هاااااااااااااام جدااا ( ارجوكم افيدونى)

السلام عليكم ورحمة الله وبركاته

عندى سؤال مهم جدا للدكاتره
وياريت يجاوبونى عليه
انا دلوقتى فى الفرقة الثالثة
واحنا ابتدينا الدراسة والشغل
والدكاترة هيبتدوا يقيمونا
بس انا لما روحت انهاردة
حسيت بسخونة وشوية برد
ياترى اقعد فى البيت ولا انزل الكلية.......
وبالنسبة للغياب
هل هتاخد غياب برضه

ولو مثلا اى بنت غيرى حست بالاعراض دى فى نص الدراسة
وفى عز تقييمنا
ياترى ايه تأثير الغياب على التقييم ؟؟؟؟؟؟؟

ارجوكم افيدوووووووووووووونى

سلام عليكم ورحمة الله وبركاته نادين...أولا الف سلامة عليكى وشفاكى الله وعافاكى...ثانيا انا اتخرجت من الكلية لكنى قرأت رد للدكتور محمد عطا بيقول ان الغياب لن يحسب نظرا للظروف فى الترم ده بس انتى برضه اتأكدى من زميلاتك وممكن تدورى فى ردود دكتور محمد عطا عشان تقريه بنفسك...ربنا يوفقك

ميرسى كتير على رد حضرتك
بس احنا سمعنا من كذا معيدة بيقولوا ان فى الغياب مش اترفع
وكمان فى السكاشن كانوا بياخدوا الغياب عادى
ياريت بجد يراعونا ويراعوا الظروف اللى العالم كله عايشه
واحنا كمان داخلين على فصل الشتا
وربنا يحمينا ويحفظنا كلنا

السلام عليكم
بالفعل انا ذكرت ذلك وقلت ان اى طالبه تشعر باعراض البرد والسخونه كما ذكرتى فتتغيب عن الكلية للراحه وهذا افضل لها ولزملائها ولا داعى للقلق من درجات التقييم اما بالنسبه لان المعيدات بياخدو الغياب عادى فده امر طبيعى ولا داعى من الخوف من ذلك او تاثيره عليكى ولكن التى تتغيب عندما تعود الى الكلية تلفت انتباه المعيده ان سبب غيابها هو شعورها باعراض البرد والمعيده ستقدر ذلك واذا كان هناك اى مشكله ارجوا توضيحها وعرضها على المنتدى وذلك حتى نتمكن من حلها لكم

السلام عليكم ورحمة الله وبركاته
ألفسلامة عليكى يانادين أنت وغيرك من زميلاتك اللاتى يتعرضن لمثل هذا الموقف أنا أوافق د/ محمد الرأى الأفضل أن تجلسى فى المنزل فى كل الأحوال عند الشعور بالسخونة والبرد وأنا أكدت مع البنات فىالمحاضرة إن الغياب مرفوع للظروف التى نمر بها جميعاً وأن العبرة فى الاجتهاد فيما يخص المنهج ( يعنى مجرد ما تبقى كويسة إن شاء الله تعرفى إيه اللى فاتك وإحنا معاكى وأغلب الدكاترة نزلوا المحاضرات والمطلوب منكم على المنتدى ) وبالنسبة للسكشن فعلاً تبلغى المعيدة فقط بأنك كنت مريضة ( نادين لا يمكن أن يدعى أحد فى هذه الظروف المرض وإلا...............) وألف سلامة يا نادين هند إمبابى