فاهلا بيك فى اى وقت كضيفة عزيزة وبكل بناتى

شكرا ليكى يا دكتوره منال

بس انا مش ضيفه انا لسه خريجه دفعه 2010 لسه طازه

و الكليه كليتى .. البيت بيتنا يعنى

ولا ايه يا دكتور

اهلا بيك ولكن يقصد بكلمة ضيفة واجب الترحيب وليس الغربة على العكس انتم اصحاب المكان ولكن كلمة ضيافة تعنى عندى انا ان ااقوم بخدمة زائرى وتقديم له الواجب حتى خروجه من عندى وهذا ما علمنى استاذى الدكتور سعد دياب رحمه الله وهو مشرف على فى الدكتوراه حين ادخل مكتبه يقوم معى بواجب الضيافة من اول الجلوس حتى خروجى وعندما اطلب منه ان اقوم انا باى شئ كان يقول لى رحمه الله انتى ضفتى رحمه الله رحمة واسعة وكل من ترك فينا شئ طيب اعتقد وضح معنى الضيافة

ربنا يخليكى لينا يا دكتوره منال ..
اسعدنى ردك عليا جدااا و المعنى وصلنى
و ليكى منى كل الاحترام و الحب .. ابنتك مى

استاذتى العزيزة : اللى بيتحفر فى أذهانا وشخصياتنا من تأثير حضرتك أكثر بكثير مما تتخيلى
وده حال المخلصين

انا بحبك اوي يادكتوره منال والله حبيتك من اول ماشوفتك والف سلامه عليك وربنا يكتر من امثالك
وامانه توصلي سلامي وحبي لدكتوره ابتهاج
اسراء حمدي خريجه 2008