بصوا بقى معلشوا هصدعكوا شوية واحكلكم حكايتي
اولا انا اسمي أية جديدة معاكوا هنا في المنتدى
ثانيا انا عندي 16 سنة انا في اولى ثانوي لكن الحمدلله طموحة اوي اوي اوي ومن وانا صغيرة وانا حلمي اني ادخل كلية رياض اطفال ومن كتر حبي في الكلية دي وفي المجال ده انا ما تيجي الاجازة اجيب كتب تخص المجال ده واقعد اقرأها وكل ما اعدي من قدام الكلية اقول لماما اهي كليتي يا ماما ....طبعا ناس كتير بيستغربوا اول مقولهم ان عايزة ادخل كلية رياض اطفال ألي يقولي ليه م فيه احسن منها وألي يكون مسمعش عنها اصلا لكن انا رغم ده كله مازلت وهفضل عند رأيي اني عايزة كلية رياض اطفال وطبعا امي واخواتي كانوا بيقلولي وليه متدخوليش ألي هي كليات القمة ألي هيهندسة طب الحاجات دي قولتلهم حاجة جميلة اوي قولتلهم انا ممكن ادخل كلية طب او هندسة واخود السنة في سنتين او اطلع بمواد او يدوب انجح لكن لما ادخل حاجة انا بحبها وبحب دراستها ومقتنعة بيها هثبت فيها وجودي من اول يوم وهاخود شهادات وهطلع ان شاء الله بامتياز وانا كمان بيني وبينكم مش حلمي اني اتخرج واقعد في البيت او انزل اشتغل مدرسة في حضانة لأ انا ناوية طول ما انا عايشة كل يوم اتعلم حاجة جديدة في المجال ده عايزة افضل اكبر واكبر في المجال ده طبعا لما قولت لماما كده واخواتي فرحوا بيه جدا وفرحوا بتفكيري وطموحاتي وبجد احلى واهم حاجة ان يكون الانسان له هدف في حياته و والله بجد انا كنت كل سنة ألي هو بدرس عشان هم عايزين كده وخلاص لكن من بعد محطيت فدماغي وقصاد عيني اني عايزة اوصل للكلية دي بئيت نفسي كل يوم اخود معلومات واذاكر كتير عشان اخلص واوصل للي بحلم بيه
معلش صدعتكم بس استحملوني انا اختكم الصغيرة بقى
موضوع: حكايتي هتستغربوها :) 
