اية رأيكوا فى الى حصل النهاردة

شهدت الكلية اليوم حدثا مختلف تماما و اظن انة محصلش قبل كدة فى تاريخ الكلية وكان اول اجتماع فى مدرج 25 يناير رغم ساعدتى البالغة لهذة الحرية و الشجاعة و الاصرار الا انى اصبت بحالة من الاشمئزاز بمجرد ان تكلمت دكتورة ناهد التى اظهرت شخصيتها الحقيقية و مدى احترامها للبنات و لنفسها ايضا و مدى تعاطفها مع البنات و حبها لهم و مدى ثقافتها بصراحة ابهرتنا بذوقها و اخلاقها 0
ا اما افضل هتاف سمعتة النهاردة : ( مش حنمشى هى تمشى )
و اكثر ما اسعدنى اليوم هى كلمات استاذى الفاضل دكتور خالد رغم انها جمل قصيرة و مختصرة و لكنها كانت اكثر من رائعة و دة طبعا حاجة مش غريبة على دكتور خالد فعلا يا دكتور عندك حق مليون المية : ( الى اختشوا ماتوا )
و اكتر حاجة استغربتها ان العميد بيقول انة بيدخل عالمنتدى مع انى عمرى ما شفت اسمة و عمرى ما شفت لة اى رد على اى موضوع يا ترى هو بيدخل كزائر و لا اية ؟؟؟؟؟؟؟؟؟؟؟؟؟؟؟؟؟؟؟؟؟؟ و لية مش بيدخل باسمة عشان يقدر يتواصل معنا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ا انا عندى رأى حقولة و اجرى على اللة الكلية دى مفيهاش غير دكتور خالد و دكتور محمد عطا و دكتورة هند امبابى و دكتور بطرس و شكرااااااااااااااااااااااااااااااااااااااااااااااااااااااااااااااااااااااااااااا و مفيش مانع لو باقى الدكاترة يتبعوا اسلوبهم فى الشرح و اسلوبهم فى معاملة الطالبات دة مش عيب و لا غلط و دة طبعا لمصلحتهم اولا حتى لا يحدث لهم ما حدث اليوم مع دكتورة ناهد رئيس قسم العلوم التربوية

يا ترى انتوا كمان رأيكوا اية فى ثورة رياض اطفال 7 مارس 2011 و طبعا السؤال دة مش موجة للطالبات فقط

الله عليكى فعلاااا كل الكلام دة صح
وانا فعلااا فخورة جداا بكلمة دكتور الخالد القصيرة المعبرة ودة الى متعودين علية منة
وكماااااااااااااااااااااااااااااان دكتور محمد عطا ودكتورة هند امبابى
نتمنى كل الدكاترة زيهم

بس للاسف فة معيدين كتير اتظلموا لما تقال ان اتنين بس الى بيشرحوا والباقى لالا انا شاايفة انا احنا المعيدين بتوعنا كلهم بيعتبرونا زى اخوتهم وفعلاااا الاغلبية العظمى منهم كوويسسسب جدااااا

علي قد ما الوحد فرح علي قد ما زعل علي الي حصل مع دكتوره ناهد

صدقينى يا راجية الجنة لو كنتى حضرتى اجتماع اليوم ماكنش حيكون عندك اى تحفظ و انا فعلا لا ابالغ و لم اذكر كل ما حدث اليوم يعنى مثلا لم اذكر الاهانات التى وجهتها لنا دكتورة ناهد و لم اذكر الالفاظ التى استخدمتها و لا الاسلوب الى كانت بتكلم بى و لم اذكر حجم الهتفات التى وجهت ضدها زى مثلا مش عيزنها 00000 مش عيزنها ) و غيرها و لكنى فقط اطلب منكى حضور اجتماع الغد الساعة 11 و اتفرجى على الفديوهات الى صورت الاجتماع بتاع النهاردة و بعدين احكمى على كلامى و شوفى اذا كنت ببالغ و لا لأ

nesmty


للأسف أعلم أنني أتكلم ولكنني لم أرى بعيني مثل ما تفضلتي

وللأسف أيضاً لا أستطيع حضور الاجتماع

لأنني خارج مصر كلها

ولن أعود قبل اسبوعان لبعض الظروف الخاصه

أياً كان ما حدث

فقط كل ما أطلبه منك ومن الجميع أن نطلب حقوقنا بطريقه

مشرّفة وبكل أدب وعقلانية وإن استفزنا أحد بالكلام

ليصدر عنا أي خطأ يجب أن نكون حكماء في ردودنا

حتى إن أردنا تصعيد الأمور فلنصعدها بذكاء وحكمه وأدب

تحقق لنا ما نريد

حتى في طريقة الهتافات

وأن نظهر بصورة مشرّفة أمام الجميع حتى لا نسمح لأحد

بأن يقول عنا تافهات أو جاهلات أو يستهين بنا

فهل توافقيني في هذا؟!!!

نسيت أن أخبرك


أنني لا أتهمك بالمبالغة أبداً

فأنا ابنة الكلية

وأعلم جيداً شعورك

لم أكن أرغب في التحدث إلا عندما أكون في مصر

ولكنني لم أستطع أن أوقف نفسي أكثر

أريد تحقيق مطالبنا واحلامنا بصورة مشرفة ومنظمة

أريد أن ننقل صورة جميلة عن كليتنا

لا أريد أي خسائر لأي طالبة

أريد أن نكون يد واحده على حق وعلى علم

ووقتها لن يستطيع كائن من كان أن يؤذينا

طبعااااااااااااااااااااااااااااااااااااااااااااااااااااااااااا اوافقك حبيبتى و هذا ما حدث بالفعل اليوم و لم تتجاوز البنات لكن للاسف التجاوز كان من الدكتورة لكنى فعلا لم اشعر الا بالاشمئزاز و دة كمان كان شعور البنات ياريتك كنتى حضرتى و كنتى شوفتى الى حصل بعينك لو كنتى موجودة كنتى حتلائى نفسك بتهتفى معانا و انا حنتظر رائيك بعد ما تشوفى الفيديو بتاع الاجتماع 0

ان شاء الله حبيبتي

وأسأل الله ان هذه الأيام تمر على خير وأعود لمصر

وأشارككم

معلشي نسمه ممكن تنزلي الفيديولو معاكي
او مع اي بنت علشان نشوف علي المنتدي معلشي هاتعبك وشكرا
ليكي

ححاول حبيبتى بس مش حقدر اوعدك اولا : لانى لسة ما اخدتش الفيديو و نزلتة عندى و ثانيا : انا بصراحة لا افضل وضع الفيديو حتى و لو كان معايا على المنتدى يعنى ياريت تشوفية على الموبايل مع اى بنت كانت بتصور فيديو و ياريت كمان تحضرى اجتماع بكرة الساعة 11

اللي حصل النهاردة كان رائع وانا اول مرة يكون صوتي عالي وبقلب جاااااااااااااااااااامد لاننا علي حق انا بأيد nesmty في كل كلمة قالتها وده ال انا كان نفسي اقوله ود/ناهد لا تعليق
وبالنسبة للفيديو ممكن تعمليه بكلمة سر ونعرفها بعيد عن المنتدي

سلام عليكم...اسمحوا لى اقول رأيى يا جماعة لأخواتى العزيزات رغم انى خريجة قديمة Smile طبعا دى فرصة عظيمة استغلوها كويس..الجميع كان يتمنى ان تتاح له فرصة مثلها..انا


عارفة ان معظم اللى هيكون شاغل تفكيركم الشغل العملى والشيتات والخ الخ..مش اقصد اقول انها حاجات مش مهمة او مهمشة بس فى اهم بمعنى حاولوا متعملوش زى اللى طالعين

دلوقتى بيعملوا اعتصامات ومطالب فئوية ..زيادة مرتب،تقليل ساعات العمل والكل يرد عليهم ويقول ده وقته احنا بنتكلم فى الأهم..حاولوا تتكلموا فى سياسة كلية حاولوا تتكلموا فى

نظامهاو طبيعتها خلوا لده الأولوية قبل مطالب عايزين نمشى بدرى ونقلل العملى وووو...اهم حاجة تثبتوا انكم لكم شخصيات وعقول وافكار لابد من احترامها ومناقشتها مش سياسة

الكلية العظيمة وبالذات لأننا كلية بنات فإننا لا نفقه شيئ ولامؤاخذة فى الكلمة مجرد بعير تنساق وخلاص..خبرة الدكاترة والمعيدين واستحقاقهم للمكانة اللى بيشغلوها مهم كمان الموضوع

مش اقدمية ولا اسبقية ولا حتى رسالة اتناقشت وتم النجاح فى مناقشتها...خلال دراستى كنا بنعانى ،قليل جدا جدا فى الكلية اللى يمتلك مهارة توصيل المعلومة وجذب الإنتباه بالعكس

والله كان فى شبه اجماع على شخصيات معينة وده بشهادة دكاترة افاضل انها لا تفقه ما تحاول تعليمه للطالبات جيدا...اسفة جدا على الإطالة بس حاولت اقدم مساعدة Smile سلام عليكم

وبالنسبة للى حصل من الدكتورة ناهد على حسب ما ساهدته من كتابتكم..مندهشة من اندهشكم!!اذا كان شباب خرج

بأعداد هائلة تؤيده اعداد كبر واضخم لم تستطع المشاركة..للسعى لتحقيق حرية الشعب والبلد والتخلص من الفساد

والظلم اتهمته الشخصيات اللى بيهتف ضدها باتخابر والتآمر والفئات المندسة والأجندات وكمان شككوا فى قدرتها على

احداث اى تغيير..مستغربين ليه من كلمتين زى كتكم نيلة وانتوا مثال للشعب المتخلف اى حد مش عايز التغيير اى حد

مش من مصلحته التغيير اى حد لايمتلك سعة الأفق اكيد هيقول كده واكتر..اهم حاجة الكلام ده مش يحبطكم او يهز

ثقتكم فى نفسكم والهم الا تتبعوا نفس الإسلوب فى الحوار فالتكونوا الأفضل والأرقى

السلا عليكم ورحمة الله وبركاته
عجبتنى هذه المقولة وعاوز اعرف رايكم فيها واعتقد حتفهومنى بسهوله
قد تخفي الثياب حقيقة الإنسان لكن الكلمات الحمقاء سوف تكشفه بسهولة

بجد يا د/ محمد كلمات رائعة وفي محلها فعلا هو ده بالظبط شكرااااااااااااااااااااا لحضرتك كتير علي اللي بتعملوا معانا

السلام عليكم
شكرا دكتور محمد المقوله مظبوطه وصح ومناسبه بجدللموقف

كلام حضرتك يا دكتور مظبوط ومقولة معبرة مية المية
حابة اقول ان اكتر فرحتنى النهاردة اننا مش هنقبل ان حد يذلنا تانى او يهينا و يتحكم فينا خلاص ده كان زمان

وان كله النهارده بان على حقيقته وان ردود افعالنا كمان كانت تلقائية وحقيقية خالية من النفاق لاننا اصبحنا مش محتاجين ننافق حد اللى بحبه وبيقدرنا على راسنا من فوق واللى بيهنا ويتحم فينا نفوله بح ده كان زماااااان

أتمنى يا نسمة لو ممكن ترفعى الفيديو على اليوتيوب وتكتبلنا عنوانها

ونشاهدها بعيد عن المنتدى

يابنات احنا طبعا فرحنين بالي بيحصل بس يجي علي راسنا في الاخر والله هيجي علي رسنا احنا خلاص تعبنا والله تعبنا بس ده مؤشر علي اننا هنشيل مادة دكتوره ناهد بفعل ودي الحقيقه الي ما فيش حد فيكوا قادر يواجه نفسه بيها فااحنا كنا مفروض نصبر ان الله مع الصابرين وطبعا كرمتنا فوق كل شيئ بس احنا عاوزين نخلص احنا كنا خايفن قبل ما نعمل كده ما بلكوا بعد ما عملنا موقفنا ايه تتفتكره هننجح ومين الدكتور الي ممكن يقف معانا لو نجحنا ممكن احد الدكاتره يرد علينا ويقول انا هقف معاكوا لو انتوا حلين وشلته اماده وقتها بجد نبارك لانفسنا بجدونفرح بس ارجوكوا حاولوا تلموا الموضوع علشان مستقبلنا

يا جمااعه إحا بقينا في زمن جديد كرامة كل مصري من كرامت البلد انا شخصيا لو هموت مش هقبل أي إهانة من أي شخص ايا كان
إحنا خلاص بقينا بني ادمين وزمن الذل إنتهى
ومش مادتها هي اللي هتخلي حياتي أفضل بس كرامتي هي اللي هتخليني أحسن
لازم كلنا نثبت على موقفنا طالما إحنا صح ومش بنهين حد خلاص
لااازم يكون عندنا ثقة في أنفسنا كفاية بجد
زمن الذل إنتهى
زمن القهر إنتهى
ولو خفنا وإتنازلنا هنرجع نستعبد تاني
فوقو بقى وبطلو خووف

احنا مطالبا مشروعة ومعظم الدكاترة واقفين جنبنا واحنا مبنعملش حاجة غلط
كرامتنا فوق كل شئ واحنابنطالب بالاحترام المتبادل يعنى لا نهين دكتور ولا دكتور يهينا

انا كنت فى الكليه النهاردة ولاحظت ان اكتر الناس اللى شغاله هتافات ومظاهرات من سنه تالته ورابعه يعنى اللى ناقصلهم سنه ويخلصوا واللى ناقصلهم كام شهر ويسيبوا الكليه خالص

يعنى قربوا يخلصوا
معلشى يعنى انتوا كدة هتظلموا البنات اللى فى تانيه واولى وهيطلع فوق دمغهم فياريت يا جماعه يعنى اللى ناقصلها كام شهر وفى سنه رابعه دلوقتى تستحمل انتم استحملتوا كام سنه مش هتسحملوا كام شهر سواء انتوا واللى فى سنه تالته علشان اللى فى تانيه واولى عايزين يخلصوا هما كمان بدل مايشيلوا مواد ولا يشيلوا سنه بسبب اللى بيحصل دة
وياريت يعنى يا جماعه نعدل من نفسنا الاول وبعدين نتفرغ لذم الناس
مين احنا علشان نتكلم على ناس بقالها كام سنه دكاترة؟؟
احنا لو عدلنا من نفسنا الاول يا جماعه هنجبر الناس انها تحترمنا
والله المستعااااااااااااااااااااااااان