انا عارفة انه انتشرت انفلونزا الطيور والحاجات الوحشة دية بس احنا بردوا منقدرش نستغنى عن الفراخ الكنتاكي انا عن نفسي مقدرش استغنيى عنها عشان كدة انا جبتلكم طريقتها علشان تعملوها فالبيت وبالهنا والشفا
طريقة عمل فراخ كنتاكى المقرمشة
المقادير :
-فرخة وتقطع على 12 قطعة بعد تنظيفها
-معلقة كبيرة سماء( دى توابل يتجاب من عند العطار ومتوفرة)
-مغلقة بهارات
-1/2 كوب ماء بصل
-3 ملاعق خل
-معلقة كبيرة كسبرة ناعمة
-2 ليمونة
-ملح - فلفل
- 4بيضات
-2 كوب دقيق ذرة ( ده غير الدقيق العادى)
- دقيق عادى
الطريقة:
اجيب الفرخة واغرز فيها السكينة فى جميع جوانبها
-بعد كده تحطى الكسبرة الناعمة+ماء اليصل+البهارات +الليمون+الخل+الملح+الفلفل فى اناء
وتخلطيهم جيدا وبعدين تحطى الفراخ وتقلبيها فى الخليط جيدا وتوضع فى الثلاجة من باليل ( تقريبا 12 ساعة قبل الطهى )
- تانى يو م بقى اجيب دقيق الذرة واحط عيه ملح وفلفل واجيب البيض واضربه واضع بردو عليه ملح وفلفل
تجيبى الفراخ من التلاجة وتحطيها فى الدقيق العادى اولا وبعدين البيض واخيرا تحطيها فى دقيق الذرة ( علة فكرة دقيق الذرة هو اللى بيخليها مقرمشة )
وتحمر فى زيت غزير مغلى جيدا على نار عالية ( اول ما تنزلى الفراخ لازم تكون النار عالية وبعد كده توطيها حتى تستوى )
هتاخد تقريبا 1/2 ساعة على نار هادية
وبالهنا والشفا
موضوع: طريقة عمل فراخ كنتاكى المقرمشة 