إرشادات هتفيدك جدا فى مطبخك

دى مجموعة ارشادات تستخدميها فى المطبخ ويارب تفديكم يلا نبدأ

1.لو صعب عليكى تخرجى كوب زجاجى من اخر داخله نملى الكوب الداخلى بماء مثلج ونضع الكوب السفلى فى ماء ساخن فينفصلان

2.بعد ما تنظفى الفريزر نمسحه بقطعة قماش مبلله بالجلسرين عشان ما فيش حاجه تلزق فيه بعد كده

3.لو عسل النحل اتحول سكر أوعى ترميه لأ حطى البرطمان فى اناء به ماء ساخن فيرجع العسل بعد قليل للسيوله

4.نحط البيض قبل سلقه فى ماء بارد لأن ده بيديله صلابه فما ينكسرش من أقل ضغط

5.عشان تحضرى بطاطس شيبسى هشة قشرى البطاطس وقطعيها وانقعيها فى ماء وملح ومعلقة خل أو عصير ليمون وبعد كده اقليها فى زيت غزير

6.لو أجزاء من طلاء الثلاجه أو البوتاجاز أو الغساله اتقشرت ادهنيها بمقوى الأظافر اللى مش ملون

7.لكى يكون الكيك ناجحا لاتزيدى السكر عن المقدار الصحيح لأن الاكثار من السكر يحد من ارتفاع الكيكة

8.حاولى اضفاء النعومة على الكوعين والركبتين بدعكهما بنصف ليمونه وكذلك يساعد الليمون فى تفتيح لون بشرة هذه المناطق

9.اذا كانت أظافرك ضعيفه وسريعة التقصف قومى يوميا بعمل حمام لها من عصير الليمون وخلال أقل من 10 أيام ستصبح أكثر صلابة

10.براد الشاى الألومنيوم ممكن تنظيفه بالدعك من الداخل بقشرة ليمونة ثم يغسل جيدا

11.نغسل الثلاجة بماء فاتر وبيكربونات صودا أو بعض الخل لامتصاص الروائح

12.لتمنعى رائحة الأكل من الثلاجة ضعى كيس ب مقدار من الفحم البلدى

13.حتى تحتفظى بقشدة اللبن مدة أطول رشى عليها مقدار من السكر واحفظيها فى الثلاجة

14.لكى تزيلى رائحة الثوم من الفم تمضمضى بسائل النعناع أو ماء الورد

15.لمنع طرطشة الزيت أو السمن أثناء التحمير أضيفى قليلا من الملح اليه

16.ممكن تزيلى علامة ثنية الفستان باضافة بعض الخل الأبيض علي العلامة وحطى عليها قطعة قماش مندية واضغطيها بالمكواة

17.ممكن تتخلصى من الملح الزياده فى الخضروات التى يتم طهيها بوضع قطعه بطاطس فتمتص الملح الزائد

18.ادعكى ايديكى بنصف ليمونه بعد تقطيع البصل هتزول الرائحه تماما

19.ممكن تختبرى نضج المربى باحضار كوب به ماء ونضع فيه نقطة من المربى فاذا نزلت للقاع بدون تغيير فنستنتج نضجها تماما

20.اذا انطفأ عود الكبريت قبل اشعال الفرن يقفل مفتاح الفرن بسرعة وننتظر دقيقه قبل اعادة اشعاله

21.ودى أهم نصيحة لأنى استفدت منها جدا وانتى بتقشرى البصل حطى على شمال ايدك شمعه منورة عشان تمتص الروائح وعينيكى ما تحرقكيش ولا تدمع نهائى

22.معلومة كمان عن حفظ اللحوم والاستفادة بقيمتها الغذائيه:
طبعا أغلبنا بنحط اللحوم فى أكياس فى الفريزر طيب لما درجة الحرارة بتبقى 4 تحت الصفر بتنفجر بلورات البروتين اللى فى اللحوم يعنى اللى فيها كل القيمة الغذائيه للحم يعنى مش بنستفيد منها وعشان نحافظ عليها

نغسل قطعة اللحم قبل التجميد مش بعدة ونحفظها فى كيس بلاستيك فى الفريزر

وعند اخراج قطعة اللحم من الفريزر نخرجها من الكيس البلاستيك
ونحط قطعة اللحم فى اناء خال من الماء فى الرف السفلى من التلاجة
بعد ساعة نلاحظ سائل وردى فاتح اللون حول قطعة اللحم السائل ده بيحتوى على البروتين مش دم فاسد
نستخدم السائل ده مع اللحم فى طهى اللحم حتى نحافظ على القيمة الغذائيه للحم


كده أنا خلصت يارب تكون الارشادات مفيدة ليكم
ماتنسوش التقييم لو عجبكم الموضوع.....

تسلم ايدك يا اطياف الموضوع بجد رائع و تحفة وفى حاجات كتييييييير ماكنتش اعرفها .
ربنا يجازيكى خير .
انا كمان لازم اجرب الشمعة مع تقشير البصل اخيرااااااا بقى فى حل للبصل .

شكرا لمجهودك وبجد موضوع ممتاز

ربنا يخليكى يانسمتى
أشكرك على مرورك ياقمر

eryr

أشكرك على مرورك العطر

جميلة جدا النصائح دي تسلم ايدك

تسلم ايدك
الموضوع مفيد جدا
شكرا ليكى

أشكرك على مرورك الجميل

ربنا يكرمك معلومات جميله جدا

إنتى الأجمل يا قمر
أشكرك

معلومات رائعة وفيها كتييييييييييير ماكنتش اعرف عنه يسلمووووووووووا     

--------------------------------------------------------------------------------



مؤشرات لكتب الأطفال

https://kg-cu.ahlamontada.net/t9449-topic




https://kg-cu.ahlamontada.net/t9449-topic#74628