جيل التغيير مصر بينا أحسن
احنا مين:
شباب من اكتر من محافظة زي القاهرة والجيزة والسويس وبورسعيد وبني سويف...واكتر من كلية زي طب وهندسة واعلام واثار وتجارة....جمعنا هدف واحد اننا عايزين نشارك في تنمية المجتمع....
عملنا ايه:
فكرنا كتيير.. ووصلنا لان انسب حاجة هي اننا نوجه جهدنا للجيل الجاي...الاطفال...فاخترنا شريحة معينة نبدأ من عندها وهي سن 12 سنة...
ليه 12 سنة؟؟
دول قبل مرحلة المراهقة مباشرة فالتعامل معاهم اسهل...صغيرين كفاية اننا كـ شباب نقدر نأثر فيهم وفي نفس الوقت كبار كفاية انهم يقدروا يستوعبوا اللي احنا هنقوله وده طبعا بعد ما هيعدى على اخصائيين.
الاهداف:
حددنا 3 اهداف هنشتغل عليهم على شكل هرم...
الهدف الاول هو قاعدة الهرم وهو الاساس اللى هنبنى عليه وهو القيم والمبادئ والاخلاقيات
الهدف التاني اللي هو منتصف الهرم هو المهارات اللازمة...(سوفت سكيلز – تنمية بشرية – كيفية العمل فى فريق .. الخ
الهدف التالت وهو قمة الهرم وهو اعداد القادة عن طريق اننا هنختار منهم الناس المتميزين وهنعملهم تدريبات مكثفة اكتر مع ناس متخصصة.
الاهم:
التوعية مش كافية...فلااازم يبقى فيه متابعة......لاننا هنبنى من ناحية والبيئة المحيطة
بتهد من ناحية تانية......
ومن ضمن طرق المتابعة المقترحة ان يبقى لينا فريق من الطلبة دى فى كل مدرسة نروحها عشان المتابعة تكون افضل حتى بعد ما نخلص الهرم معاهم
هننزل اول سنة ل 6 ابتدئي...وبعدها نكمل هرمنا معاهم في اعدادي...في الوقت اللي هيكون فيه سنة 6 ابتدائي جديدة جت فهنبدا معاهم الهرم من الاول وهكذا...يعني شغل على التوالي والتوازي
وهيبقى لينا فريق من الطلبة دي في كل مدرسة نروحها عشان المتابعة تكون افضل حتى بعد ما نخلص الهرم معاهم
فرق العمل:
- فريق اعداد المادة العلمية...الماتريال...هيخضع الفريق لتدريب بسيط على ايدى مشرفين لتجهيزهم وهيتم اعداد الماتيريال تحت اشراف اخصائيين
وبما انكم من كلية تربية رياض اطفال فليكم خبرة ف المجال ده كنا حابين لو حد فيكم يحب يتطوع معانا فى المشروع
اكييد هنستفاد منكم كتيير ,,,,
موضوع: عمل تطوعى (جيل التغيير ) 
