عفوا هو ده الواقع اللى رايته وعايشاه

الى من يهمه الامر
انا خريجه 2002 ياااااه دانا قديمه اوى معلش انا عملت فى المنصوره دبلومتين
لم يحالفنى الحظ فتحت حضانه صغيره لقيت التريقه كتير
لما انتى شطوره ماتعينتيش ليه
كنت بحاول اتعامل بدون ضرب لكن المجتمع فاهم ان الضرب بيصحصح الطفل
بلاش ياابله دلع
2
دخلولى بتوع الشئون يساومونى نقفلها ولا تمشي زى مااحنا عاوزين اصلك غير مطابقه لمواصفاتنا ؟؟؟؟؟؟؟؟؟؟؟؟؟؟ شقتى 3 اوض كبار ومسقط والمشكله انه بلاط مش سيراميك
اتلككولى واتبهدلت
والله مابكدب حاولت اسافر معرفتش
اشتغلت فى الجمعيه الشرعيه بالمحله بلدى ياجماعه الكبيره طبعا اللى لقيته معينين رجل تبع تنميه بشريه بيسموه دكتور ؟؟؟؟؟؟؟؟؟؟ ماعلينا
ايه جاب التنميه البشريه للطفوله الله اععلم
ماعلينا اكتشفت سلبيات عملاقه
ضرب طفل كفيف والله كفيف على راسه بعصايه كبيره من المديره عشان يردد ورايا القران اعصابى سابت وتعبت نفسيا لو ابنى وعفوا مازلت انسه لكن لااطيق ذلك
لما بلغت عن الضرب والسرقه لا السرقات والتعامل واسباب غلق الكثير من الحضانات
اترفدت والله قاعده حالى يصعب على الجميع رغم انى اموره جدا ورشيقه ورقيقه بس حاسه انى كاهله اوى مش لاقيه شغل ولا سفر ولا اى شيء يسلينى

متزعليش خالص هو واقع العمل صعب غلى كله

السلام عليكم
انا مش عايزك تزعلى طبيعى جدا ان ده يحصلك على فكرة كل الناس اللى عندهم فكر وعايزين يصلحوا ويغيروا ويطورا للاحسن بيتعبوا جدا فى حياتهم وبيحسوا ان الناس كلها عليهم
لكن صدقينى فى النهاية الصح هو الى بينتصر ولكى فى ثورة 25 يناير عظة وعبرة
تقبلى تحياتى

حضرتك مين يافندم عاوزين نتشرف بسيادتك

انا موظف فى الكلية يمكن لما انتى اتخرجتى مكنتش انا لسه اشتغلت فى الكلية
اسمى محمد عيد- موظف علاقات عامة بالكلية وسكرتير قسم العلوم النفسية

اهلا بك ومرحبا منورنا