مرتبك كام (بصراحة)

يا دفعة 2009 يا قمرات ازيكم عاملين ايه و حشانى ايامكم طبعا فى مننا كتير اتجوزوا وناس تانية زى حلاتى كده اول ماخلصوا دوروا على الشغل مبروك لكل اللى لقه فرصة و ربنا يسهل للى لسه المهم يا جماعة كل اللى اشتغلت ياريت ممكن تقلنا مرتبها كام وفى اى منطقة و انا هابدا
انا كتبت عقد ب 320 فى مدرسة بشبرا

هو ياجماعة كلكم مخللين فى البيت و لا ايه

ههههههههههههههههههههههههههههههههههههههههههههه
الف مبروك يا قمر ع الشغل
انالسه في تانيه ادعيلي بقي اخلص زيك ان شاء الله
بس انتي دمك خفيف وان شاء الله حد يرد عليكي
بس ممكن يكونو اشغلوا اه بس مش عندهم نت
يلا معلش وممكن جدا يكونوا اتجوزا
هههههههههههههههه

انا من خريجات 2009 ولسه بدور على شغل بس كل أصحابى الى اشتغلوا مرتباتهم ما بين 250 و300 مشفتش حد اشتغل بمرتبات زى الى كنت بسمع عنها 700 و1000 مثلا بس الحق يقال فى مدارس بالمرتبات دى بس فى أكتوبر واماكن بعيده وربنا يوفق الجميع

ظ??????????????????????????????????

--------------------------------------------------------------------------------

ازيكم كلكم يا بنات وخصوصا خريجات 2009 بجد والله كلكم وحشتوني انا اشتغلت في مدرسه في زهراء مدينه نصر جمب بيتي والعقد 9 سنين والمرتب 450 يعني الحمد لله علي كل حاااال

هاى مانجه بجد وحشتينا ووحشتنا موضوعاتك كتييييييييييييييييييييير
انتى اسمك ايمان؟؟؟؟؟؟؟؟
كان نفسى اعرفك وانتى فى الكليه من قبل ماتتخرجى
انا باه فى رابعه ادعيلى يامنجايه انى اتخرج على خير واحصلكو فى حكايات الشغل دى
يااااااااااااااااااااااااااااااااااااااارب آآآآآآآآآآآآآآآآآآآآآآآآمين انا وكل زميلاتى فى الدفعه

وحشتونى اوى يا كل اصحابي
وحشتنى الكليه جداااااااااااااااااااااااا
انا بقي اشتغلت الحمد لله ف مدرسه تجريبي قريبه منى برضو
وبما انها تبع الحكومة ف مرتبها ف الاول لسه ف حدود 150 ويمكن اقل
الحمد لله ع كل حال

مساء الخييييييييييييييييييييييييييير انا ع فكرة مش دفعة 2009 انا دفعة 2004، وعلى فكرة انا بدأت بمرتب اكبر من كده في 2004 بس وبالتأكيد أكبر من كده دلوقتي بس ممكن انتو مش بتطوروا من نفسكوا علشان تحسنو من رواتبكو، كمان المدارس بتهتم بالمدرسات الي بتطور نفسها اكتر من المدرسات الي عندها خبرة، وبصراحة انا مصدومة جدا من الرواتب الي انتو قولتوها دي بس ان شاء الله ربنا معاكو وتحصلو على رواتب اعلى، آه انا ع فكرة باخد في حدود 2000

على ما اعتقد اننا ندخل الوسائل المتطوره فى تعليمنا للاطفال

يعنى ممكن ندخل الوسايل اللى طلع عنينا فى عمايلها فى الكليه ونستخدمها مع الاطفال لما نشتغل

اعتقد هوا ده التطوير فى التعليم و طبعا نستخدم الكمبيوتر لانه بقى يلفت نظر الاطفال جداا

بس احب اعرف من الخريجات بيدخلوا ايه تانى غير الحاجات اللى انا قولتها ديه ؟!

أنا قصدي تطوري نفسك يعني تطوري تفكيرك، تعرفي ازاي تخلي نفسك معلمة مختلفة عن كل المعلمات الي اتخرجوا من الكلية، مش تركزي على الوسيلة ، الوسيلة طبعا مهمة في التطبيق بس انا عوزاكوا تفكروا ازي تخلو المدرسة الي انتو بتقدمو فيها لما تيجي تفاضل بنكو وبين غيركو تختاركو انتوا، يعني انا مثلا اخدت كورسات انجليزي في المعهد البريطاني، وده خلا المدارس الانتر ناشونال بتطلبني، كمان اخدت طبعا كورسات كمبيوتر، انا لما قولت تطوروا نفسكوا كان قصدي ازاي تطوروا السي في بتاعكوا لأن ده الي بيترك الانطباع الاول وربنا يوفقكوا يارب

صح الكلام

واحنا مختلفناش كتير لانى بقول نستخدم الكمبيوتر و انتى قولتى ناخد كورسات كمبيوتر

و طبعا اللغه ديه شئ رهيب .. الكل بيعتمد عليه فى الوقت الحاضر

والدكاتره فى الكليه بيركزوا عليه اوووى وبيقولولنا كتير عليه

ف ان شاء الله خير ونشتغل بمرتب كويس

طيب يا كريزى هاجر مهو مكان المدرسة بيفرق يعنى لو المدرسة ناحية اكتوبر او التجمعات او طريق مصر اسمعالية او فى اى منطقة من المناطق الجديدة بيكون المرتبات اعلى بكتير من المدارس اللى فى المناطق التانية القديمة

بصو هو في الاول و في الآخر موضوع الشغل ده بيكون رزق من عند ربنا، بس على فكرة انا مدرستي مش بعيدة بس دي مش اول مدرسة اشتغلت فيها بالأول مدرستي كانت بالرحاب بس انا دلوقتي شغلي في مدينة نصر يعني الحمد لله قريبة، انتو بس متفكروش كتير وبلاش تحسبوها أوي كده ، اعملي ال عليكي وربنا هيبعتلك نصيبك، طبعا قصدي نصيبك في الشغل علشان دمغكوا مش تروح لبعيد

ربنا يوفقكم ويوفقنابعدكم في الشغل والمرتبات بتاعت معلمات الرياض تعلى وتعلى والشغل بتوفر امين
ساكتين ليه قولوا امين ولا انت عجابكى قاعده بتكم

آآآآآآآآآآآآآآآآآآآآآآآآآآآمين يا رب العالمين، يسمع من بقوك ربنا

المرتبات فى المدرسة الحكومية العقد الجديد 339 كويسة الحمد لله بعد اندمتحان الكادر هنعلى شوية وربنا يوفق الجميع

هاى انا بقة مختلفة عنكم خالص انا دفعة 1999ولسة يا دوب مشتغلة من سنتين والسنة الى فاتت خد العقد المميز الحمد لله على كل حال على فكرة انا من الغربية ومرتبى فى اول سنة كان 105 وزاد بقى 331 الحمد لله

يا ريت حد يساعدنى معرفة التحضير الجديد

جرى ايه يا جماعة ايه الاحباط ده ؟ انا 2009 واول مااشتغلت كنت باخد 500 جنيه ودلوقتى غيرت مكانى وبقيت باخد 700 وعلى فكرة الحكاية مش متوسط مرتبات الحكاية تأهيلك وتسويقك لنفسك والحكاية دى للأسف كتير مننا مش بيعرف يعملها كويس يا بنكسف يامبنعرفش نكلم ونعرض نفسنا كويس

يا ستى انا دلوقتى ماسكة ادارة حضانة فى الهرم وهى نواة امؤسسة تعليمية وتربوية متميز جدا وعلى فكرة احنا بتفتح فرع جديد اكبر وعايزين خريجات واستاف كامل

وبس يا قمر