الي بنات الفرقة الثالثة والرابعة وخريجي رياض الاطفال

من عينى يا بطوط
على فكرة ديه فكرة جميله جدا منك و انا كنت بعمل كده و بجهز لسته باسماء البرامج اللى هنزل بيها على مدار الترم و ده كان بيوفر وقت كبير جدالما العملى يتكربس علينا
و بالنسبه لشعورى اول اما نزلت المدرسه كان طبعا قلق لكن اوا اما توزعنا و بدانا نشتغل كانت كل حاجه تمام و كمان كان بيبقى وقت جميل جدا اللى بنقضيه مع الولاد .
و بالنسبه للبرامج فانا عن نفسى كنت بختار برامج عاديه لكن بقدمها بطريقه مختلفه جدا و بخامات بسيطه بس اللى كان بيكلف طبعا انك مش بتتعاملى مع واحد و لا اتنين لا انتى بتتعاملى مع من 25 فيما فوق طفل
و من امثله البرامج ( يوم كالسيوم جدا ) ( بتتكلمى مع الولاد عن المواد الخضروات و الفواكه اللى فيها كالسيوم و ان الكالسيوم ده عامل زى الرمل و الطوب و الزلط اللى بيبنى بيهم الراجل العمارة علشان تبقى قويه و علشان كده البيبيهات دايما يشربوا اللبن اول اما يتولدوا علشان يبقوا اقويا _ و بعد كده تعملى معاهم نشاط علمى التفريق بين سمك اللبن و الزبادى و الجبنه و تعملى معاهم ازاى تحضرى الزبادى من اللبن و الجبنه من الزبادى قدامهم بيبقى طبعا تحفه " انا اخذت الفكرة من برنامج امريكى مشهور من التليفزيون كانت بتعلم ربات البيوت يعملوا الحاجات ديه فى البيت " _ و طبعا الاركان _ واخيرا قصه صغيرة عن طفل لا يحب اللبن و الزبادى و لا الجبنه و عندما خرج يلعب مع اصدقائه وقع و انكسرت قدمه بسهوله لان عظامه ليست قويه " عن طريق المسرح " ) و بكده تخلصى اليوم و انتى سعيده جدا و هم كمان اسعد لانهم عرفوا معلومات جديده و جميله و بطريقه بسيطه . ان شاء الله كل يوم اكتبلك برناج جديد لو عجبك
jusy

لا طبعا يا بطوط
من عينى
النشاط الاول : انتى بحضرى كوبايه لبن و تانيه زبادى و جبنه و رغيف عيش و عظم فراخ "طبعا مغلفاها " و كوسه و خس و بطاقات لحاجات تانيه من على النت تعرفيها اساسها هو الكالسيوم .
طبعا اول حاجه بتشوقى الاطفال و تخليهم يسؤلو ايه الحاجات ديه احنا مثلا هنعمل كيكه لا طيب غدا لا طيب يا ترى ايه و بعد كده تقولى ليهم ان كل الحاجات ديه مصاحبه بعضها اوى لان كلهم فيهم كالسيوم ايه ايه الكالسيوم ده اه ده اللى دوا الناس العيانه بتاخدوا و تساليهم و توجيههيم انه ماده مهمه جدا لكل حاجه على الارض الانسان و الحيوان و النبات علشان كلهم لازم يبقوا اقويا علشان يعيشوا بتخلى الانسان قوى مش يتكسر بسهوله و النبات يعرف يعمل اكله و الحيوان يبقى قوى و يجرى اسرع لما ييجى حيوان مفترس علشان ياكله و علشان ده محتاج عظم قوى جدا علشان يجرى بسرعه من غير ما يتكسر
و اساليهم ايه اول حاجه بياكلها البيبى اما يتولد ؟ ايه ده ده اللبن علشان يبقى عظمه قوى . الكالسيوم ده زى الرمل و الزلط و الاسمنت اللى الراجل بيبنى بيهم العمارة علشان تبقى قويه و تشيل ناس كتير من غير ما تقع و بعد كده تقولى اسماء الخضروات و الفواكه و المنتجات الالبان و العيش اللى بيتعمل من دقيق و لبن و بيض يعنى كله كالسيوم مهمين جدا لحياتنا و تخليهم يمسكوا العضمه و يا ريت تكون كبيرة شويه و يحالوا يكسروها هيلاقوا صعوبه و لو اتكسرت خليهم يحسوا انهم عملوا مجهود كبير علشان يكسروها و يعرفوا ان عظم اللى بيشرب و بياكل منتجات الالبان اقوى من كده بكتيير جدا .

التطبيق بتاعك
خلى كل واحد منهم يرسم كل حاجه يعرفها عن الكالسيوم و شجعيهم و ده فى خلال 10 دقايق .

النشاط التانى : بتاخدى اكواب اللبن و الزبادى و الجبنه اللى انتى جايباهم و تعرفيهم على الفرق فى السمك بين الثلاثه و تقولى ليهم انك هتعملى حركه سحريه انك هتحولى اللبن ده لزبادى بمعلقه واحده من الزبادى الموجود معاكى طبعا بتكونى مجهزة كوب زبادى تحت التربيزة فى كوبايه شكل كوبايه اللبن و تقولى ليهم انك هتقولى ليهم السر و هو انك مش عملتى سحر و لا حاجه ده انتى حطيتى كوبايه اللبن زى ما عمليتها قدامهم بالظبط فى مكان دافى و صحبتك البكتريا جت و قعدت تلعب معاهم و فجاة تقفى عن الكلام هو فيه بكتريا صاحبتنا اه ديه بكتريا الزبادى اللى بتخلينا نعرف نعمل زبادى جميل يقوى عظمنا و مش بتئذينا بتقعد تجرى فى اللبن فى جو دافى و تخبط فى اصحابها و كل اما تخبط تزيد لحد ما اللبن بيبقى تقيل شويه و يبقى زبادى جميل و لذيذ . و بعد كده تقولى ليهم انك ممكن تعملى حركه سحريه تانيه و هى انك تخلى الزبادى ده يبقى جبنه بس تقولى ليهم انك هتقولى السر ليهم على طول و هو انك بتجيبى مصفه عصير و تحطى فيها شاش ابيض و تحطى فوقهم الزبادى و تحته طبق غويط علشان يشيل الماء اللى بتقع بالظبط على اخر الاركان تبصى معاهم عليها هتلاقى ميه فى الطبق و هى بقت اتقل و تقولى ليهم انهم ممكن يحطوا عليها عسل او ملح و تتاكل بالهنا و الشفا " احذرى تاكليهم منها لحسن حد يكون عنده حساسيه حصلت ساعه السمك معايا " .

النشاط الاخير : عن طريق حبايب قلبى مانكى وزئرة عرائس المسرح و اصحاب الولاد كلهم طبعا " زئرده بتحكى ان اخوها كان كل اما ييشوف اللبن او البيض او الزبادى او الجبنه يقعد يعيط و مش كان ابد بيحب ياكلهم و كان كل اما يخرج يلعب يبقى مش قادر و ينهج و يقول خلاااااااااااااص انا تعبت و فى يوم و هو بيلعب رجليه اتكسرت مالنكى يقعد يعيط يا خسارة يا خسارة طيب انا هلعب مع مين بقى انا زئردة تقولو انا هلعب معاك انا قويه و عظمى قوى علشان انا بحب كل الاكل و كل الحاجات المفيده " فى خلال حكايتك للقصه فى المسرح صاحبتك توزع كل الحاجات اللى انتوا جبتوها فيها كالسيوم و تخبيها فى الفصل فى اماكن مختلفه " و تخلى زئرة و مانكى يطلبو من الولاد انهم يجيبوا من اى مكان فى الفصل اى حاجه فيها كالسيوم او ليها صله بيه و ده هيبقى التطبيق التربوى بتاع القصه .
و السلام ختام

و كده يبقى يوم جميل و خلص بسرعه و انتى و صاحبتك عرفتوا معلومات جديده و الولاد اتبسطوا


jusy

جزاكى الله كل خير....فعلا معلومات جميلة ,والبرنامج كمان جميل جدا
وطريقة تقديمه اجمل ,شكرا ليكىjusy

ربنا يخليكى يا بطوط

لو عايزانى ابعت برامج تانى او عندك فكرة ممكن نطورها اكتبى و انا معاكى
على فكرة انا اتخرجت و عندى الى حد ما خبرة كبيرة فى البرامج لانى مكررتش على مدار سنتين و ترمين غير برنامجين فقط لا غير .
ممكن على بكرة اكتبلك لسته باسماء البرامج و انتى اختارى البرنامج اللى عايزة نعرضه

jusy

من عينى و ان شاء الله على وعدى
و انتى كمان يا فتاه القران لو عايزة حاجه أأمرى

jusy

bgad enty hayla awyyyyyyyyyyyyyyyyyyy wbgad shokran leky bas ana 3ayza a3rf ezay atwr fekry felbramg ya3ny net kotb wla e7na hnt3alm da fel kolya

و طبعا من عينى يا بطوط ابعتى على ايميلى الخاص و اكتبى من فاطمه منتدى كليه رياض اطفال
jusy

من عينى و انا موجوده ليكوا
ركزوا فى الاتمحانات و ربنا يوفقكوا
jusy

موجودين انتى ايه اخبار الامتحانات معاكى
يارب تكونوا بخير
jusy

اولا جزا الله كل من فاطمة صاحبة الموضوع وجوسي التي امدتنا بالمعلومات كل خير بجد مش عارفة اقوللك ايه يا جوسي علشان بجد كنا محتاجين خبرتك وربنا يوفق جميع بنات الكلية في المادة دية وشكرا جزيلا ليكم وياريت دايما تمدونا بخبراتكم

فيه بعض اسماء البرامج المقترحة
الانتخابات(المسئول عن كل من النظافة-النظام-قراءة القصة)
يوم فى مطبخ ماما(سلطة الفواكه-بسكوت ماما اللذيذ)
حمدالله على السلامة يا بابا(يوم كامل فى المطار-تمثيلى
لوعايزيين شرح لاى برنامج انا مستعدة

شكرااااااااااا ليكم يا بنات

مالك الحزين جيسى جزاكم الله خيرا على المعلومات القيمة
ونتمنى ان يكون هناك تواصل بيننا حقا