مشكلتنا مع الكلية

اولا بالنسبه لعدم توافر اماكن لجلوس الطلبه فى الكليه فادا موضوع وفعلا بدل ماالكليه تهتم بتوفير مكان للطالبات اهتمت اكتر بتوفير مكان للسيارات وفى الاصل المكان دا كان عباره عن مكان للاشجار والزهور وطبعا كان ممنوع منعا باتا الاقتراب من هذه الاشجار مش عارفه ليه يمكن كان حرام ولما اتعمل مكان للسيارات برده كانوا بيمشونا من جمب السيارات مش عارفه برده ليه يعنى الاول خايفين على الشجر والوقتى خايفين على السيارات ولا الموضوع ايه مش عارفه ثانيا بقى موضوع النظافه انا معاكى يادكتوره منال بانه مينفعش خالص تبقى كليه بنات ويبقى مظهرها مش كويس على الاقل خالص اضعف الايمان ننظف مكانا مش مهم نعدل بس يبقى فيه مكان نظيف ثالثا بالنسبه للغياب والحضور انا شايفه ان دا موضوع يجب الاهتمام به فى الجزء العملى اى فى السكاشن وليس فى المحاضرات ومع ذلك فيه سكاشن مكناش بنفوتها ابداااااااا زى سكاشن دكتور احمد امين ومكنش فيها غياب قد كدا بس كنا بنحظى على حضورها وكذلك محاضرات دكتور انسى ودكتوره منال ودكتوره سهير يا جماعه الموضوع مش موضوع غياب وحضور الموضوع هوا انا هحضر يبقى لازم اكون حابه احضر مش مجبره على كدا

اقتباس :

هوا انا هحضر يبقى لازم اكون حابه احضر مش مجبره على كدا

وهوا المطلوب اثباته يا eman we safy ..

ده الكلام اللى بنقوله من الصبح بس محدش سمعنا ..

و اكييد مهم اننا نحضر السكاشن لان ده التطبيق على المحاضرات

ده غير انك بتتقيمى على حاجات لو مش جيتى يبقى درجاتك ضاعت وده لينا احنا وعلشان مصلحتنا احنا ..

مش علشان غياب وحضور دلوقتى ..

انا مشكلتى بقى حاجة تانية انا واصحابى تخيلوا اربع سنين ف الكلية وخلاص خرجين ومش عارفين نطلع

رحلة مع بعض انا نفسى بجد ف رحلة كويسة ف مكان حلو وف اقرب وقت ممكن لان خلاص الامتحانات

تعتبر ع الابواب واحنا اصلا مخنوقين جدا من كتر الشغل وخلااااااااااااااااااااااااااااااااااااااااص هيجلنا اكتئاب

يعنى ده ميرديش حد احنا فعلا متغوطين جدا جدا الترم ده وخصوصا كمان اننا سنة رابعة الحقونا بقى ف

اقرب وقت ممكن ارجوووووووووووووووووووووووووكم

فى رحله لاسماعليه طالعه يوم الجمعه اللى بعد اللى جايه .. اسالى عنها فى رعايه الشباب

واطلعى .. ورحله سعيده مقدما

مرسى جدا جدا بس يارب ميطلبش مننا شغل عشان نعرف نطلع

شكرا يا بيوتى

السلام عليكم ورحمة الله و بركاته:

أنا شايفة ان دى كليتنا و لازم نحافظ على نظافتها وممكن ننظم أسرة تكون مسؤلة عن الموضوع ده تتابع البنات و يكون فى غرامة لأى بنت ترمى ورقة على الأرض أو لا تحافظ على نظافة المكان و هذه الأموال تذهب الى العاملين و ممكن كمان يكون فى هدية رمزية أو ورقة شكر لأكثر بنت تحافظ على نظافة الكلية بجد عيب أوى تبقى كلية بنات و معلمات و كليتنا بالشكل ده تخيلو لو المعلمة أصلا لا تحافظ على النظافة الأطفال هيعملوا ايه بقى؟؟؟؟؟؟؟؟؟؟؟ بجد لازم نحافظ على الكلية

وشكرا

على فكره المشكله مشكله مكان قبل ماتكون اى حاجه تانى اصلا الكليه مش فيها مساحه لاى حاجه
عندى فكره جامده انهم يفتحو الكليه تانى على تربيه نوعيه
وبالنسبه لموضوع النضافه لو كل واحده بعد ما اكلت شالت الورق فى السله او فى شنطتها لغايه اقرب سله مش تقيله يعنى
كمان انا عندى مثلا فالبيت اى صندوق قديم ماما مش عاوزاه بعمله سله
ممكن احنا كلنا نعمل كده واحنا رياض اطفال يعنى الابتكاااااااااااااااااااااااااااااااااااااااااااااااااااار كله