نـــــــــــــداء لأصحاب القلوب الرحيمه...

السلام عليكم ورحمة الله وبركاته ..

يؤسفني إني أكتب لكم المشكله دي ..
بصراااحه أنا مصدووومة جدا جدا من الكليه ونظافتها الزايده بصرااحه حاقه صعبه جدا وغير المدرجات و و و و...

مثلا مدرج 105 دا البنشات فيه بتتحرك إيه دا .. بصرااحه حاااقه مش معقوووله ابدا ..

ياناس حرام عليكم احنا وبناتكم ليه يتعمل فينا كدا .. والله حراام الواحد لمايجي للكليه يجي وهو أرفاااااااااان ومش طايق نفسه

وغير انه الصيف جاي والحر والريحه الجميله ياسلام في المدرجات .. يعني كليه طول وعرض ومافيهاش تكييف ياناس

خافوا ربنا ..

حرام والله اللي يتعمل فينا والله حرام .. إحنا بنحبكم والله بس المناظر اللي احنا بنشوفها بتنرفز الواحد بصرااحه ...

أنا أتمنى أنه محدش يزعل من الكلام اللي كتبته لان أنتوا عودتونا على الشفافيه ..وأتمنى تشوفوا لنا حل للموضوع ..

شكرا لكم جميعا..

انا معاكى وعندك حق وياريت نحاول نصلح بجد

يوووووووووووه ...

تقولي ياليت .. واقول لك زي مايقول المثل كلمة ياليت مابتعمَر بيت ..

وين المسؤولين ..وأصحاب الشأن ..للأسف !!!!!!!!!!!!!!!

محدش ساااامع أي شي ..

والله ياناس تعبنا ..والله تعبنا حرام عليكم ..

اعملوا خير فينا ..

الله المستعان.. هو حسبي ونعم الوكيل..

طالباتي الأعزاء
السلام عليكم ورحمة الله وبركاته وبعد..

قرأت رسائلكم وعلى الرغم من قسوة الكلمات والمفردات المستخدمة ولكني أجد أن لكم ألف حق في كل حرف كتب لذلك أعدكم بالتدخل بقدر استطاعتي وتغيير الوضع الحالي واسأل الله التوفيق لنا جميعا..وأرجوكم لا تسكتوا عن شيئ فيه ضرر لكم

تحياتي وتقديري

انا بشكر حضرتك يا دكتور لكن انا عاوزه اضيف واكد ان دورنا هو الاكبر وعلى سبيل المثل:
كانت احدى البنات قاعده الى جانبى فى البنش وكانت بتاكل كيس بسكوت وبعد ما خلصت طبعا رمته بكل بساطه فى الارض ولما جيت بقولها حرام عليكى كده دى الداده لسه ماسحه تتخيلو كان ايه ردها
قالتلى احنا مش متعودين على النظافه..............................
للاسف عدم النظافه اصبح تعود وخصله فى البعض

جزاكم الله كل خير على تفاعلكم معانا

وأنا أشكر الدكتور خالد لتواجده في موضوعي ..

لكن انا اللي عايزه أعرفه ليه مايكون فيه أجهزه تكييف في المدرجات إحنا إيه مش بني آدمين..الشي دا من حقنا ..أتمنى يادكتور خالد تساعدنا في الحكايه دي.. لأن الموضوع دا مهم جدا بالنسبه لينا..

وجزاك الله كل خير

بناتى العزيزات انا معكم ان الكلية محتاجة لتغير فى موضوع النظافة لكن احنا كمان لازم نكون ايجابين يعنى مفيش مانع لو كل طلبة منكم تحرص على وجود كيس فى حقيبنها على الاقل لحمل ما تبقى منها من اكل وعصير وتلقى به فى سلة المهملات كذلك حرصك على ترك المكان نظيف بقدر المستطاع وممكن كمان نعمل احنا بانفسنا سلات للمهملات من الكرتون ونوزعها فى كل مكان كمساهمة منا فى النظافة ولو تتذكروا انا دعوة لحملة لنظافة المكان بانفسنا ونبدا بانفسا لكن لم اجد من مجيب من طالبتنى ولكن انا اعرض مرة اخرى للقيام بالحملة وانا اول المشاركات

السلام عليكم ورحمة الله وبركاته
انا بشكر حضرتك يادكتور منال والدكتور خالد لمشاركتكم مشاكلنا فى الكليه وانا مع حضرتك فى حملة النظافه لانها من اهم الشياء الاساسيه فى حياة الانسان
وانا فى الفرقه الاولى مجموعه الف المهم حضرتك تعرفينا هنبتدى اذاى وف اى اتجاه

ان شاء الله انا مع حضرتك يا دكتورة منال في حملة النظافة وان شاء الله في امل في التغير
بس بنطلب من حضرتك تبلغينا نعمل اية وان شاء الله حضرتك تلاقي ايجابية من البنات

ان كانت هذه مأساتكم فتخيلوا مأساه طلبه الدراسات العليا بعد يوم طويل من الشغل مع الاطفال نأتى للمحاضرات فنجد حمامات سيئه جدا اكليه غير نظيفه نهائى سلال القمامه ممتلئه لاتسمح حتى بوضع منديل مسجد الطالبات سيئ جدا وهو اصلا صغير ولا يوجد به تهويه لا نجد حتى عاملات نطلب منها اى شيئ يعنى من الاخر حاجه تجيب اكتئاب وف الاخر قال بنتعلم ازاى نوفر للطفل بيئه كويسه للتعلم مع ان فاقد الشيئ لايعطيه واللى يضايق اكتر اننا نكلم احد المسؤلين فيكون الرد حد قالوكو تكملو دراسه وكأن ده عقاب عشان احنا اذنبنا
أسفه للاطاله وكن فعلا احنا تعبنااااااااااااااااااااااااااااااااااااااااااااااااااااااااااااااااااااااااااااااااااااااااااا
لكن بصراحه دكتور خالد جهوده ملموسه ف هذا الموضوع لكن طبعا ماينفعش يكون لوحده

أنا معاكى يا سمية لآنى أعانى نفس المشكلة
ولكن أملى فى الله أولا ثم فى الدكتور خالد النجار والدكتورة منال
والله الموفق

واللة يا دكتورة منال أنا بعمل زي ما حضرتك بتقولي بس بعض البنات لما بيشوفو كدة بيسخروا مني بس ما بيهمنيش طول ما أنا عارفة إن اللي بعملة صح يعني العامل الأكبر علينا مش على العمال لكن لإدارة الكلية دور كبير في تطور كليتنا
زعلت أوي لما أصحابي من الكليات التانية شافو الكلية قالولي إنتو إزاي مستحملين تدرسو في مكان زي دة كل حاجة فية قديمة و مخلعة .
أشكرك يا دموع الياسمين على إثارتك للموضوع دة .

بصراحه يادكتور احنا اصلا مابنشوفش عمال النظافه دول خالص لاالحقيقه شوفناهم يوم النتيجه وكانت اول واخر مره وبرضه عمرنا ماشوفنا مدرج ممسوح اومكنوس حتى ويقوللنا اصل بتيجو بعد الساعه 3 رغم ان الموضوع مالوش علاقه ب3 ولا10 المكان بيبان عليه هو متنظف من يوم ولا من شهرحتى الجيمانيزيوم بجد سيئ للغايه ده لون الارض مش باين من التراب يعنى مالوش دعوه بان البنات رمت حاجه ولا غيره
سورى يعنى احنا بنمسح الارض بهدومنا وكمان بصراحه انا شايفه انه المفروض يكون مجهز افضل من كده ده مافيش حتى جهاز واحد يفتح النفس يعنى بصراحه بدل مافلوس البنات بتروح على ابحاث وحاجات كتيره ماحدش بيشوفها ولاغيره ده غير طبعا اسعار الكتب الرائعه طب نا نقسم البلد نصين ونوفر جزء من الفلوس دى ف حاجه مفيده طبعا انا بعتذر جدا عن اننا اقول الكلام ده بس بجد الواحد بيصعب عليه نفسه اوى لما نكون طالع عينا مع الاطفال ف تعليمهم النظام والنظافه وف الاخر يجى هو يعقد ف المكان ده الواحد بيقول لو الاطفال شافوه وهو كده هيقول لهم ايه انا بعتذر مره اخرى بس انا بجد موضوع النظافه والنظام ده بيشغلنى جدا ف اى مكان بروحه