عودة حملة فينا خير

كلاكيت ثانى مرة
عايز اقولكم ان في حملة فى الكلية جديدة برعاية بعض الاسر وبعض اعضاء هيئة التدريس والاداريين بالكلية
الحملة دى بدأت من حوالى اسبوعين وكان الافتتاح فى مدرج 25 لكن للاسف انا لاحظت ان عدد المشاركين مش كبير يمكن كنت متصور ان حاجة زى كده هاتجذب الكلية كلها بكل ما فيها وكمان فى اليوم ده كان فى حملة تبرعات للحملة وبرضه التبرعات مكنتش على مستوى الطموحات
لكن كلنا لسه عندنا فرصة اننا نشارك كلنا بمعنى كلنا (طالبات- اعضاء هيئة تدريس- اداريين)
يا جماعة لازم كلنا نتغير نشارك نكون فاعلين فى مجتمعنا احنا الشباب لازم نؤمن بقدرتنا كويس اوى ولازم نعرف ان مفيش حاجة هاتتغير الا بينا وعيب علينا اوى ان بعد الثورة المجيدة اللى معظمنا شارك فيها عيب انه ميكونش لينا تاثير جوة مكان صغير لكنه كبير اوى عندنا ( اكيد كلنا هانكون مبسوطين لو مشينا جوة الكلية فى مكان نظيف ومحترم وحمامات على اعلى مستوى وتجديدات محترمة وقبل كل ده سلوك راقى وحضارى جوة الكلية وده مش علشان حد يقول علينا كلام كويس او كده ولكن علشان ده سلوكنا ودى اخلاقنا مش علشان اى شئ تانى علشان احنا ده وده طبعنا
علشان كده لازم تشتركوا معانا فى حملتنا يوم السبت 10/11/2012 هانعمل كل حاجة هانغير شكل الكلية هانساعد ادارة الكلية فى انها تطور في الكلية علشنا مش علشان اى حد تانى
خلاص اتفقنا اننا هانكون كلنا موجود عموما هانستناكوا كلوكم
واكيد مش هاتخذلونا

مع تحيات
حملة فينا خير