أنا متفائلة جداااااااااا

طبعا اسم الموضوع مستفذ
و اكيد هيضايق ناس كتير منى و خصوصا فى يوم ذى انهاردة

بس بجد و الله انا متفائلة جدا
و يمكن مبسوطة كمان

اقولكم ليه بقى
فاكرين يوم تنحى مبارك.؟
كان يوم جمعة صح

طيب سيبكم من اليوم ده
فاكرين الخميس الى قبله ؟
ايوة الى كنا فاكرين الرئيس هيتنحى و محصلش
فاكرين اليوم ده كنا قد ايه متنرفزين و متعصبين و .....
ده كان يوم مستفذ بصراحة

علشان كده انا مبسوطة
لانى حسيت بنفس الاحساس انهاردة
فلنجعله خميس الاستفزاز و ننظر لغدا
ما دام ضاقت اووووووووووووى كده
يبقى هتفرج

و ذى ما مبارك تنحى بعد ما استفزنا
اكيد ناهد هتمشى و مش هتدينا تانى

يا بنات انا عايزاكوا تبصوا للكلية من غير ناهد
مش ده كان حلم ........يبقى لازم يتحقق
و الى احنا فيه ده ممكن نطلق عليه أسم " الام الميلاد القادم "

احنا لازم يكون عندنا ثقة فى ربنا
و ان شاء الله مش هيضيعنا ابدا
اقسم لكم بالله الفرج قرب اوى انا حاسة بالنصر
انتوا فاكرين لما ...... هرب من البنات علشان يخرج من الكلية
و لما ....... دخلت الكلية متخفية و خرجت بزفة مية مية
و انهاردة ....... هرب من الباب الى وراه علشان يخرج
مع اننا مش هنعملهم حاجة بس ربنا بيقذف فى قلوبهم الرعب

احنا الاقوى بربنا و عونه و حفظه لينا

بالله عليكم انا مش عايزة اشوف بنت يوم الاحد
محبطة او فاقدة الامل او متعصبة او متنرفزة
من اخرها كده عايزة بنات عزيمتها حديد
و مش هنحقق امالهم انهم ينرفزونا او يخرجونا عن شعورنا
مش هنتطاول و لا هنغلط مهما يحاولوا يخلونا نعمل كده
و لا عايزة اشوف كومنت على المنتدى فيه احباط او يدعو للاحباط

" قوة.....عزيمة......ايمان.....بنات الجامعة فى كل مكان "

دمتم بكل سعادة و تفائل و عزيمة
احبكم فى الله
اسفة على الاطالة

الحمــــــــــــــــــــــــــــــــــد لله فعلا كل اللي حصل النهاردة ده حسسني بالأمل أكتر وأكتر بجد ........... وبـــــــــــــــــــــــارك الله فيكي قلتي كل كلمة وكل حرف كان نفسي أقوله جزاكي الله عنا جميعا كل خير وياااااااااريت يا بنات نفضل إيد واحدة وصدقوني فاضل علي "الحلو" تكــــــة..

لأ يا حبيبتى إسم الموضوع مش مستفز أبد
أحنا فعلاا لازم نكون متفائلين دايما رغم كل الى بيحصل لأننا على حق وكل كل حاجه بتحصل والله كانت متوقعه بس معلش لازم نتعب مهو مفيش حاجه بالساهل
الناس الى خلعت الريس دى مخلعتهوش فى يوم وليله لأ دى قعدت أيام وليالى بس أهم حاجه أنهم كانو أيد واحده قلب واحد مطلبهم واحد عشان كده مش عيزين أى حد يفرق ما بننا أو حتى نضعف أيا كان السبب
(يا رب قوينا وثبتنا ووحد قلوبنا اللهم أمييييييييييييييييييين)

الكلام جمييل جدا ااا وفعلا بالعزيمة والإصرار يجي النصر والتفائل والأهم الثقة في الله وان الله مع الصابرين .
انا عن نفسي من يوم الأربعاء وانا حسيت الأمل قرب وانتصار الحق آن.

انا لما قرات موضوعك الصبح عيوني دمعت وقلبي وجعني

وقفلت الكمبيوتر وقمت

بس دلوقتي وبفضل ربنا ثم الفديو المحطوط علي صحوه بتاع الثقه في الله

فوقت احنا بنات هتبني الجيل والعزيمه حديد في حديد

شكرا ليكي

_________________________________________________

انهرت في الاول ولكن فوقت ونفضت التراب اللي عليا وقومت

ليست العظمه في ان لا تسقط ابدا بل في ان تسقط ثم تنهض من جديد

اقتباس :

انا لما قرات موضوعك الصبح عيوني دمعت وقلبي وجعني

وقفلت الكمبيوتر وقمت

ليه كده بس
الف سلامة عليكى يا حبيبة قلبى

يلا يا بنات شدوا حيلكم عايزين عزيمة تهد جبال
و تهد كل فاسد فى الكلية

الى على حق ميضعفش ابدا
لان ربنا معاه و واقف جنبه

انا ثقتى فى ربنا كبيرة اوووووووووووووووووووووى
و واثقة اننا بفضل الله هننتصر على اى فاسد او ظالم او مستفز

يالا الحمد لله

ان شاء الله هنفرح وربنا يتم علينا نعمته وناهد تمشي

باذن الله يا هجور عايزاكى دايما كده متفائلة

بجد و الله حياتك هتتغير
بصى لاى موقف يمر عليكى فى حياتك بنظرة ايجابية مهما كان مؤلم

ان شاء الله هتمشى رغم انف كل فاسد ظالم مستفز