الاشتراكيون الثوريون تدعوا لاسقاط الجيش والدولة

الاشتراكيون الثوريون يدعون الى اسقاط الجيش واسقاط الدولة بمنتهى الصراحة والعلانية والبجاحة
احنا لسه هانقف نتفرج برضه الى هذا الحد وصل التجرأ على البلد احنا داخلين على ايام سوداء
ياترى هانفضل برضه ساكتين!

السلام عليكم و رحمة الله و بركاته

اولا اشكر حضرتك استاذ محمد على هذا التنويه .....و فعلا ربنا يسترها معانا و مع جميع الدول العربية لان المؤامرة ليست من الاشتراكيون الثوريون فقط و لكن جهات عديدة بصورة مباشرة و غير مباشرة .....منها مثلا حركة 6 ابريل و حركة عسكر كاذبون و غيرهم الذين ينفذون مخططات اجنبية .......فيا ريت اذا عند حضرتك معلومات زيادة تكتبها من اجل نشر الوعي و انا فعلا كنت هعمل موضوع بخصوص هذا الشأن .....لان الساكت عن الحق شيطان اخرس .......و لكن علينا قبل كل هذا و مع كل هذا التزام الدعاء و الصلاة من اجل ان يحفظ الله مصر و سائر بلاد المسلمين ....فقد قال رسول الله صلى الله عله و سلم (إِنما ينصُر الله هذه الأمةَ بضعيفها: بدعوتِهم، وصلاتِهم، وإِخلاصهم).
رواه النسائي

حسبي الله ونعم الوكيل
بس انا عايزه اقول جاحه بسيطه
الي كل من يفكر في ان يفعل ذلك انتبهوا
فهي دعوه عامه لكل الشعب المصري
اللي يحاول يخرب بلدك فهو كالعدو دمه حلال
لان ربنا دعانا الي الدفاع عن بلدك ودينك وعرضك
فيا شعب مصر اتحدوا في وجه اي شخص يحاول ان يزرع الخوف في قلوبنا

__________________________

الدين لله والوطن للجميع

شوفي يا صباح فكرة استحلال الدماء مش ينفع نتكلم فيها كده لازم رجل دين يتحدث عنها و لانهم برضه بيستحلوا دماء الشرطة بحجة انهم اعتدوا عليهم لكن رأي ان اي شخص او مجموعة يلاحظ حد من الذين يدعون للتخريب او يحرضون او يخربون يتكاتفوا حوله و يقومون بتسليمه للجهات الامنية او على الاقل تصويره بدقة و بكده بإذن الله نتخلص منهم و القضاء يتعامل معهم بناءا على وضعهم القانوني .....لازم نكون مراقبين على مجتمعنا و ايجابيين و ربنا يحفظ بلدنا

اشكر تنادى والحقيقة انا لو عندى معلومات اكيد بقولها
بس الفكرة اننا هانفضل برده اغلبية صامتة
انا بقى عندى قناعة شديدة انى لازم انزل اعمل حاجة لبلدى مش ممكن هافضل اتفرج كده وخلاص لان بجد افضل ناس فى مصر هما اللى بيشاركوا مهما كان رائهم مع او ضد
ولا عزاء للمتفرجين فقط

مع احترامى لحضرتك يا استاذ محمد
طبعا ان فيه ناس تنزل وتعمل حاجه للبلد و تقول ان فعلا مفيش تغيير
من بعد الثوره دى حاجه عظيمه جدا و نقول عليهم فعلا دول ناس وطنيين بيحبوا البلد وبيعملو عشانها حاجه
بس برضه انا ممكن منزلش وبرضه اعمل حاجه و انا ساكته للبلد وبرضه يتقال انى بحب البلد دى
انا مش بتكلم عن شخصى لأ عامه
ممكن اغير البلد بأخلاقى وابقى و احده احترم الناس واحترم الرأى المخالف و مخونش حد ..... ومقعدتش فى كل حته اشتم واخون واقل ادبى و خلاص
يعنى من الاخر ابدأ بنفسى
واعمل حاجه وانا ساكته ولو كل واحد بدأ يغير الوحش اللى جوا
والله هنتغير وهنتقدم بأذن الله
وبرضه مننساش ان فيه ناس بتنزل للتخريب ومش للتغيير
وبجد احنا لو فضلنا كده وبالوضع ده يبقى منلومش غير نفسنا

ده رأيى الشخصى
متأسفه للاطاله
وشكرا لحضرتك

عفوا استاذ محمد ....و مع حضرتك حق لازم نعمل حاجة ....لكن اعتقد انه ليس هناك خلاف على انه ليست كل مشاركة جيدة ....يعني مثلا من ينزل و يحرض على حرق المباني الاثرية و تدميرها هل تعد تلك افضلية لهم ...لا اعتقد

برأيي المتواضع ان افضل عمل لمصر هو تأدية العمل بجد و حث من حولنا على تأدية عملهم و تغيير سلبياتهم كما قالت هالة .....التضرع الى الله من اجل مصر......توعية الناس البسيطة بحقيقة ما يفعله هؤلاء ......و التصدي لهؤلاء ..يعني مثلا حركة عسكر كاذبون يجوبون المناطق و يتفانون في العمل و كأنهم على حق ....اذن علينا نحن من ناحية اخرى التصدي لهؤلاء و تعريف الناس بحقيقتهم و ما يهدفون له .....يعني اذا نظمنا نحن حركة مناهضة لهم تجوب المناطق و تعرف الناس بحقيقتهم و تنبه الناس من الا ينساقوا خلف هؤلاء سيكون شيئا عظيما

الفكرة الآن ليست اختلاف في الرأي مع او ضد ....و لكنها الآن امن دولة و سلامتها ......و لهذا يجب الآن على كل من يقوم بعمل ان يفكر جيدا ما نتائج هذا العمل ...و عذرا على الاطالة

هالة حبيبتي اشكرك و اتفق معكي في نقطة ان كل منا عليه ان يبدأ بنفسه من اجل بناء الامة ......و لكني اختلف معكي في نقطة اخرى ارجو ان تتقبليها

ليس من يقول الآن لم يحدث تغيير بعد الثورة هو الوطني او العظيم ....و لكن من يقولها في هذا الوقت بالتحديد يجب ان ننظر في نواياه .....لانه بالفعل توجد تغييرات كتيرة بعد الثورة اهمها الانتخابات البرلمانية ...و اعتقد انكي بلغتي السن القانوني و قمتي بواجبك الوطني و اخترتي من تجديه مناسبا ....ان لم يكن هذا تغيرا عظيما برأيك فماذا يكون .....حكومة الدكتور الجنزوري و التي تعتبر منة من الله علينا اعانه الله و وفقه لخير الفعل و لما فيه مصلحة الوطن .....فعلى الرغم من انهم منعوه من دخول مجلس الوزراء منذ اول يوم و قاموا بتقييمه قبل ان يعمل و مع ذلك فهو يقوم بعمل رائع و الحمد لله و كل يوم به جديد و ان اردتي المعرفة فتابعي اخبار الحكومة .....من التغيرات الرائعة حقا و التي احمد الله عليها ليلا و نهارا الحملات الامنية المكثفة التي يقوم بها قوات الجيش و الشرطة و التي نتج عنها ضبط عدد كبير من عتاه الاجرام واطنان المخدرات و الاسلحة الثقيلة و الخفيفة تخيلي ماذا كان الغرض من دخول تلك الاشياء للوطن ......و الحمد لله بدأت الدولة في طريق التنمية .....و لكن هذا ما لا يريده اعداء الوطن

نقطة تانية في فرق بين التخوين و بين اقرار الحقائق و معرفتها ......يعني التخوين ان انتي تكوني بتعامليني كويس و انا اقول البنت دي مثلا منافقة و كذابة و بتخطط لي حاجة وحشة ....بدون دليل على ذلك ...هذا التخوين

اما ان يكون الشخص الذي امامك تعرفين عنه تماما انه خائن و رأيتي بعينك افعاله و بإعترافاته و باستخدام العقل فهذا ليس تخوينا ان تقولي عليه خائن ....بل ان قمة الظلم للنفس ان نأمن لهذا الشخص و لو رسم براءة الاطفال على وجهه و اظهر السلام و مد يده به ....و خاصة الاشخاص الذين لا يفكرون الا بمصالحهم الشخصية فهم اخطر ما يكونون على المجتمعات

و الكثير من هؤلاء الآن يضغطون على نقاط الضعف عند الناس و احساسهم ببعض السؤ و الذي لن يختفي فجأة و لكنه يختفي بالعمل و تغيرنا من انفسنا كما قلتي و لا نلقي بكل شئ على غيرنا .....يعني اللي بيقول ان الحاكم وحش ليه مفكرش ان ممكن يكون هو اللي وحش و مقصر لازم نلوم نفسنا شوية .....و زي ما قلتي و قال استاذ محمد لازم نعمل حاجة علشان مصر ....برأيي اولها الدعاء و الصلاة و قراءة القرآن من اجل مصر و سائر البلاد العربية و المسلمة و الاجتهاد في العمل.....ثانيها عدم الانقياد الى دعوات هؤلاء المخربين ....ثالثها توعية الناس بالحقيقة لأن كل الدعوات للخروج و اسقاط الحكم و ما الى ذلك من تحريض جاء اصلا من مواقع التواصل الاجتماعي و التي هي اداة في يد اعدائنا و هم من قام بأبتداعها من اجل توصيل تلك الافكار لنا بسهولة .....و لهذا علينا الانتباه لكل ما يدور حولنا

و آسفة على الاطالة

ما شاء الله
كلامك جميل واسلوبك اجمل
يا ريت كل المصريين بيتكلموا زى حضرتك كده
وانا بتقبل اى اختلاف
بس انا فعلا انا مش حاسه بتغيير اوى من بعد الثوره وخايفه من الايام اللى جايه
هيا آه الثوره طلعت فينا حاجات حلوه بس الوحش طلع اكتر
انا نزلت الانتخابات ولأول مره احس انى ليا لازمه فى البلد
بس برضه لسانا طول اوى من بعد الثوره

اما بقى لنقطه التخوين
ف اللى انا بتكلم عليه اللى هو التعريف التانى اللى حضرتك اشرتى ليه
بقينا مورناش غير الفيس بوك الصفحات اللى ملهاش اى لازمه
ونقعد نشتم ف ده وده ونخون ده ونقلل من ده
ودعوات التخريب اللى ماليا البلد
وزى ما الاستاذ محمد بيقول ان الاشتراكيين عايزين يسقطوا الجيش
فعلا انا شفت لقاء لواحد كده عمرى ما سمعت عنو ولا شفتله اى حاجه
على قناه الجزيره بيقول الجيش ده لازم يتهان و نبدأ بالعساكر بتوعه
ونهد البلد ونبدأ على نضيف
زى ما يكون بيتكلم عن عماره مش دوله
فاكرينها سهله ......
زى كده الحركه بتاعه البرادعى انو ساب الانتخابات
هو اصلا عمره ما هينجح فيها
بقا الشعب اللى اختار كل الاسلاميين دول هيختار البردعى رئيس دوله
والنهارده فى المصرى اليوم كاتب سأتقدم فى الصفوف الاولى فى 25 يناير 2012
زى ما يكون بيقول يلا انزلوا و لعوا فى البلد
احنا لو فضلنا كده كل يوم مظاهرات ومطالب فئويه
والله ما هناخد ولا خطوه لقدام
ولا حتى هنثبت ... لأ ده احنا هننرجع لورا
ربنا يستر بجد
احنا فعلا لو عايزين نتحرك نشتغل شويه بقى وندعى ونصلى زى
ما حضرتك بتقولى
عشان ربنا يرفع غضبه عننا

شكرا لحضرتك جدا

اهلا بيكم
عفوا يا جماعة انا مش قصدى ولا عمرى قصدت من الناس الى رائهم ضد انى بايد او بتكلم على الناس اللى بتنزل تقتل وتحرق وتخرب بكل تأكيد انا الناس دول لا اعنيهم على الأطلاق
وانما ماقصدته بالضبط هما الرأى الاخر الذين لايؤيدون السلطة
مثلا هناك مظاهرات وثوار فى التحرير وهناك مظاهرات ورأى اخر فى العباسية
ماقصده هما دول اللى بيعبروا على رأيهم بشكل سلمى ولم يكتفوا فقط بالجلسات الاسرية او جلسات النميمة وفى الاخر تراهم يقولون قولتهم الشهريه واحنا مالنا خلينا جنب الحيط - او البلد دى بتاعتهم- الناس اللى عندها رأى مخالف لكنه سلمى دول ناس امتلكوا
من الايجابية ما يمهزم عن الاخرين سالفى الذكر
لا اقصد طبعا كل ما يضر ببلدنا او يخربها وقد اكون مخطئ فى عدم توضيح وجهة نظرى بالشكل الواضح
ولذلك فانا لازلت عند رأى ان الناس التى تعبر برايسها بشكل ايجابى افضل من الذين يعبرون عن ارائهم وهم فى بيوتهم هذا الوقت ليس وقت من يشاهد عن بعد فالبلد تحتاج وبشدة لابنائها واذا مكناش ننزل ونساعد بلدنا دلوقتى هانسعدها امتى بس

هتنزل تروح فين ؟؟؟؟؟؟؟

يا جماعه بجد شكرا على ارءكو بس انا شايفه ان كل حاجه فى الدنيا فيها عيب وفيها ميزة وان فى الثورة مزايا و عيوب ومهمتنا نشجع وننمى المزايا زى الانتخابات ونحارب العيوب الى منها نظرية التخوين مثلا

السلام عليكم و رحمة الله و بركاته

حبيبتي هالة اشكر لكي ردك الجميل و كلماتك الرقيقة ...و الحقيقة انكي انتي الاجمل و اسلوبك هو الارقى حبيبتي بارك الله فيكي ....و بجد ما شاء الله عندك وعي بما يحدث ...و حقيقي انا لا استحق هذا المدح لان هذا من عند الله..و الحمد لله

ثانيا يا ستي لي رجاء عندك ملوش داعي حضرتك كتير كده اعتبريني اختك الكبيرة و مفيش تكليف بين الاخوات ....تماام

بالنسبة لما ذكرتيه من كلام فهو فعلا صحيح مليون في المائة و الشكر لكي انتي بجد...حفظ الله مصر و كل بلاد المسلمين

السلام عليكم و رحمة الله و بركاته

شكرا على توضيح وجهة نظر حضرتك استاذ محمد

و لكن دعني اقول ان رأيي خطأ قد يحتمل الصواب و

رأي حضرتك صواب قد يحتمل الخطأ

حفظ الله مصر و اعاننا جميعا على النهوض بها

السلام عليكم و رحمة الله و بركاته

آية كلامك مضبوط و انا مبسوطة بجد من كلامك لانه يدل على وعيك ما شاء الله

بارك الله فيكي...و يا ريت فعلا تحاولي انتي و هالة تنشروا الفكر ده بين كل من

تعرفيهم اقاربكم ..زملائكم.....طبعا مع الحذر لان فعلا هناك عملاء و جواسيس في

الجامعات و الكليات في صورة طلبة (بنين و بنات)و الكثير منهم قد يظهر موافقته لك في الرأي

حتى يستدرجك لاقدر الله

فاحذروا ...حفظكم الله و اعانكم و وفقكم

ربنا يخليكى يا تنادى
انا عاجبنى جدا كلامك وطريقه تفكيرك
وانا يا ستى ليا الشرف انك تبقى اختى الكبيره
ربنا يكرمك ويعزك ويبارك فى عمرك يارب