خلي الطفل يرسم ويشخبط ( بس مش ع الحيط )

دي تجربة عملتها عندي في القاعة ونجحت حبيت اشارككم بيها
لاحظت ان الأطفال عاوزين يشخبطوا او يرسموا او يكتبوا بشكل رأسي ( مش لازم ع الحيطة ) الحيطة عندهم زي السبورة وزي اي صورة متعلقة بس هم بيلاقوا متعة في حركة اليد بشكل رأسي

الفكرة ..
اني جبت كرتونة نتيجة (4 اتنين للبنات واتنين للأولاد ) وده بديل للناصبيان وأفضل علشان لو طفل حب ينفذها ميبقاش عاوز زي اللي الميس كانت بتعمل بيه

ولوحة بيضا ( فبريانو ) أفضل من الكانسون للرسم والكتابة

وورد وشرايط وحاجات للزينة
وعملتهم نشاط فني في 4 مجموعات
إلصقي الفبريانو على النتيجة ( من الاطراف بس ) واعملي اطار للوحة وزينيها وكمان عليقة لها

** واحنا عملنا على لوحتين صورة بنت بالكانسون ولوحتين رسمة ولد . لتنظيم الأطفال

ودي الأطفال يبقوا عارفين ان اللي عاوز يكتب او يرسم يرسم ع اللوحة علشان منبوظش الحيطة

ويا رب تفيدكم

فكرة حلوة انا بردة كان فى دماغى انى اعمل ورق علي الحائط عشان ولادى ان شاء الله ميشخبطوش علي الحوائط يكون عندهم فرصة انهم يطلعوا اللي جواهم