لاول مرة ...وشكرا

السلام عليكم
معلشي هاطول عليكم بس انا لاحظت حاجه خطيرة وجديده ان لاول مرة في التاريخ من ساعة لما دخلت الكليه الاقي البرجوله النهاردة بالذات في منتهي النظافه مكنوسه بذمة وضمير وانا لحد اخر لحظه وانا ماشيه كانت والحمد لله نظيفه بجد انا بشكر البنات الي كنسوا وتعبوا نفسهم وزينوا البرجوله بالرغم من ان هما مش ملزمين بكده بس بجد بشكرهم طبعا والمسئولين عن الموضوع دي شكرا جدا لدكتور محمد ودكتورة منال على مجهوداتهم في محاوله نظافه البرجوله بجد تسلم ايدين حضراتكم وشكرا ليكم ويارب تستمر البرجوله في النظافه ونحافظ على مجهودات البنات ومجهودات الدكاترة .
وشكرا لكل من ساهم في نظافه البرجوله

يارتنى كنت هناك عشان اشهد على الانجاز ده ماليش نصيب

بصراحه يا بنات

مجهود حلو منكم لو كان ده حصل .. بس للاسف مشفتوش

بس اللى شوفته .. اوحش من كدا بكتيررررر

انا كنت بقول ان البنات اللى بترمى فى الارض ..لكن اللى شوفته كان غير كدا

كان يوم الخميس .. كنت واقفه ادام باب الكليه ومستنيه واحده صاحبتى علشان هنروح مع بعض

و كنت واقفه قوريب من الباب المرايات و لاقيت واحد كبيره ( واضح انها من المسئولين فى الكليه لانى بشوفها كتير ناحيه المبنى القديم عند المكاتب اللى عند الجوده )

لكن ليست بطالبه ابدااا ولاقيتها وبكل وقار راحت راميه شويه اكياس بسكوت و حاجات حلوه عند الجزء اللى فيه زى شجر اللى جمب المرايات على طول .. فى بنات بتعد عنده كمان

انا جالى اسبهلال رهيب من اللى حصل ادامى .. يعنى ازاى الكبير يعمل كدا .. امال الصغير يعمل ايه

بالرغم انى بشوف بنات بنفس النظام ده بردوا .. ترمى الحاجه وتمشى وتلاقى بردوا بتقول وبتنصح بعكس اللى بتقوله

بس هوا حقيقى يعنى .. الواحد مش عارف يقول ايه

اما يابيتي لو الموضوع دي صح يعني مش احنا بس ياحلاوة ربنا يهدي والله لما شفت البنات بتكنس والله صعبوا عليا وكنت عاوزة اساعدهم وبقيت لحد اليوم لما اشوف مجموعة بنات اعدين وبياكلوا بحرجهم وبطلب منهم ان بعد اما بياكلوا يرموا في الباسكت واهو بنحاول وربنا يقدر الكل طيب الطالبات مقدور عليها امال الناس والعاملين في الكليه زي اما انتي بتقولي علي الست او الانسه الي رمت دي مين يكلمها ؟دي انا بوجه السؤال دي لاي حد واتمني ان حد يجاوب تحياتي

وانا بوجهه معاكى ياريت اجابه

وعلى فكره ديه كبيره يعنى مش صغيره .. يعنى تلاقيها ام لواحده فى سننا او يمكن اصغر

بس عموما هيا كبيره

كمان يعني ست وتعتبر ام كمان واضح انها نظيفه جدا في بيتها يلا ربنا يهدي بس انتي يابيتي كان المفروض دي بعد اذنك طبعا انك تقولي لها ترميهم في الباسكت مش كده يعني يبقي في ناس بتنظف وطالع عينها وناس بترمي ومافيش عندها احساس بالمسئوليه؟ربنا يهدي ونتمني ان دي مايحصلش تاني

انا بس كنت مصدومه من اللى حصل ف مقدرتش اعمل حاجه

بس ان شاء الله يبقى فى تطور .. حتى لو كان من الطلبه بس

لان عددنا احنا الاكبر

وقولى ان شاء الله خير

ربنا يسمع منك
يارب