علما ينتفع به

السلام عليكم ورحمة الله وبركاته
حبيت اننا(بنات كليه رياض الاطفال)
وخاصه بنات تالته ورابعه
عشان احنا الحمد لله خدنا المادتين مع د انسي رحمه الله عليه
واستفدنا منها علميا وعمليا
دينيا ودنيويا واخلاقيا
اننا هنا نبدأ كلنا نكتب كلام د انسي اللي استفدنا منه
واللي لازم نفيد بيه كل بنات الكليه
وكل اللي يزوروا موقعنا
نكتب
اجزاء من محاضراته اللي هيستفيد بيها كل اللي يقراها
امثلته
كلامه عن الدين والدنيا
كلامه عن التعاملات الانسانيه............................الخ

عشان يبقي علما ينتفع به
نظريا وتطبيقيا
يا ريت كلنا نكتب اللي اتعلمناه من استاذنا الفاضل


واسمحولي اكتبلكوا اول حاجه
لاني الحمد الله معرفتي بهذا الحديث كان علي يده رحمه الله عليه
روى معاذ رضي الله عنه أن النبي صلى الله عليه وسلم قال : " من عيَّر أخاه بذنب لم يمت حتى يعمله ". رواه الترمذي
رحمه الله عليك يا استاذي

السلام عليكم ورحمه الله وبركاته


الله يرحمه ويسكنه فسيح جناته

كان ديما يقولنا بلاش التعزيز المادى للاطفال
علموا الاطفال يعملوا الشئ من غير مقابل مادى

هى كفايه برافو عليك وشاطر وانت احسن واحد


الله يرحمك يا والدى ويسكنك الله فسيح جنانه

وعليكم السلام ورحمه الله وبركاته
بمناسبه كلامك عن التعزيز يا صرخه
احب اضيف
كا بيقول رحمه الله عليه
ان التعزيز الايجابي ممكن يكون نوع من انواع العقاب
زي واحد غلط في وانا رديت عليع بالحسني((ادفع السيئه بالحسني))صدق الله العظيم

والعكس ممكن يحصل زي
لمل ربنا يدي الظالم من خيره=عقاب ربنا ليه في الدنيا ان يستمر في ظلمه
يا ريت يا بنات تستفيدوا من كلام د انسي رحمه الله عليه
زي ما احنا بجد استفدنا منه نظريا وتطبيقيا
كله في ميزان حسناتك يا د انسي بأذن الله

رحمه الله عليك

جميل اووى موضوعك يا كيتى

وانا فعلا اول مره اعرف ان د / انسى قال موضوع التعزيز المادى ده

والحمد لله انكم لحقتونى لانى بدأت فعلا انى امشى فى الموضوع ده من المره اللى فاتت فى التدريب الميدانى

بس كدا انا هتراجع واشوف حل تانى مع الاطفال علشان بجد تعبونى .. وياريت نقول ايه المقترحات اللى كان د / انسى بيقولوها لحل موضوع التعزيز علشان كل الناس تستفيد ..

شكرا ليكى يا كيتى ويا صرخه الم ..

ديما كان يقولنا ثقفوا نفسكوا يا بنات
محدش بينفع حد
وانتوا امهات المستقبل (جتكوا خيبه) متعرفوش حاجه

الله يرحمه
كانت احدى فكاهات المحاضره

ربنا يرحمه كان دمه خفيف فعلا ..

احب ان أبدأ أول اشتراك لى على هذا المنتدى بالدعاء للدكتور /أنسى قاسم بالرحمة و المغفرة
بداية اذكر كلمة ذكرها رحمه الله عندما دخلت احدى الطالبات اللاتى انهين الدراسة معه دخلت لتسلم عليه و بعدما خرجت سكت قليلا ثم ابتسم و قال فيما معناه ( أجمل حاجة فى الدنيا ان حد يحب حد بدون أى هدف غير انه يحبه )

قال الإمام على (( لا تعودوا ابنائكم على أخلاقكم ( تربيتكم) فهم مخلوقون لزمان غير زمانكم ))

السلام عليكم ورحمة الله وبركاته
بجد انا والله فرحانه اوي عشان لاقيه مشاركات جميله اوي تذكرنا بد انسي رحمه الله عليه
وبفضله علينا وتذكرنا دايما بالدعاء ليه
وحبه اذكركوا اني لما عملت الموضوع ده
كان قصدي نتذكره بالدعاء لفضله الكبير علي كل الكليه
واننا نقدم علم خدناه منه شخصيا والذي يختلف تماما عن الكلمات والجمل
رحمه الله عليك يا د انسي
انا دلوقتي حبه اقول كلمه دايما كان بيقولهالنا
((انه_د انسي_مهما كان تعبان جدا بينسي تعبه كله في المحاضره))
كان رحمه اله بيشبه وجوده في لمحاضره
بلقاء المحبوبه

وهو هنا كان بيعلمنا
ازاي حب الشيئ وتقبله بيدي الدافع والقوه علي عمل الشيئ
يا ريت نستفيد من ده في حياتناكلها

رحمه اللع عليك يا استاذنا واسكنك الله فسيح جناته

السلام عليكن يا بنات
الله يرحمك يا د. انسى
ودى كانت اول حاجة اتعلمتها منه فى اول محاضرة(السلام عليكن )
استخدام اللغة او الالفاظ فى موضعها الصحيح
معذرة د.انسى
لن نقدر على افادة الطلبة كما لو كنت موجود ولكن (اذا مات ابن ادم انقطع عمله الا من ثلات , صدقة جارية , عمل ينتفع به , ولد صالح يدعوا له )
ونحن نعتبر انفسنا ولدك الصالح فليقبل ربنا دعائنا لك بالعفو والرحمة والمغفرة

ان لله ما اخذ ولله ما اعطى وكل شيئ عنده باجل مسمى فلنصبر ولنحتسب

السلام عليكم و رحمة الله و بركاتة
هذه اول مشاركة لي داخل المنتدي ولقد علمت بالموضوع المطروح عليه وارغب في المشاركة بالرآي
في اول الامر كنت اعتقد ان العلاقة بين الطلبة و الدكتور علاقةرسمية من الدرجة الاولي ولكن عندما دخل د/أنسي وجدت انها علاقة ابوية من الدرجة الاولي فلقد كان الله يرحمه لا يبخل بعلمه علي احد حتي لو كان
خارج المقررفاطلب منكن ذكر محاسنه دوما والدعاء له وان نسأل له الله الفردوس الاعلي

وشكراعلي حسن استضافتكم

انا من الفرقة الاولى لكنى حبيت دكتور انسى جداً من كلام الطالبات عليه وكنت اريد
ان اصبح معيد من المعيدات تحت يده

ولقد عوضنا الله بتوام دكتور انسى دكتور خالد النجار

جزاكن الله خيرا يا بنات
بجد هو ده ((علما ينتفع به)) وكمان((ولد صالح يدعو له))
وبجد عشان يبقي علما ينتع به بجد يا ريت نستفيد بكلامه_رحمه الله_ونطبقه
ولو لاحظتوا انا طبقت كلام د انسي اللي انتي قلتيه يا نهاد
لما قلت وجزاكن
الله اجعله في ميزان حسناتك بأذن الله
اهلا بيكي يا صباح في المنتدي
وربنا يحققلك حلمك
وصدقيني وعن تجربه لو واثقه في ربك ثقه كامله
ربنا هيعينك وهيتحقق حلمك
وده برده من كلام

اللهم ان كنت تعلم انه لو كان ضيفي لاكرمته
والان هو ضيفك فاكرمه يا رب العالمين
امين

شكرا يا فازدوقه علي ردك الجميل وعلي الجمله اللي انتي قلتيها
فعلا رحمه الله عليه كان دايما بيقولنا كده وده كان برهان ان الانسان كائن اجتماع
هكلمكوا عن موضوع د انسي_رحوه الله عليه_كلمنا فيه
دلوقتي الضرب ممنوع
وده ناس كتير بتشتكي منه
لان فيه بعض الاطفال ((مش بيجوا الا بالضرب))ده علي حسب كلام بعض البنات والمدرسين

لكن
د انسي ليه رأي تاني
الضرب مش ممنوع ولكن له قواعد وشروط في الدين الاسلامي
_لا يش ولا يقطع ولا يجرح
_لا يمس كرامه
_بياض الابط ميبنش(وشرحهالنا _ان لما بنرفع اينا لدرجه ان الابط يظهر او يوسع كل ماكان شده الضرب اكبر بمعني ان الفروض المنطقه اللي ما بين الابط والكوع متترفعش_))
_لا يزيد عن10 والايتحول لقصاص

ده كله يحصل لماتنعدم الطرق الاخري
يا ريت تكونوا استفدتوا من شرحه
في تعاملنا مع اولادنا في المستقبل
اللهم اجعله علما نافعا
ويضعه في ميزان حسناتك يا د انسي

انا هقول حاجه عن الدكتور انسى تبين ازاى هوا كان بيعاملنا كأبناء وليس كاطالبات علم فقط ويمكن حس بالموضوع ده بنات المدن الجامعيه انا متأكده ان مفيش بنت قابلتها مشكله وهيا بعيده عن اهلها ومحاولتش ترجع فيها للدكتور انسى رحمه الله ومن ضمن الحاجات الى كنا متأثريين بيها جدا موضوع لواحده صاحبتنا انا هحكيه وخلاص مش عارفه لو هيا قرأته هتزعل منى ولا ايه بس هقوله لانى عارفه قد ايه هيا كانت متأثره بيه كأب ليها وطبعا الواحد بعد فراق ابوه بيحب يتكلم عنه ويقول قد ايه هوا ساعده فى حياته وكان حنين فى حقه الموضوع هوا ان كان لينا صديقه مقربه لينا جدا عشان قالتلنا عن كرم هذا الاب وهوا انها فاقده للاب والام ومره ضاقت بيها كدا ومعرفتش تعمل ايه فاتصلت على دكتور انسى من غير مناسبه وهوا ميعرفهاش اصلا وقالتله انا فلانه وطبعا هوا سكت ماهوا ميعرفهاش انما هيا قالتله انا طالبه عندك وخلاص واتفطرت من العايط على الخط وهيا بتكلمه وطبعا دكتور انسى قابل الموضوع بكل عطف وحب وكأنه الاب الحقيقى لها ولم يكتفى بذلك بل سمح لها بان يعرفها شخصيا وبدات يطمن عليها ويشعرها بانها ابنه له ويطمن عليها فى المناسبات دى حكايه من ابسط الاشياء الى يجب تذكر حتى يعلم الجميع كيف كان يعامل المعلم طلابه فهذه هى صفات المعلم التى ذكرها الرسول عليه افضل الصلاه والسلام فلم ينتظر انسى قاسم اى مقابل لعلمه ولا لعطفه وماذا جنى فى النهايه انه جنى اعظم واحلى شئ يقدم للانسان وهوا حب الناس ودعواتهم له رحمه الله فليتعلم الجميع منه لنتعلم نحن الطالبات كيف نعامل ابنائنا واطفالنا وليتعلم اساتذتنا الكرام من اخيهم رحمه الله اى حد يحب يضيف رد ياريت يذكرلنا حاجه خاصه بالدكتور انسى قاسم تذكرواااااااا محاسن موتاكم

بجد شكرا لكل اللى بيرد على الموضوع بحماسة و بجد بيحاول يساهم فيه علشان اللى ميعرف د/ انسى رحمه الله يعرفه بكل حاجة حلوة عملها زى زميلتنا صباح ربنا يوفقها .
افتكر لما اتكلم د/ انسى عن موضوع الذاكرة و النسيان قال ان مخ الانسان عامل زى( الصفيحة) او ما يشبه ده على ما أظن و الأشياء و الأحداث التى تمر بنا تتراكم فوق بعضها فيها و كل ما حدث شئ جديد يوضع فوق الأحداث القديمة مما يساعد على النسيان ((( و لكن ))) قال ان الحاجات اللى بتنزل تحت أوى فى قاعدة (الصفيحة )لاااااااابد فى يوم من الأيام و تطلع حتى لو طلعت فى عدم وعى الانسان
حتى ساعتها قال ان كل انسان عنده شوية (زبالة) فى حياته و مش شرط تكون الزبالة احداث أو مواقف فى حياته لأ ممكن تكون أفكار فكر فيها قبل كدة و مطلعهاش ابدا و لا حتى لنفسه
قال هتطلع هتطلع
حتى لو اتحكم الانسان كويس فى نفسه
ابسط شئ هتطلع و هو نايم او فى البنج و اكيد يعنى مفيش حد مش هينام
و بعد كدة قال ان لو مطلعطش الحاجات خالص حتى و الانسان نايم يبقى الانسان دة هيتجنن

رحمه الله


(( لا تخف من صوت الرصاص فالرصاصة التى سوف تقتلك لن تسمع صوتها ))

السلام عليكم يابنات
بجد كلامكم حلو جدا.لانه الله يرحمه شخصيه متواضعه وعلى الرغم من تواضعه الا انه كان بيحب الاناقه ويحب انه يكون وسيم مع انه الوسامه من طبعه {كان في موقف حصل معايه بمناسبة الاناقه( في محاضرة الدكتور انسي وهو انه فيوم كان معايه لوحة مفاهيم لازم اديها لزملتي وكانت في محاضرة د.انسي واضطريت ادخل المحضره واستأذنه اني ادي لزميلتي اللوحه وهو سمحلي اني اديهلها وانا كنت في اليوم ده لبسه صابوه في رجلي لاني كنت عمله عمليه فيها)وطلهت المدرج اسيبلها الوحه على جنب وبعدين طلعت عند الباب وكنت لسه حاخرج لقيت د.انسي بيتكلم عني ان ازاي طالبه جامعيه تلبس شبشب داخل الحرم الجامعي وهو فكرني اني انا خرجت لكن انا كنت جنب الباب وهو مش شيفني وبعدين البنات قعدوا يضحكوا لانهم شيفني فقالت وحده من البنات يادكتور ده صابوه مش شبشب قالها ايه ياختي صابوه ..ده سابوه ومسكوه)وانا كنت وقفه جنب الباب بفطس من الضحك وكان نفسي اقلو ان ده شرف ليه انك تتكلم عني بس كنت بخجل جحدا اني اتكلم معاه على الرغم من حبي الكبير له ولاني من كتر ما انا بحترمه كنت اخاف اتكلم معاه لاديئه بكلامي اواني ازعجه}والله يرحمه ويسكنه فسيح جناته ويغسله بالماء والثلج والبرد.اللهم آمين

السلام عليكم ورحمه الله وبركاته
معلشي يا بنات اني اتأخرت في الرد
بجد انا فرحانه اوي من البنات اللي ردت والبنات اللي قالوا مواقف اد ايه هيه جميله و مؤثره ومعتقدشي ابدا ان في اي حد هيقرا الكلام ده ومش هيدعيله
رحمه الله عليه

انا هقول حاجه د انسي كان بيقولها
((تكرار المثير يفقده حساسيته))وقالنا مثل
اهجر ولا تطل
كده هيكون الهجر له معني والمثير له اثر

اللهم تقبل دعائنا له
امين

شكرا على الفكرة الجميلة كيتى
لم يكن يبخل أبدا رحمه الله د انسى بعلمه حتى عن طلبة فى كلية أخرى غير كليتنا أو شخصيات خارج الجامعة حتى ,أذكر فى يوم انى طلبت منه ان يلقى محاضرة لطلبة كلية التخطيط العمرانى والإقليمى (هندسة)وبالفعل ذهب والقى المحاضرة ولم يكن هناك مكان فارغ فى المدرج على اتساعه والجميع أحبه ورحب به وتمنو لو أنه يكرر اللقاء وبالفعل استفادوا ومن أهم ما قال فى هذا اللفاء ردا على سؤال أحد الطلبة عن علاقة الولد بالبنت وكلمته الشهيرة التى كان يرددها كثيرا (ما لا يدرك كله لا يترك كله )فالإحترام وعدم اللجوء الى الحيل لنيل ما لا نملك مثل محاولة مسك اليد عند عبور الشارع (مما لا يترك كله)

وكان يقول لنا عن العلم ايضا فى موضوع تعلم اللغات اختارى كتاب حاباه وترجميه هيفيدك كتير كتير.
وكمان كان ديما يقلنا اقرو فى سلسلة عالم المعرفة.
وكتاب رسالة الغفران لأبى العلاء المعرى زوكمان سيكولوجية (الف ليلة وليلة)وكيفية عدم الإغلاق فى الحكى وغيره من التصرفات.
لا أكاد اذكره حتى تنهمر دموعى ولا استطيع ان اوقفها رحمة الله عليه....
سوف أكمل لكم ما تعلمته من الغالى د أنسى رحمه الله فى وفت آخر ....

الله يرحمه يارب يدخله فسيح جناته
انا كتير حبيته من كلامك يابنات واكيد من سوء حظنا انه توفى قبل ما ندخل الجامعه ونتعرف عليه
ربنا يجازيه خيرااااااا عنكم انشاء الله

علمنا رحمه الله أن الغيرة شعور نبيل لا يجوز أن نخفيه بل نعلنه لكى نعرف من نحب بحبنا