السلام عليكم ورحمة الله وبركاته ازيكم يا احلى بنات فى الدنيا يارب تكونوا بألف صحة وسلامة
اولا ....احب ان اعلن عن اول انطلاقة من حملة " انا من جيل الثورة هاغير وهاتغير " من جروب صحوة جيل 25 يناير
وهو اسبوع .....((((((((كليتى مسئوليتى ))))))))))))
ايمانا مننا بأننا حقا يد واحدة فقررنا ان نخصص هذا الاسبوع للتجمع على عمل معا واتفقنا عليه بأنه يكون يوم فى حب الكلية يشمل تنظيفها وتجميلها وتزينها
ثانيا ......ان شاء الله الميعاد يوم الثلاثاء والاربعاء والخميس فى الاوقات الفاضية بين المحاضرات او بعد انتهاء المحاضرات
ثالثا ...... الوسائل المطلوبة كل واحدة تجيب على قدر استطاعتها ( مقاشات _ جوانتيات _ كمامات _ ادوات نظافة ) وياريت الكلية تساهم معانا فى الحاجات دى لو ينفع
رابعا .........اللى عنده حس جمالى او فنى يحضر نفسه علشان احنا عايزيين المواهب دى لتزيين الكلية لازم نبين ان احنا فعلا كلية بنات
خامسا ........احب اؤكد على نقطة ان العمل ده هيتم فى الاوقات الفاضية يعنى مفيش اى بنت تسيب محاضرة او سيكشن وتقول علشان تنزل تنظف مع البنات لازم نرتب اولويتنا احنا مش بنصلح فى جهة ونقصر فى جهة تانية
ارجو من جمييييييييييع البنات الحضور والمشاركة للحفاظ على كليتنا الغالية ولكى نأكد اننا فعلا بنحب كليتنا ومكناش بنعتصم وخلاص ..........لاززززززززم نأكدلهم ان احنا بنخاف وبنحافظ على كليتنا اكتر من اى حد فى الدنيا دى
وانتظرووووووووووووووووا المفاجأت العديدة قريبا ان شاء الله من انطلاقاااات حملة" انا من جيل الثورة هاغير وهاتغير "
موضوع: الدعوة عااااااااااامة 
