السلام عليكم ورحمه الله وبركاته
طبعا العنوان وااااضح
بعد معاناه وتعب من الشفايف الجافه المشققه اللى بتضايق
انا لقيت الحل وتحفاااااااااا
وطبعا قلت افيد فتوكاتى حبايبى
بس متنوش تقولولى النتيجه بـ الله عليكم
نيجى بقى للوصفه
ثلاث اشياء وسهلللللللللله جدا
الاولى فازلين
وطبعا اى نوع فازلين وهو سعره رمزى وبااى صيدليه متوفر
الثانيه كريم الجلسرين معروووف بااى صيدليه
واعتقد اللى بتهتم بالجمال موجود بااى بيت
والثالثه والمهمه جدا عشان اللون الوردى هو شربات التوت او الفراوله
ايووووه متستغربوش
فى برطمان او علبه نضيفه كده هنضيف مقدار من الكريم على الفازلين ونضيف عليهم الشربات
بمقدار معلقتين من كل نوع ولو عايزه تعملى العلبه كلها زودى الشربات وحطى منه مره الصبح ومره بالليل
والله والله النتيجه تحفااااااااا
ترطيب روووعه
مفيش لاجفاف ولا تشققات
لون وردى طبيعى تحفاااااااااا
وسمعت وصفه للون الوردى للشفايف
هى قالت ازاى تلونى شفيفك بدون روج يتمسح ومواقف محرجه قالت ايه تخيلو
الجلى اه جيلى قالت حطيه على شفايفك دقايق هيدى لون وردى وثابت
وجربتها ونجحت معايا
يلا ماتنسوش الدعوه الحلوه
تنبيه الفازلين له تاثير سلبى على البشره وبيصيب بالاسمرار مع الاستخدام الدائم
منقول للافاده
موضوع: عايزه شفايف روعه بدون تشققات ولا جفاف ولونهااا وردى 
