مراقبين اللجنة

بالنسبة للمراقبين بصراحة طول الوقت مش بيبطلوا كلام و بيقعدوا يحكوا مع بعض و انا ببقة اعدة في البنش الاول و انتباهي بيتشتت بسرعة و مش انا لوحدي الي بشتكي و اول يوم قلت للمراقبين لو سمحتو الصوت قالوا طيب و اعدو يتكلموا برضة و مش قادرين يراعوا اننا في امتحان و ان اي حاجة ممكن تشتتنا انا ببقة بفكر في حاجة مثلا الاقي موبايل المراقبة رن و طلعت ترد علية او ترد علية قدامنا و اتنين قاعدين لوك لوك لوك لوك تفكيري بيقف و مش ببقة عارفة اركز لاني ببقة اعدة في البنش الاول و الكلام كلة في ودني و تلاقي كمان طالعين داخلين من اللجنة
انا معاهم ان الاعدة تزهق بس هي كلها تلات ساعات و قدامهم السنة كلها يرغوا فيها خلاص مافيش غير يوم الامتحان الي يتكلموا فية و ياريت مثلا يطلعوا يتكلموا برة لا دول بيبقو علني و دة كمان غير الضحك و لو حد من الطلبة بص وراة مثلا او قفشت حد بيغش بتقوم المراقبة عاملة هليلة و تعد تزاعق و الواحد بيبقي اصلا علي اخرة
ياريييييييييييييت تنبية للمراقبين بأحترام الناس الي اعدة بتمتحن

أنا بأييد رأيك يا ميمي.....فعلا الوضع ده ما ينفعش والمفروض يراعو ظروفنا...طيب ما احنا كمان بنقعد مرزوعين 3 ساعات وبنفكر وايادينا بتتكسر وما بنفتحش بقنا...وهما زهقانين من القعدة مرتاحين وبياكلو وبيشتتونا كمان بكلامهم......المفروض أول حاجة تبقى مصلحة الطالب.....

الحمد لله عندي في اللجنه بيبقي في هدوء الحق يقال

وطبعا بيبقوا بيتكلموا بس بصوت واطي ولما الصوت بيزيد بنقولهم بيسكتوا

انا كنت السنه اللى فاتت كل ما يتكلموا كلمه اقولهم الصوت لانى كنت فالاول وكمان بيشغلوا اغانى ودا طبعا مينفعش

عندك حق ياميمي والله..مش بيحلي الكلام غير فوق راسنا.والتليفونات اللي مابتخلصش ده لسه النهارده مراقب واقف علينا التليفون رن أكتر من عشرين مره مش حتي يعملو صامت..ولأ وأرخم حاجة لما مراقب يجي يقف قدامك ويفضل باصصلك في الورقه وماتعرفيش تركزي وده اللي حصل معايا النهارده وقعدت أقلب في الورق وأبين أني مدايقه وهو مافيش..لغاية مازهقت والله قفلت الورقة وسبت التعريف وقومت..حسبي الله ونعم الوكيل.

علي فكرة مافيش اي اجراءات تمت ناحية الموضوع دة و اتكرر تاني في امتحان امبارح و لا كأن في اي حاجة

انا كمان فى اول بنش بس الفرق بقى ان المراقبة بتفضل ترغى معايا انا ولا كأنى بمتحن و تعلق على حاجات تافهة جدا زى لبسى او الاكسسوريز بجد حاجة بقى فوق الوصف و منتهى الاستفزاز اللى فى الدنيا و بفضل سايبها تتكلم و مش برد عليها خالص
ياريت يبقى فى حل للموضوع دة بسرعة