اهدااااااااء الى اطفال اسيوط
اهدى لهم هذه الكلمات المتواضعة
صاحى من النوم ورايح على مدرسته
شايل على ظهره كتابه وقلمه وكراسته
بيحلم يكون حاجة انه يعيش ويخدم بلده
ده عايز يكون دكتور ومساعدة الناس كان امله
وده عايز يكون مهندس ويبنى بايده بلده
وده سمع من بعيد صوت القطار وقال ان السواق ده عمه
يوم الجمعه اجازه هاركب معاه ده كان كل حلمه
رايح على مدرستى ياامى اوعى تكونى زعلانه منه
اصل الواجب كان صعب امبارح وهو نام عشان يهرب منه
ده اخويا قالى كدة ولما يجى هيخلصه كله
يلا ياامى بسرعة اصل الاتوبيس جه
وانا عايز الحق الشباك عشان اقد جانبه
واحمد صاحبى انهاردة تعبان
عايز الحق الحصة الاولى عشان اشرحله
يلا ياعمو بسرعه سوق على مدرسته
وبراحة ادى المزلقان وسلملى على اللى قاعد حارسه
انا قلتلك روح على مدرسته مش على كفنه وقبره
رحت ياابنى ثمن الاهمال طب هو ايه زنبه
قالو لنا ثورة وقالو تغير وراح شاببنا ثمنه
التغير مش سهل ولازم يكون له تمن
طب احمد مين هيشرحله
العوض عليك يابلد راح شاببنا وراح اطفالنا ومش عارفيين مين سببه
تاليف هند صبرى
موضوع: اهدااااااااء الى اطفال اسيوط 