مرتبك كام (بصراحة)

السلام عليكم ورحمة الله وبركاته انا خريجة الكلية دفعة 2010 انا ملاحظة انكم بتتكلموا عن المدارس الخاصة فقط والمدارس الحكومية دي مش في الحسبان معلش هتقل عليكم في سرد الحكاية من الاول انا خلصت من يونيو 2010 بتقدير جيد جدا ومن يومها وانا بدور علي الشغل روحت مدارس خاصة كتير بس في نطاق المكان اللي انا ساكنه فيه بس مش ارتحت لمعاملة الناس وحسيت اني هتعب معاهم بعد كده في النهاية قدمت ورقي في الادارة التعليمية التابعة لي وبعد لف كتتتتتتتتييييير اخيرا استلمت الشغل في مدرسة لايقال عنها الا انها منفي بمعن الكلمة والاسواء هو النظام بها ولكن للصراحة معاملة الناس بها جيدة استلمت العمل بها في تاريخ4\1\2011 وهذا كان تاريخ سعدي ومع بداية الدراسة بدا العمل ووجدت ان ما درسته شئ وما يقدم في المدارس شئ اخر ولكني حاولت جاهدة ان اعمل بالنظام الذي تعلمته في الكلية والحمد لله في وقت صغير اكتسبت ثقة الاطفال والمعلمات معي وكذلك ادارة المدرسة ولله الشكر اوله واخره انا نسيت صحيح بعد شهرين من العمل استلمت اول راتب وكان 95 جنيه عن كل شهر صحيح هو قليل بس مش هقدر اوصف السعادة اللي حسيت بيها لما خدته معلش انا عارفة اني اتكلمت كتيييييييير بس حبيت اشرح وجهة نظري انك لازم تبحثي عن المكان اللي فعلا محتاج المساعدة بجد وربنا يوفق الجميع

اكيد علشان ده انا رضيت بالوظيفة دي لانها في نفس المكان اللي انا عايشة فيه ولا احتاج لركوب مواصلات وانا والله سعيدة بالمرتب جدا وبعمل بيه حاجات كتير

احنا بندور علي حد يكون رياض اطفال وشطرة
في سنتر لتنمية ذكاءات الأطفال
بميدان حدائق القبة

ومرتبتنا كويسة جدا
وأغلب اللي اشتغلو معانا اتجوزوا وسابونا بعد كده

ده عرض مننا شغلانة وعريس اتنين في واحد


للاستفسار

24537575 & 22563866
جوال المشرفة او المدير : 0149717676
وصفحة الفيس باسم smartkids.agp

hالسلام عليكم
طبعا انا بقي لسه ايه خريجه جديده لانج 2011
والله بجد الشغل رزق ونصيب بس من وجه نظري بلاش نخلي العائد المادى هو
اول حاجه نتكلم فيها وده مش كلام بس
انا عايشه ف زايد ورحت كتبت ابليكشن ف مدرسه وانا متاكده ان هما مش حيقبلونى لانى معيش لغه وهيه انترناشونال بس قلت مش حخسر حاجه
والمفاجاه ان هما كلمونى وقابلت المديره وكانت مستغربه شجعتى ان قدمت وانا ابيض ف اللغه
بس رديت بجراه ان دراستنا مطلوبه ف كل مكان جزء عربي واعجبت بالرد واتعينت
طبعا رغيت كتييييييييير بس بجد اهم شئ الرضا و الثقه ف الله
وشكرا ليكو

انا خريجة دفعة 2008 واشتغلت على طول فى مدرسة تجريبى حكومى وتم تعينى فى 1*11*2011 ومرتبى 616
ولكن التدريس فى المدارس غير طريقة التدريس اللى احنا ادربنا عليها فى الكلية
ومتعبة جدا ومرهقة ولا يوجد تقدير من حد وكل واحد مغرور بنفسة ورامى الحمل على الثانى وشغل رياض الاطفال متعب وياريت الكلية تشوف حل لمشكلة معلمات رياض الاطفال والمنهج الجديد المتعب وطريقة التحضير المتعبة لانك لازم تحضرى 4 انشطة بالمؤشرات و3 اركان بالمؤشرات ودا مجهود ومتعب جدا
واهم حاجة ان زمن البرنامج اليومى 6 ساعات فى حين ان ابتدائى 5 ساعات للصفوف الاولى(1 ، 2 ، 3)
يوجد تعذيب بالمدرسة وارهاق لدرجة يكرهك فى الشغل