اين طالبات الكلية

عندى عتاب كبير على طالبات الكلية المتخصصات في الطفولة
معقول ياجماعة يكون فى مؤتمر فى الكلية عن التطفولة مجال تخصصكم وشغلكم فيما بعد وفيش حد يحضره معقول يكون فى ضيوف من اهم الشخصيات العاملة فى الطفولة فى مصر والخارج وابحاث جديدة وجلسات ومفيش حد يحضره معقول انا مش متصور كده وحتى الطالبات اللى حضرت كانت غصب عنها نتيجة اصرار المعيدة او الدكتورة حضورهم معقول الطالبات لا يملكوا الوعى ده معقول همكم الاكبر يكون بنظافة الكلية والناحية الادارية والناحية العلمية محدش بيهتم بيها
فعلا موقف غريب اتمنى يتغيير ياجماعة ارجوكم علشان بلدنا تتقدم لانكم لو فضلتم كده واهتمامتكم بالشكل ده يبق لازم نخاف على ولادنا وعلى مستقبل البلد معاكم

طبعا حضرتك معك كل الحق ولكن متهيالى المفروض يكون يوم المؤتمر مافهوش محاضرات لان مرهق اوى حضور محاضرات وبعدين دخول الؤتمر وطبعا انا مش ببرر عدم وجودى لان انا بالنسبه لى امرصعب جدا انى اكون ف المدرسه وشغل مع الاطفال وبعدين اجى احضر المحاضرات وبعدين احضر الؤتمر فعلا حضورى هيكون كماله عدد وانا مابحبش كده وبرضه يعنى متهيالى محتاجين دعايه عن الؤتمر شويه حتى لو فى احد الجرائد يعنى فى كتير مش ف الكليه وبيعملوا ف مجال الطفوله يهمهم اوى الحضور يعنى انا بصراحه لوماكنش عندى محاضرات وكنت عرفت ان الؤتمر هيكون ف حاجات مهمه فعلا كنت جيت ولكن انا طبعا مش برر موقفنا من عدم الحضور وفعلا كلنا لازم نكون ايجابين اكتر من كده

انسة سمية اهلا بيكى مرة اخرى
معلش اسمحيلى برضه اعترض على جزء من كلامك اعمل ايه دراستى للاعلام علمتنى انى اقول راى بحرية واعترض على اى موقف شيفة مش صح وبعد
بالنسبة للمحاضرات احب ان اقولك انى كتير من أعضاء هيئة التدريس كانوا بيلغوا محاضراتهم والسكاشن كمان علشان البانت تحضر وممكن تسالى د ناهد ود كمال حسين وأ/ ايمان رشوان كان
اما بالنسبة للمدرسة وعدم حضورك فالمؤتمر كان على مدار يومين من الساعه 9 الى 6 فى اليوم الاول
ومن 10 الى 8 فى اليوم الثانى واليوم الثان بالذات كان توصيات المؤتمر والتوصيات دى الخلاصة والشئ الوحيد اللى كان يجب ان تحضريه لانه كان فى خلاصة توصيات واقراحات الحضور وده ابتدى الساعه 7 ونصف واعتقد مكنتيش هاتتعبى اوى لو حضرتى او كان ممكن تيجى على نفسك شوية تسمعى اهم شئ خرج بيه المؤتمر
اما بخصوص الدعاية فده معندكيش حق فيه خالص لان المؤتمر نزل ليه اخبار كتير فى الجرائد وانا شخصياً قرأت اكتر من خبر فى جريدة الوفد واكيد انتى سمعتى عنه حتى ولو قبلها بيوم
بجد ياجماعة ملكوش اى حجة او عذر لعدم الحضور
تقبلى تحياتى مرة اخرى

انافعلا ماسمعتش اى حاجه عن الؤتمر حتى من الدكاتره اللى بيدرسولنا اما الجرائد فانا بتابع الاخبار والاهرام ماشفتش اى اعلان وعموما انا بعتذر مره اخرى بس فعلا انا لوكنت سمعت عن مدى اهميه الؤتمر ده وماكنش عندى محاضرات كنت جيت طب ليه مانزلش كده على المنتدى اعلان يوضح لنا اهميه الؤتمر ده واد ايه مفيد بالنسبه لينا وعموما انا بعتذر عن عدم الحضور وان شاء الله الؤتمرات القادمه ها حضرها حتى لما اسيب الكليه

السلام عليكم ورحمة الله وبركاته
انا عايزه اقول ان المؤتمر ده كان جامد جدا بجد استفدت منه على قد ماقدرت ,هواه انا محضرتوش كله بس كنت بحاول بكل جهدى انى احضره وانا حضرت كم شبه كويس منه ويبقى جميل لو اتعملت حاجه مثله تانى .